مواقف طريفه ومحرجة ..

[نــورالسماء]

السلام عليكـم ..

اعضاء المنتدى الاعزاء كثيرا ً ماتصادفنـا المواقف في حياتنـا الطريف منهـا :icon_mrgrوالمحرج :icon_redfفأحببت ان نكتـب عنهـا هنـا ، مارايكـم ..

أبدأ بما حدث معـي أنا ثم يأتي دوركـم ..

حدث مره اني كنت اتجه إلى معمل الفيزياء في الكليـة وكنت مسرعه لاني كنت متأخرة عن المحاضرة
وصادفتنـي بنت طويله القامة جدا واخذت تصافحني وترحب بي وتسلم علي بشوق كبيـر وحتى انها من شدة فرحتها برؤيتي كان ودها تعانقني وانا مبتسمه ابتسامه المندهش والمشكله كنت ارد عليها كيف حالك .؟ واقول الحمد لله بخير ، واي سؤال عن حياتي اجيب عليها ثم في النهاية سئلتنـي عن شخصيات قلت لها مااعرفهـم وسئلتنـي
هل انت فلانه قلت لهـا لا والله :icon_bigg ، و ضلت تبرر وتبرر من الاحراج ولو ماكنت مستعجلة
كنت هونتها عليهـا :icon_redf....

ــــــــــــــــــــــــــــ

مره إحدى طالبــاتـي بعد إنتهاء الدرس كنت متوترة وانا دوم مستعجله ترى لاني اكلف نفسي بمائة شغله في ذات الوقت طلبت منـي الايميــل لاني كنت بترك العمل عندهم فعطيتهـا الايميـل وكلمه المرور
ويالله على الاحراج :icon_redf:icon_redf

ـــــــــــــــــــــــــــ

وبكمل لكـم بعديـن هذا ماحدث معي فماذا حدث معكـم ؟‍‍‍‍؟‍

[شخمطه]

أهلين وسهلين ومرحبتين نور السماء

المواضيع مثل هذه رائعه .. ولكني لا أحب المشاركه فيها :d وإنما المتابعه عن كثب ومراقبه ما يحدث والمواقف المحرجه التي تحدث للبعض

لذلك لا أدري هل أعود للمشاركة أم لا


تحية وتقدير لك ِ أختنا الكريمة

[نــورالسماء]

ياهلا والله بشخموط كيفك يارجل؟ ! ..

لما لاتحب المشاركه فيها أكيد صابك كثيــر منها ومحرج تقول لاتحرج ولاشئ أعقلها وتوكـل وأتوقع عندك ملايين منهـا ..

والشئ الثانـي البعض يعتبـر أنها مجازفه الحديث عن المواقف الطريفه والمحرجه التي يقع بها الانسان بقصد اوبدون وانها دليـل :15_9_9: لكن أنا لااعتبرهاكذلـك ، واتحدى ان اي أنسان لم يقع بيوم من الايام بموقف ماأن يتذكره يضحـك ..

وكل شخص له قيمته ووزنه وإحترامه بموقف محرج وبدون :d

وسعيده بمرورك من هنـا شخموط ..

[ناسي زمانه]

السلاااااااااام عليكم والرحمه والبركه

دام الشغله مواقف مارح التزم الصمت واتفرج مثل ماقال شخمووط .. ولا رح اشارك بعــد __> اجل وش يبي ذا الان بيقولون

موقف صار لي ما اعتبره دلاخه مني

في السنه الماضيه تقريبا في نفس هالوقت من السنه .. رحت عند اختي بعد ما حذفت الترم من الجامعه :4_9_7:__> قاعد يحكي قصة حياته :10_1_131:
المهم .. وكما هي العاده باب الحوش لما يتقفل ما ينفتح الا بمفتاح من برى.. المهم قمت الفجر ابروح اصلي طبعا زوج اختي ما كان فيه والبقيه نايمين رحت المسجد واذكر كان يوم ربوع (الاربعاء يعني ) المهم فطريق الرجعه من المسجد اجي مدربي راسي بفتح الباب .. الا الاقيه مقفل وش الدبره اللحين ادق الجرس ماحد حولي و مفتاح السياره مو معي بعد .. طبعا مافي مكان اروحه فاتح ذاك الوقت .. لا وزاد الطين بله ان الجوع بدا يقرصني .. ياولد وين تروح اروح اشوف السياره كذا رغم ما عندي امل .. الا وواحد من البيبان مفتوح .. تقول ملاك نزل لي من السما وعطاني كنز علي بابا :18_3_100:
المهم وانطق بالسياره الين تجي باصات العيال حق المدرسه .. وتطلع بنت اختي الكبيره جا باصها قبل ... وامر من جنبها حتى السلام مارديته .. تطالع فيني ببلاده وتقول :خالي ؟؟ وتفتح فمها __> الله اكبر يعني اني شفت فمها ومهي متغطويه
المهم اقول لها : لحقي الباص احسن لك لما تجين احكي لك ؟؟ وادخل من الباب وانا اتلفت لاحد يشوفني وارقى وانبطح على السرير من كثر الخوف لا حد يكفشني ويتريق علي حتى ماصرت افكر بالجوع اللي كان فيني :4_2_204:

معلومه ع الطاير : الفجر يأذن عندنا الساعه 3:30 والباصات تجي الساعه 6:00 بس لمن يهمه الامر ولمن يهوى الحساب :4_12_6:

تشكراااااااااااااااات ,,,نور السما على الموضووع الحلوووووووو

ناسي

[شخمطه]

وعليكم السلام ورحمه الله وبركاته

هلا وغلا ناسي .. لك وحشه يا رجل .. والله شاهد .. فقدناك عمّي


ههههههههههههه

سلمات والله ما تشوف شر .. بس معقول قاعد تفكر في وأنت في السيارة وما نمت ؟؟!!


يا حراااااااااام

[نــورالسماء]

ناسي زمانـه ...

ياهلا فيـك شرفت الموضوع هههههههه ضحكتنـي بصراحه مرررره

ياحليـك وأنت راجـع :jup:

وانبطح على السرير من كثر الخوف لا حد يكفشني ويتريق علي:hapy:

بس غريبه ليه ماتسلقت الجدران ونطيت البيــت ..

