علق الدكتور أشرف زكي، نقيب المهن التمثيلية، على الانتقادات التي وجهها علاء سلامة وكيل نقابة الموسيقيين، لقرار منح الفنان محمد رمضان تصريحًا بالغناء، مؤكدًا أن رمضان له جماهيرية كبيرة.وتابع نقيب الممثلين: «لما بيكون عضو نقابة عايز ياخد تصريح من نقابة تانية لازم النقابة اللي بينمتي ليها في الأساس هي اللي تخاطب النقابة التانية عشان يقدر ياخد التصريح، ودا اللي عملناه مع محمد رمضان هو كان محتاج تصريح للغناء، وإحنااديناله التصريح دا».واستطرد زكي: «ليه علاء سلامة بيلومنا؟ دا شيء قانوني وطبيعي وبنعمله على طول، ورأينا في موهبة الفنان دا لينا لكن المهم رأي الجمهور ومحمد رمضان له جمهور كبير، وخصوصًا في الحفلات وأحنا لازم نحترم رغبات الجمهور وفي النهاية إحنا منقدرش نتجاهل جماهيريته».ووفي وقت سابق علقت علاء سلامة، وكيل نقابة المهن الموسيقية، على غناء محمد رمضان، وحصوله على تصريح للحفلات، قائلًا: «محمد رمضان عنده موهبة كبيرة في التمثيل، لكنه مش موهوب في الغنا، وأنا مش معترف بيه كمطرب، ولو كنت قائم على لجنة العمل في النقابة لن أعطيه تصريح للغناء».وتابع علاء سلامة: «تصريح محمد رمضان للغناء مخرجش من نقابة الموسيقيين، ولكنه استخرج بسبب خطاب من نقابة المهن التمثيلية، وأنا ضد اللي بيحصل دا، مينفعش أدي حد تصريح وأنا مش مقتنع بيه».
أشرف زكي يرد على وكيل الموسيقيين: محمد رمضان نجم والجمهور بيطلب أغانيه
