«الستات هيشتموني».. صفاء جلال: اخترت الزواج من راجل أمشي حسب هواه (فيديو)

قالت الفنانة صفاء جلال إنها تفضل الحياة الأسرية على العمل واختارت أن تتزوج من رجل شرقي وتسير في الحياة وفق هواه.وأضافت الفنانة صفاء جلال، خلال استضافتها في برنامج «كلام الناس» المذاع عبر شاشة «mbc مصر» قائلة: «طول ما فيه مودة بين الزوجين الدنيا هتمشي.. فيه خلافات بتحصل هو برضه عنده مشاكل في شغله مش لازم نتخانق أو لو الموضوع يستاهل نتخانق يبقى نتخانق احنا مش ملايكة بس كل حاجة ليها حل بس.. التقدير والاحترام شيء مهم جداً في أي علاقة».وتابعت: هي اختيارات في الحياة، كل واحد فينا بيختار حاجة معينة، هل أنا اخترت نمرة واحد أبقى فنانة، ولا نمرة واحد أبقى فنانة وزوجة وأم، كل واحد فينا عنده أولوياته، في فنانة بتختار أولوياتها إنها تبقى نجمة، شغلها أهم حاجة في حياتي، شغلي هو اللي بيعيشني، بيديني الإحساس بالسعادة والشبع من الحياة.واستكملت: «أنا اتجوزت وأنا عندي 24 سنة، صغيرة جداً، بس أنا اللي اخترت أتجوز بشكل معين، وأتجوز راجل شرقي، وأمشي على هواه هو، وأمشي على حسب هو بيحب إيه؟، دلوقتي الستات هيشتموني».واختتمت: «هو كمان الحمد لله بيحاول يعمل كل حاجة عشان يبسطنا، بيحب بيته وبيحب بناته، وبيبحبني وبيحترمني، ولما يلاقي شغلي حاجة كويسة ومحترمة ومهمة، بيشجعني، وبيكون فرحان لما يلاقي الناس بتتكلم عن دور أنا عاملاه كويس، فهي شركة».مؤكدة: أنا لما بعمل شغل بعمله كويس قوي، بس ميأثرش على بيتي وعلى حياتي، وبرضه في رجالة وحشة كتير، أنا 90% من صحباتي مطلقات، وستات عادية مش ممثلات ولا أي حاجة.آخر أعمال صفاء جلاليشار إلى أن آخر أعمال الفنانة صفاء جلال ظهورها كضيف شرف في مسلسل «ملف سري»، الذي عرض الموسم الرمضاني الماضي.وتدور أحداث مسلسل ملف سري حول تولى القاضي يحيى عز الدين مهمة محاكمة عائلة المالكي الثرية بتهمة الفساد، ويدفعه سعيه لتحقيق العدالة لخوض مغامرة خطيرة، كما يناقش العديد من القضايا الحياتية مليئة بالغموض والأسرار.ويضم مسلسل «ملف سري» عددًا كبيرًا من الفنانين منهم: هاني سلامة، عائشة بن أحمد، ماجد المصري، نضال الشافعي، أحمد سعيد عبد الغني، وهو إنتاج شركة مجموعة فنون مصر، وتأليف محمود حجاج، ومن إخراج حسين البلاسي.اقرأ أيضاً:«يمكن أخر عيد ميلاد».. صفاء جلال تعلن عن إصابتها بـ كورونا (صورة)مسلسلات رمضان 2022.. دينا تكشف موعد عرض ملف سري مع هاني سلامة (صور)ماذا قال هاني سلامة عن صورته مع بطلة مسلسل ملف سري؟