أجمل تحيـه لك ...


ـــــــــــــــــــــــ

أذكر مره رحن؟ـا المطعـم والكـل طلب اللى يحب يأكله وجاء دور ولد أختـي سنه اولى إبتدائي أخذ المنيو

طلـب 8 كاتشـــب ..

[شخمطه]

((بس غريبه ليه ماتسلقت الجدران ونطيت البيــت .. )) اقتباس من نور السماء

فعلا ً ليه ما سويتها ؟؟ على الأقل تنام في الحوش أفضل من الشارع أو السيارة .. خيرها بغيرها



((طلـب 8 كاتشـــب ..)) ايضا اقتباس من نور السماء


:jup::jup::jup::jup::jup::jup:

أضحك الله سنـّـك نور السماء .. أشوى ما طلب بيبسي وكاكاو معهم .. ههههههههههههههههههههههههه

الله يبسطك نور

[نــورالسماء]

شخمطة ..

يعنـي ضحكتـك مره السالفه هذي ماشفته وهو ماسـك المنيـو مقلوبه ..


الله يسعدك دوم يارب ...

[**السلطانه**]

اما مواقفي انا يتهيأ لي انه ماتنقال

باحاول اقولها بعدين ...

نور السماء موقف الكاتشب ياخذ العقل والايميل بعد

اما ناسي فوالله موقف مو طبيعي ...سبحان الله صار هالموقف مع خالي بس عاد راح واشترى الفطور وقدر يدخل الحوش ينتظر وقت المدرسه ...بعد ما اتصل على تلفوني ولكن مقفل وماله امل اني اصحى لا انا ولا اللي في البيت


يعطيكم العافيه كلكم

تحياتي
السلطانه

[نــورالسماء]

مرحبا السلطانه ..

شرفتـي الموضوع عزيزتـي ، كوني شجاعه وقولي مواقفــك لاتصيري مثل شخمــوط ..


الله يعافيـك يارب ..

أجمل الامنيـات ..

[شخمطه]

أسللام عليكم .. عدت لكم مع موقف طريف .. حتى لا تزعل علينا نور السماء .. كله إلا زعلها

المهم

أذكر أول أيام تسجيلي في المنتدى .. لم أقوم بعمل موضوع جديد للترحيب بي .. بل بدأت بالرد على أي مواضوع يقابلي (قولوا ما شاء الله ولا تحسدوني) .. وكنت (أمون) على الأعضاء كلهم وكأني أعرفه منذ زمن طويل .. مع العلم أن تلك الأيام كانت أول أيامي ولم أكن أعرف أي منتدى قبل هذا ولا أعرف كيفية التعامل مع المنتديات .. المهم أن أحد المواضيع عجبني وأحببت الرد عليه .. فكتبت الرد وبدل أن أكتبه في نفس الموضوع كتبته كـ موضوع مستقل وذلك بالضغط على (موضوع جديد) بدلا ً من (رد على الموضوع) ظنا ً منـّـي أن ذلك الصحيح .. وبعد أن أرسلت الرد وجدته في شريط آخر المواضيع واستغربت أنه موضوع كامل !!!!

وعندما عدت من الغد وجدت المشرف على ذلك القسم آن ذاك قام بتعديله وإدراجه ضمن الموضوع مشكورا ً ..

كان موقفا ً طريفا ً مررت به

ما رأيكم؟

تقبلوا تحياتي

شخموط

[نــورالسماء]

:) شخموط ...

مافيه زعل منـك أبد ماحد يزعل منك لانك تمون :icon_neut

موقفك مرينـا فيه ولو بشكل مغايـر قليلا ً .. :icon_mrgr

[شخمطه]

يسلمك ربي نور السماء

لا هنت ِ ...

يسلموووووووو كثير =:)=

[ناسي زمانه]

السلاااااااااااام عليكم والرحمه والبركه

نور السماء .. وشخموط ... يعني على بالكم ما فكرت بالحل ذا .. الا فكرت .. بس الطول مثل ما يقولون عز بس المشكله هالعز مو عندي .. يعني بلا احراج زايد .. الجدار طوله يجي ثلاثه متر واخوكم فالله مايجي حتى نص متر __> تراني اطول لايروح بالكم بعيد بس يعني صيغة مبالغه :4_2_109:

شخمووووووط .. ما تفقد غالي انشالله .. وانا اهو كل ما امداني جيت وشقرت عليكم وشربت معكم شاهي ودي العب معكم كيرم على قولت عادل بس ما اعرف
بعدين احمد ربك وانت قابلت فمشرف طيب نقل لك ردك بدون فضايح ولا تريقه __> اليوم الناس ما تصدق

السلطانه .. اقول وش اسم امك .. لايكون انتي بنت اخوي وانا مدري ؟؟ ___> ناسي بدا يفكر وخروا عنه

تشكراااااااااااات ,,,

ناسي

[نــورالسماء]

ناسي ..

هلا بك بس كنت قربت السيارة من الجدار وطلعت عليها ونطيت مو عذر أعتررررف انك مافكرت

ونسيت تفكـر وقتها :d ..

شاكرة لك هذا المرورالجميـل ..

[Razan]

هههههي والله مواقف حلوة ونور السماء اما مواقفك فهي حلووووووووة وبتضحك كتييييير وقصة ابن اختك زكرتني بابنة خالتي الصغيرة اللي اسمها راما حمص
مرة سألتها انتي اسمك راما صح؟؟قالت لأ لأ ...قلت لكان شو اسمك؟؟؟ قالتلي انا اسمي ساندي بيل حمص لوووول:d

[نــورالسماء]

Razan

هلا فيك اولا ً والمنتدى نور بوجودك معنـا ...

ربي يخليهـا ويحفظهـا راما أقصد ( سندي بيـل ) لاتزعل علين؟ـا ..

مرينـا مره ثانيـه ..

تحياتي لـك

[لميس]

السلام عليكم ورحمة الله وبركاته
كان عندى موعد مع دكتورة الاسنان يوم الخميس الفائت
وكانت المشكلة عصب ينشال .... وخايفة من الالم :4_2_204:
ولكن الدكتورة مصرة انه السن مايحتاج :10_1_131:
يعنى حشوة عادية وبس
المهم رضينا بالحشوة العادية ولكنى مغيوظة منها :10_1_117:
لان السن بدا يؤلمنى مع الماء البارد او الحار :4_2_204:
المهم رحت اشتكيتها عند وحدة حبوبة فى نفس قسم الاسنان :15_4_116:
لاننى اعمل فى نفس المستشفى ... :10_1_20:
ولم اذكر بالصدفة اسم الدكتورة اللى انا مغيوظة منها
قالت مايهمك تعالى وحدة دكتورة ... محتاجة تعلم الاطباء على عصب
ولما رحت مسرعة معها ( جرينا جرى )
واااااااو طلعت نفس الدكتورة اللى مغيوظة منها :4_1_105:
المهم عملت نفسى عادى مع اننى ابى اضحك بقوة من حماسى فى الذهاب والمفاجاة :7_5_119:
وشرحت لها موقفى بان السن يؤلمنى ومانفعتش الحشوة :11_1_120:

[عادل السويدي]

مساء الخير نورالسماء وللجميع
هذا موقف محرج وطازه ما صار له الا ساعة فقط حتى لو تلمسيه تلاقيه حار ههههههههههه
الموقف هذا صار بالماسنجر .. دخل أحد أعضاء هذا المنتدى على الماسنجر
وبما إني مواصل إلى الآن ما نمت ووصلت 28 ساعة .. المهم أنه هذا الصديق لما دخل افتكرته زميلة من المنتدى وكلمته على أنه الزميلة وإليكم الحدث بذاته دون تعليق إضافي مني وللمعلومية (آخ يا ظهري= عادل السويدي) لأنه فعلاً لي كم يوم وظهري يوجعني عاد هذي سالفة ثانية يجي لها فرصة وأقولكم عنها:
--------------------------------------------------

‏‏لا تقم بكتابة كلمة المرور الخاصة بك أو رقم بطاقة الائتمان في أي رسالة محادثة فورية مطلقاً.

آخ يا ظهري:
السلام عليكم

¤~ الذي لا يستعااد/ ولا يضااهى/ ولا يقبل الفقد, ~¤:
عليكم السلااام والرحمه

آخ يا ظهري:
صباح الخير

آخ يا ظهري:
دقيقة برب

¤~ الذي لا يستعااد/ ولا يضااهى/ ولا يقبل الفقد, ~¤:
تيت

آخ يا ظهري:
باك

¤~ الذي لا يستعااد/ ولا يضااهى/ ولا يقبل الفقد, ~¤:
هلا

آخ يا ظهري:
وش سالفة المنتدى ؟

آخ يا ظهري:
يفتح معاك زين ؟

¤~ الذي لا يستعااد/ ولا يضااهى/ ولا يقبل الفقد, ~¤:
اي منتدى؟ (:icon_sad:)

آخ يا ظهري:
اي منتدى بالله

آخ يا ظهري:
منتدانا

آخ يا ظهري:
بعدين وش فيك متحطمة كذا ؟

¤~ الذي لا يستعااد/ ولا يضااهى/ ولا يقبل الفقد, ~¤:
لو قايل اسمه مب اوفر لك!!!

¤~ الذي لا يستعااد/ ولا يضااهى/ ولا يقبل الفقد, ~¤:
متحطمه! (:icon_sad:)

آخ يا ظهري:
(:icon_sad:) << وش يعني ؟؟

آخ يا ظهري:
وش صاير فيك ؟

¤~ الذي لا يستعااد/ ولا يضااهى/ ولا يقبل الفقد, ~¤:
من انت يخوي؟

آخ يا ظهري:
ههههههههههههههههه

آخ يا ظهري:
هههههههههههههههههههههههههههههههههههههههههههههه

¤~ الذي لا يستعااد/ ولا يضااهى/ ولا يقبل الفقد, ~¤:
شفيك؟

آخ يا ظهري:
مضيييييييييييييع معلييييييييش

آخ يا ظهري:
هههههههههههههههه

آخ يا ظهري:
المعذرة منك والله يا (...) تراني مواصل لي اكثر من يوم كامل ما بعد نمت

آخ يا ظهري:
التبس علي الاسم وحسبتك (...)

¤~ الذي لا يستعااد/ ولا يضااهى/ ولا يقبل الفقد, ~¤:
الله يكون في العون

¤~ الذي لا يستعااد/ ولا يضااهى/ ولا يقبل الفقد, ~¤:
حصل خير

...............
-----------------------------------------------------------------------

وإلى الآن بصراحة مُحرج من الصديق العزيز مع إنه تفهّم الأمر وكملنا دردشة مع بعض، لكن مع هذا .. لا زلت محرج منه بقوة.
والله لا يحطكم بموقف محرج مع أحد وسلامتكم.

[شخمطه]

ههههههههههههههه

سلمات عادل ما تشوف شر ..

[عادل السويدي]

الشر ما يجيك يا ابوتركي

[نــورالسماء]

لميس ..

حلوة منك:d تحصـل كثيرا حتى عن أكبر العائلات .

مرينا تانـي ..

[نــورالسماء]

مرحبا عاااادل أقصد اخ ياظهري ..

هههههه ، أيش الاحراج هذا ؟!!:11_1_124: وشكلك كذا وجهـك الحار مو الموقـف
احترق من عنـاء الاحراج لكن معليـش تعيش وتاخذ غيرهـا ..

وليه السهـر كل هالوقـت كل هذا لاجل اخوك بيروح كندا روح معاه ياخي :icon_wink

ويالله ننتظـر نسمع سالفة ظهـرك وياهلا فيـك نورت ..

ـــــــــــــــ

[عادل السويدي]

هلا نور
والله ظهري أوجعني من سافر أخوي الله يرجعه بالسلامة وبأقرب وقت إن شاء الله
بس أعجبتني فكرتك أروح لكندا معه خاصة البلد هناك سمعت أنه يهوووس بجد
ومثل ما قال البياتي " أيها الحرف المعذب .. أينما تذهب أذهب "
تسلمين عزيزتي ولك الشكر.

[نــورالسماء]

مرحبتيـن عادل ..

سلامات ماتشوف شـر ، كندا بلـد يهوووس:icon_eek: وبس خلاص انا مسافره معاكم بس اصحى
تفكـر ترجعنـي :co ..

بخصوص ظهرك بسيطـه خلي التؤام ينططوا على ظهرك لمدة ساعتيـن بالكثيـر
وراح تصيـر تمـام بالمره ولا عاد تحس بشئ اسمه ظهرك مره ثانيه :d..

سلم على اخوك كثير سلم لي عليه أول له اني بسلم عليه <<< حتى يأخدنا معاه شبك تتطلع فيا هيك:icon_eek:

ـــــــــــــــــــــــــــــــ
اليوم صار موقف جدا مضحــك بصراحه وحبيت اكتبه لكـم هنـا

جارتنـا العزيزة جات زيارة للوالده اليوم وسألتها عني والجارة هذي كبيره بالسن بالمره وأميه
وسوالفها المعهود من القيل
والقال المهـم لما عرفت اني عند الكمبوتر الكمبوتر لاحظوا

قالت لأمي قولي لها تقوم عنه سمعت انه فيه فايروس لايعاديها هههههه .. والله تحفه

[عادل السويدي]

والله خطيرة يا نور .. كندا مرة وحدة نروح لها
تري بحياتي ما طلعت برا السعودية .. خلينا نطلع حبة حبة بعدين أبو التوم سافر ومشى له كم يوم .. وش رايك نروح أنا واياك لأصفهان أول شي .. البلدة هذي برضه تهوس حسب كلام صديق لي .. ولا تشيلين همّ محفولة مكفولة على حسابي .. كم عندنا نور السماء
بس فيه شرط واحد لازم تتقيدين فيه والا ارجعك من "هونيك" << لطشتها من سعيدان
وهو أنك تبقين مغطية وجهك كله ما يطلع شي منه .. حتى البرقع انسي انك تلبسينه .. يخرب عقلك تريهم مش عارفين عيونك يا نور شو حلوين :icon_eek:

-------------------------------------------

قبل كم ترم صار موقف محرج وطريف في نفس الوقت لاثنين معنا في الجامعة كان عندهم اختبار
المهم الاثنين ذول ما أمداهم الوقت عشان يذاكرون زين للاختبار فاتفقوا على كذبة وهي "أن السيارة اللي كانت تقلّهم وهم رايحين للاختبار انفجر فيها كفر وما كان معاهم استبنة ولا لقوا سيارة توصلهم لمكان الاختبار" عشان يصدّقهم دكتور المادة ويقبل عذرهم ويعيد لهم الاختبار في وقت ثاني ..
المهم دخلوا على الدكتور وحكوا له الكذبة
الدكتور شك في الموضوع لكن في الأخير قال لهم حصل خير وأنا راح أعيد لكم الاختبار الاسبوع الجاي بس انتبهوا بما إنه تكرّم مني اعادة الاختبار لكم فالأسئلة اللي بعطيكم إيها في الامتحان لازم تكون أصعب من الأسئلة اللي أعطيتها زملائكم ..
قالوا مو مشكلة ..

راح اسبوع وجاء اختبار الطالبين
قام المدرس حط كل واحد في غرفة منعزل عن الثاني
والاختبار كان عبارة عن سؤالين

السؤال الأول: مَن الذي ركّب الكفر الجديد مكان المعطوب؟

والسؤال الثاني: الكفر المعطوب هو ..............
اختر أحد الأجوبة التالية:
أ- الكفر الأمامي الأيسر.
ب- الكفر الأمامي الأيمن.
ج- الكفر الخلفي الأيسر.
د- الكفر الخلفي الأيمن.

وحاط ملاحظة في الأسفل: أي اختلاف في اجابتك لأي سؤال من السؤالين عن اجابة زميلك تحصل على درجة الصفر باقتدار. هههههههههههههههههه

-------------------------------------------

تبين الصراحة أنا لو انوضعت مكان واحد منهم يمكن أفصل من الجامعة نهائي
وبلاها دراسة كمبيوتر ..
بالمناسبة سلمي لي على جارتكم أم (كمبوتر) واضح انها خايفة عليك وبتحبك كثير ههههههههههههههه

[JOORY]

:jup::jup::jup::jup:



:jup::jup::jup::jup:


حلوووووووووووو كثير عادل

وتراها بجد حلوووووووووووه جنان اصفهان انصحك روح بس اخذني معك

نور السماء اسمعي كلام جارتكم تراها تعرف بالكمبوتر
هههههههههههههههه

وارجع لكم ثاني

سلام احلى عالم
جوري

[نــورالسماء]

عادل ..
معقول ماطلعت برا السعوديه ياحرام ولا انا :icon_conf, أبو التؤم سافريروح ويرجع بالسلامه ان شاء الله واخذ التوم معاه والا تركهم ؟
خلين اشوفهم وأوريك التوم لاختي بس لاتعلم أحد بيني وبينـك:icon_ques ..
موافقه على الشرط اساساشرطك مااقدر الا مااسويه وباقتدار وان عرفتني بعد مااتغطى
هذا وجهي ههههه
بس البرقع هذا مانستغنى عنه صراحه كيف اشوف الدنيا :icon_eek: وأتاملهـاوأذا احد بس مر مر من بعيد حولنـا اعرف انك مابتخليه فهي محلوله وبتمسك فيه وتوريه عضلاتك ولاتخاف اذا أحد غلبك اكيد انا بزعل :4_9_7:وشكلهم كذا برجعونا غصب ويقولوا لنا صيفوا في الربع الخالي ..
المهم بنسافر بنسافر ياحلاوة ياحلاوة :10_1_20: ..
ايش الموقف هذا ههههههه بصراحه لايحسدون عليه بس اكيد اتعلموا الدرس وعمرهم مابيكذبوا
مره ثانيه وانت اكيد ماتعرف تكذب واذا بتكذب تلف وتدور وتلاقي نفسك تقول الحقيقه
ان شاء الله الجارة اسلم عليهـا بس بسافر انا موفاضيه
__________________
ذكرتني عادل ببعض المواقف اللى حصلت معي وهي بصراحه لاتنسى ابدا ً ..

اخو صديقتي الصغير لما كنا بالمدرسة كانت تتكلم عني وعن بعض الصديقات وهو يسمع
وبعد كذا سالهـا انتو كيف تعرفوا بعض ياالبنات بالمدرسة وانت متغطين كذا هههههه يظن انا بالمدرسة نمشي مغطين كل شئ فينا ، وجاوبتوه انا بأشار من بعيد واصرخ نويررر واذا سمعتني ترد عليا ههههههه ، تخيل عاد لو كنا كذا نمشي متغطين ونفطر متغطين ونشارك بالصف متغطين والاستاذه متغطيه .


موقف تاني ... بيتنا كثيري الترحال من منطقه لمنطقه في فتره من الفترات مره
تعطلت السيارة فينا في طريق سريع ومافيه اي شئ غير سيارات تمر سريعه تخطف الطريق خطف
وتحيط الرمال بالطريق من كل جانب ،
ونزلنا من السيارة وكنا حولها واخواني يصلحوا فيها وجاء ناس يساعدو فاظطرينا نبعد شوي
ودخلنا في الرمال وكل شوي اخوي يخوفني بان المنطقه مليئه بالحشرات الطائرة والزاحفه
والعقارب السامه ويورها لي وكنت اتجاهله وفعلا خفت منها لان كل شئ يساعد على الخوف الدنيا
ظلام وانتي ببـر وبالكاد تشوف شئ ويمكن يعلق فيك شئ منا والا منـا حتى علق بي شئ وكل
اللى معاي صرخوا انه بي شئ عالق بعباءتي يمكن يكون ثعبان صغير واكدت اختي انه ثعبان
وانا تسمرت بمكاني ثعبان مره وحده حاولت اهرب منه يمين شمال ماسك في بقوة واستسلمت
، وتركوني ربع ساعه اطالب بإنقاذي فورا ولا احد انقذني ناس عمرها ماشفت ثعبان بري وضلوا يتأملون فيه ويعلقوا عليه وانا احترق وافقد اعصابي المهم اخر شئ صدرت صرخه مدويه هزت اركان البر لاني فقدت اعصابي فعلا ً وجاء اخوي الكبير ينقذني وترك السيارة وطلع لاثعبان ولا شئ
ماراح اقولكم ايش طلع حتى ماتموتون ضحك، واحترقت مرتين من الرعب والاحراج ...

[نــورالسماء]

جوري ..

هلا فيك شكلها كذا عجبتـك مررره ، خلاص بتروح معانا ولا يهمـك

اسمع كلام جارتنـا برضوا ولا يهمـك بحاول وهي بتفهم بتفهـم اكيد ..

في إنتظارك ..

[JOORY]

سلام

نور السماء حلوه مواقفك كثير
كل يوم تعالي محتاجين نضحك ونفرفش:hapy:

حرام يانور وعادل ماسافرتوا برا السعوديه
خلاص يعني انا اصير الدليل السياحي لكم
وبعدين انا رايحه اصفهان علشان كذا قلت حلوه حلوه
اسالوني عن السفر بس:d


سلام اشوفكم وقت ثاني نلتقي في المطار عند البوابه الخامسه:icon_mrgr

جوري

[نــورالسماء]

مساء الخير جوري ..

ان شاء الله انبسطتي بالمواقف ربنـا يسعدك يارب

بس لو كنت بقلب الحدث كنتي ضحكتي من قلب

لا ماراح اجي تحبي تسمعي مواقف اكثر عندي منها كثيـر وبعضها مااقدر اكتبه هنا

خلاص مادامك بتكوني مرشدنا السياحي اوعدك بمواقفـك ماتنسايها بحياتـك وتضحكي حتى

الغضب ..

تصبحي على خيـر الا تعالي ايش مسهرك لهذا الوقت ؟!!..

[شخمطه]

نور السماء .. وش طلع ؟؟ !!

سلمات ما تشوفي شر

[aliaaplease]

هلا بالجميع ..

تواجد رائع للجميع ..
مر علي موقف لا يمكن أن أنساه مدى حياتي
و كلما تذكرته أشعر بحرج شديد سيما إني حريص
كثير ، و رغم هذا .. لم أسلم ..
موقف حقيقي بس لا أحد ينقد علي ..
قبل عدة أعوام صدر قرار تعييني في الرياض
و كنت في الشمال .. و في يوم مغادرتي للإقامة في الرياض
كان علي أن أودع عدد كبير جداً من المودعين في المطار
و في طريقي إلى الطائرة حتى كان آخر مودع وكيل الخطوط
السعودية في الديرة الذي كان يقف بباب الطائرة و لما كانت المضيفة
تقف خلفه تماماً .. لم أنتبه إلا بعد هنيهه أنني أخذت المضيفه بالأحضان
أوضحت لها الأسباب و قضيت الرحلة أعتذر ..
و كانت متفهمه وهذا ما سهل علي الأمر ..
تحياتي

الغدف

[نـــــوال]

هلا وغلا بالجميع ..

تسلمي نور السماء على الموضوع الجميل ..
الله يسعدكم .. ويمرر مواقفكم على خير ..
مو بكل مره تسلم الجره ..
بصراحه كل موقف احلى من الثاني .. الواحد يطلع من الموضوع ..
وهو على الآخر ..
أما "متحطمه " ههههههه وكمبوتر ..
احمي نفسك من الفايروس نور هههههه
والله الأسبوع هذا بالذات مرت علي مواقف كثيره ..
اخرها اليوم ..
وقبل اخرها امس ..
..
موقفي مع وحده من المنتدى مو مشكله لو تكلمت عنها ..
امس كنت اكلم عذوبه جوال وبعد مضي وقت ..
اسمع ازعاج عندها كنها تبحث عن شي .. اصوات دروج وزحمه ..
وتكلمني كلمات متقطعه .. ومشغوله ما دريت شعندها ..
قلت عذوبه شالازعاج اللي عندك .. خير شفيك ..
تقول بطلع من الغرفه اللي انا جالسه فيها وجالسه ادور الجوال ..مدري وين حاطته ..
ههههههههههههههه طبعاً انا ما صدقت اصيد هالموقف ..

هههههههه مو مشكله عذوبه تحصل كثير ..
...
موقف شبيه حصل لي ..
كنت راجعه من الدوام .. والخلق على الاخر ..
وكانت عندي محاضره وقت العصر مالي مزاج احضرها ..
تجهزت بروح للمحاضره ومتأخره كالعاده .. وتعطلت اكثر اني جالسه ادور على النظاره ..
من غرفه لغرفه .. مريت على الصاله عشر مرات .. ولا لقيتها ..
وكان اخوي بالصاله وسألني ليه معصبه .. سألته ما شفت نظارتي ؟؟ ..
هههههههه برضو ما سمعت الا ضحكه هزت البيت والحي كله ..
سكت انا فتره .. وتحسست اني لابستها =:D= .. قمة الاحراج ..
عديتها وقتها ..ولا كأن صاير شي..
وقلت له اصلاً كنت امزح ما عندي شي .. وطلعت بسرعه ع الدوام ..

............
دمتم بسعاااده ..

[نــورالسماء]

شخمطة ..

الله يسلمـك يارب طلع ..... ليه الاحراج خليها مستورة ..

[نــورالسماء]

الغدف ياهلا ..

بالاحضان عاد مره وحدة ههههه

شاكرة لك هذا المرور ، مرنا تاني ..

تحياتي

[نــورالسماء]

نوال ياهلا فيك والله

نورتي الموضوع عزيزتي الله يسلمك هذا الهدف من الموضوع هو انك تطلعي منه على الاخـر ..

حلوه منك هالمواقف بصراحه احراااااااج موت ههههههه ..

شاكره لك مرورك الجميل من هنـا وننتظر منك مواقف اكثـر ..

[عبدالعزيز المانع]

في بعض الاحيان يجيك واحد
ويحطك في موقف محرج
............

كنت انا وصديق عائدين من البحرين
وكنت طول الطريق ساكت
حتى وصلنا الجوازات البحرينية
((وطبعا صار لنا موقف مضحك بالسفرة))

اول مامديت الجوازات للموظف وصارت عيوني
بعيون الموظف نط صديقي وقال كلمة ((الدورالتاسع)) تذكرني بالموقف
بخيتها ضحكه غير طبيعية بوجه الموظف الذي كان يحسب
اني اضحك عليه حاولت اتاسف منه واوضح له الامر
فجاوبني برد صار وجهي منه الوان
بعد ما اعطاني الجوازات وهو يناظر لنا الموظف
ناظرت صديقي وانا زعلان منه على الحركه وابغى اهزأه
واول ماصارت عيوني عليه ضحكت لا شعوريا
مره ثانيه
الااسمع ضحكت الموظف
يضحك من قلب
كانه عايش الموقف معانا
ودعته وانا اضحك عليه وعلى الموقف


جحا

[aliaaplease]

هلا بالجميع ...

هذا موقف ثاني ... لن أنساه ..
إنتقلت من المتوسطة إلى الثانوية و فرحتي
بنفسي لا توصف .. لكن الفرحة لم تتم .
في أول حصه مع بداية العام الدراسي الجديد دخل
علينا مدرس من جنسية عربية أظن أنه لم يكن
يرانا حتى بمستوى حشرات ( يبدو أنه كان يحاول
فرض شخصيته ) ..قدم نفسه على أنه لأول مره
يأتي للملكة و هذا هو أول يوم له في التدريس هنا و أن
علينا أن نقدم الولاء و الطاعة ،،، و إلا !!!!!!!!!!
في الفسحة تم عقد مجلس الأمن المكون مني و أحد
أبناء عمومتي و مجموعة من الزملاء لبحث كيفية
الرد .. إنتهت الفسحة و لم نتوصل لشيء فقلت لهم
أتركوه علي سأبدأ به و من يريد أن يكمل به فهو حر..
في اليوم التالي أحضرت ضب و في غفلة من المدرس وضعت
الضب في حقيبته اليدويه بعد قليل فتح المدرس حقيبته
و أدخل يده .. فبدت علامات الدهشه على وجهه ,,,
يبدو أن الملمس لم يكن مألوفاً .. فسحب الذي لمسه
و عندما رأى الضب سقط المدرس على الأرض مغمياً
عليه .. فإستنجدنا بالمدرسين في الفصول المجاوره
و عبثاً يحاولون إفاقته و بما أن الإصفرار يعتري
مدرسنا إعتقدت أنه مات بسكته قلبيه لكنه أفاق بعد
قليل ...
الخلاصة .. أسبوع من التحقيق مع الطلبه واحد
تلو الآخر حتى إعترف أحد الجبناء بأنني من فعلت
ذلك .. و كدت أطرد لولا تدخل الوالد رحمه الله ..

سلملم ..

الغدف

[شام]

نور فكرتك جميلة جدا ,,,
تسلم ايديك و افكارك ,,,,

تقف خلفه تماماً .. لم أنتبه إلا بعد هنيهه أنني أخذت المضيفه بالأحضان
فعلا تحدث هكذا مواقف و كاد يحدث معي ذات مرة لولا ستر الله و من يومها و انا اكره المصافحة سواء النساء او الرجال ,,,



ذكرني اخي شخمطة بشي مشابه حدث معي في بداياتي هنا و لكن المشكلة انه لم يكن رد على موضوع و انما كان رسالة خاصة فقد فتحت صفحة الرسائل الخاصة و صفحة للرد على موضوع و عكست الحكاية وكان اللي كان بس لحقت بسرعة و راسلت المشرف و كان و قتها الاخ فارس و فقه الله و مشي الحال فقد كان الوقت مبكرا و الناس لسه نايمة ,,,

[نــورالسماء]

جحا ..

شككت الرجل بنفسـه ، بس اموت واعرف قصه الدور التاسع ..

شاكره لك هذا المرور الجميل ..

[نــورالسماء]

الغدف ..

الان فهمت لمااسميت نفسك بهذ الاسم aliaaplease

شاكره ك مرورك من جديد ..

[نــورالسماء]

حبيبتي شـام ..

الله يسلمك يارب من بعد ماعندك من أفكار:co ..

شاكره لك هذا العبق الجميـل ..

تحياتي لك

[ساحر الكلمه]

:jup::jup:
:jup:
:jup::jup:

نوووووووووور السمااااء الله يرجك ويش سويتي في الناس فضحتيهم

الله يخليكم والله موتوووووووووووووني ضحك

الي يحظن المضيفه والي ينام في السياره و ................... بصراحه كل موقف احلا من الثاني=:D=

ناسي زمانه وحشتنا يا راجل اما نومة السياره وتقفيل البيبان حدث ولا حرج:o
جحا ياراعي البحرين ويش عندك اهناك المره الجايه قلي حتى واصي عليك الشباب في الجوزات
والجمارك( ناوي عليك)
نوال .......وين النظاره ههههههههههههههههههه
شخمطه والله تمون
عادل ............ انتبه مره ثانيه ونفس الموقف مر على اربعه من الشباب
لكن الدكتور سئلهم سؤال واحد اي كفر مبنجر؟؟؟؟؟!!!!!!

اما الغدف الله يسعدك يشيخ ذكرتني بمدرس الانجليزي يوم جبنا له ضب وهدينا في الفصل

اول ما شافه نط على الطاولات وهو يقول :
ايه ده تمساح
وما نزل الا بعد مفواضات مستميته

ونفس المدرس طبعا عربي هو ( مسكين كله تجي في وجهه)
هذا كان عندنا مدرس عربي لمادة الفيزياء قاهرنا في شرحه واسئلته
المهم تكفلنا في القضاء عليه وصنعنا القنبله لنسف المدرسه بكاملها ====> الله يعينك يا بو احمد بيفلون المنتدى
المهم جبنا غرشه ( قاروره ) بيبسي بلستيكيه ووضعنا فيه قليل من مادة الفلاش وبعض قطع القصدير
ووضعنها له في سلة القمامه بالفصل للمعلوميه لا يعرف عن هذا الا خمسة طلبه فقط
لكن لطف الله بهذا المدرس لم تنفجر العبوه وبعد ان بد الحصه الثانيه وهي لمدرس الانجليزي
الا وتنفجر العبوه وتهتز جدران المدرسه الا درجة ان قلنا نها سا تقع المدرس والله يا اخوان كان قريب من الزباله لم نره الا وهو منبطح على بطنه ويصرخ تحت الطاولات والكثير من الطلبه
كاد يغما عليهم من الخوف واخوانكم اخذها ضحك ونتج عن التحقيقات في الموضوع بطرد احد
المتسببين في الحادث .

اما الثاني
كنت جالس انا والوالده والوالد اطال الله في عمرهما واحد اخوتي الذي يصغرني سن
واخوي البالغ 6 من عمره ====> قلبنها حصة عربي:p
المهم كنت اراجع كشف الحساب البنكي لي =====> يبي يعلمكم ان عنده كشف احساب
ومن الهم الذي اعتراني تمتم ببيتين من الشعر قلت:
اه من قلب تقلبً تعذب بدنياه واه من عينً بكت من قهرها
وما من اكملت البيت الا وينط اخوي الصغير ويقول :
شوفوا ما يستحي على وجهه يحب قدام امه وبوه
انا ساعته قلب وجه قوس قزح ومي تقول ايه شفت ما يستحي


شكراً نور السماء على هذه المساحه لتشمت ببعض للاعضاء=:D=

ولي عوده مع مواقف اجمل واعتذر على الاطاله

ولكم كل حب وتقدير(py)

[عبدالعزيز المانع]

نور السماء

الموقف سياتي ولكن بعد ان استاذن من الزميل
الموجود هنا في المنتدى لاني خايف يزعل
فهو شخص شاعري ومن النوع اللي يتاثر بسرعه

______________________________

ساحر الكلمة

مشكور على التوصية
بس اذا تعرف احد اساله هل يطلعوني الحين
بالجواز القديم لانه على حد علمي مددوا المهلة الى شهرين
اتمنى لو تفيدني والسفرة الجاية اعتبر نفسك
جالس بجنبي ..........:11_1_120: (java******:smilie(':11_1_120:'))

[JOORY]

صباحكم جوري

تسلمولي على المواقف رهيبه بجد
ههههههههههههه
واخذوا هذا موقف صار معي من سنتين كنت بصف ثاني ثانوي
كنا بحصه فاضيه وكنت رئيسة عصابه بالمدرسه وبالفصل بشكل خاص
وكان وقتها شتاء وجووووو بارد يذبح وجمعت الشله وقلت راح اطلع اتمشى بالمدرسه وكان ممنوع التمشي وقت الحصص وطلعنا ومرحنا وركض وازعاج على كبر المدرسه ومانلتفت ورانا الا
والمراقبه وركض على الفصل وهي كانت تعرفنا من المشاغبه على طول دخلت الفصل وكان عليه جاكيت وقلت راح تعرفني خليني اشيلهوعلى طول شلته وطلعت كتاب ودفتر علشان اسوي نفسي اكتب وانا مسكينه مدري هي عرفتني ودخلت الفصل ورانا وشافتني جالسه اكتب ومخبيه ضحكه من كل قلبي وقالت لي
انتييييييييييييييييييييييييييييييييييييييييييييييي يي قوووووووووووووومي (والله باعلى صوتها)
اهي قالت كذا انا فرطت من الضحكه ههههههههههههههههههههههههههههههههههه
وربعي معي ورحنا الاراده معها وكلمه منا وكلمه منهم وتم الافراج عن الجميع علشاني
بس لو تعرفوا ليه تستغربوا

كنت شاطره
بس من الملل كل شي يسوي الواحد


واسفه للاطاله واذا ماتبوني اجي ثاني قولوا علشان مااجي

دمتوااااااااااااااااا لي
جوري

[الشهباء]

مراحب ياجماعة

موقفي لا أحسد عليه
بس لا تضحكوا على

المهم
بعد أن تزوجت بفترة قصيرة جداَ
وحيث أن أهل زوجى ليسوا هنا " نفس المدينة "
جاء لزيارتنا ابن عم زوجى وأخوه بالرضاع بنفس الوقت
دخلنا لنتجهز للزائر المقرب إلى قلب زوجي
ورن الجرس
قال ابن الحلال اللى عندى روحي افتحي الباب ل فلان وأنا وراكي
طبعاَ أنا ماشفت ابن العم هذا من قبل لأنه ما حضر الزواج
المهم فتحت الباب
وياأهلاَ وسهلاَ
نورت يا أبو فلان
كيف أم فلان
سعيدة جداَ بالتعرف عليك
فلان كلمنى كثير عنك

وأختكم ولا تسكت !!!
ودخلت الرجال للمجلس
وهو ساكت
والله مانطق كلمة واحدة
والرجال ساكت وماشى على اللى أقوله إياه
ياناس حرف ماتكلم
المهم ما أطول السالفة
تفضل الحين أناديلك ؟؟؟؟؟
دخلت جوه
وقلت
بسرعة فلان جاء
طيب جيبى القهوة
رحت أجيب القهوة
وطلع ؟؟؟؟
وياريت ما طلع !!



تبغى تعرفوا إيش صار ؟؟؟


ما حطول

الرجل اللى جاء بالصدفة البحتة
هو صديق لزوجي قديم وعز يز جداَ على قلبه
وجاء يبارك له بالزواج
بدون أن يتصل



وجانى الحلو شايش للمطبخ
تعرفى مين دخلتى يامدام ؟
تراه فلان


ودوروني
والله لوقدرت أشق الارض وتبلعنى وا قلت لا

أضحكوا يلا

[نــورالسماء]

ساحر الكلمة ..
وعليكم السلام ورحمة الله وبركاته ..
الله لايجيب فضايـح ياساحر هذا اللى صـار من مواقـف للاعضاء وما خفـي كان اعظـم ..
أضحك الله سنـك ياساحـر ، ، ، لك حركات بالاجرام ياشيــخ المدرس راح فيهـا
وثاني مره حب من وراء امك وابوك اسمع كلام اخوك الصغيـر ...
ياهلا فيـك ساحر نورت الموضوع ، وببنتظـر المواقف الباقيه ..

تحياتي لـك ..

[نــورالسماء]

جحا ...
يالله استئـذن منه ولايهمــك ورد لنـا خبـر ، وقول له موقف وصار وانتهـى لاتعقدهــا
نورت الموضوع مره ثانيـة ...
تحياتي لك ..

[نــورالسماء]

ياهلا ومرحبا جوري ..

اسعدتينـا بها الموقـف وذكرتينـا بأيام الدراسه الجميلة ....
اكيد اذا عندك مواقـف لاتخلي مري من هنـا نورتي الموضوع عزيزتي ..

تحياتي لك

[نــورالسماء]

ياهلا ومرحبا الشهبـاء ...
والله انه موقـف شكلـك حرمتي تفتحـي البــاب مره ثانيـه ، ماراح نضحك عليك ِ
نضحـك معاك ِ ...

نورتي الموضوع عزيزتي ياهلا فيك

[واقـــف]

مساء الخير على الجميع

نور السماء .. موضوع رائع بروعة نور السماء .. ولو أنه كله فضايح ( الله لايفضح مسلم ) بس حلو

أنا بقول لكم موقف حصل لي للعظه ( مو العضّه ) والعبره ( من خنقتني العبره ):d

مرةً من المراريت كنا طالعين البحر مع العائله الكريمه ( تقريباً 4 أو 5 عوائل ) اللي من هنا .. الخبر .. واللي من الرياض .. عموماً .. كان الجو ربيعي وش زينه .. طبعاً بما أني مهم وصاحب إرتباطات جيت متأخر تقريباً الساعه 10 في الليل .. بعد نص ساعه من قدومي الميمون جوا مجموعه من شباب العائله ومعهم ضيف ثقيل طينه .. كلب ( أعزكم الله وأجلكم ) بس ماهو عادي .. أبداً ماهو عادي .. ( أعتقد أن أمه فيل وأبوه أسد ) المهم .. كلمت صاحب الكلب على جنب وعرضت عليه مبلغ وقدره علشان يبعد كلبه عني بعد الشمس عن القمر ( طبعاً أنا ماأخاف من الكلاب أبد على قولة الشاعر اللي يقول انا بخاف من الكلب .. يطلع لي أسد :11_1_124:)عموماً .. هذا اللي حصل " مؤقتاً " نفّذ الإتفاق .
المهم بعد العشا كنت واقف مع نسيبي وأخوه على البحر نسولف والقمر يشهد وماعندنا من الشيطان مغز أبره .. مادريت إلأ وشي يتحرك ورا ظهري:10_1_131: ... ألتفت < وياليتني ماالتفت > إلأوأبن الكلب وراي .. :4_2_3:
أييييييييييييييييييييييييييه .. ركبتي صارت تخفق بقوه ( طبعاً مرّد ذلك أن قلبي نزل لركبتي ) .. وصرخت صرخه مجلجله مزلزله مولوله .. الطيور اللي في غابات أفريقيا .. ومجاهل الأمازون طارت من صرختي .. واتصل علي واحد من الشباب يدرس في السويد يسألني (عسى ماشر) .. المهم .. وبقدرة قادر .. أنقلبت من آدمي إلي سيارة سباق فوملا 1 .. وصرت أركض يميناً ويساراً وشرقاً وغرباً وفوقاً وتحتاً .. مادريت إلأ والبحر قدامي ( العدو من أمامكم والبحر من وراءكم ):4_12_5: طبعاً يمدحون البحر :15_4_102:.. أي والله .. المهم خطوه بل خطوتان بل ثلاث .. داخل البحر .. إلأ أنا على بوزي ( بالعربي الفصيح وقعت على خشتي .. \ وجهي / ) وفي أجزاء من الثانيه لملمت نفسي وقمت وأنا أضرب موية البحر بيدي وكله على بالي أن الحيوان ابن الكلب جالس فوقي ومحتار من وين يبدا يقرم ( يعض ):10_1_117:
طبعاً كنت أسب وألعن في الكلب اللي أكتشفت أنه جالس مع الجماعه على الشاطي ومستمتع معهم بالمسرحيه وطبعاً ماأبغى أقول لكم وش كانت ردة أفعالهم .. المصيبه أن الحريم طلعوا من الخيمه وشافوا المسرحيه وذلك بفضل صوتي اللي قلت لكم عليهم ..
الخسائر ..
1 جوالي راح في البحر
2 المحفظه الله يخلف على اللي فيها
3 مفتاح السياره .. والحمد لله أنه الوحيد اللي ماتضرر .
4 الكشخه راحت
5 وجهي ضاع .
والله لايعيده من موقف .
وبس

وخلوها سر بيني وبينكم :11_1_116:


لاهان الجميع

[نــورالسماء]

مرحبا واقف

نورت الموضوع والاروع حضورك هنا جملت الصفحة

هههه:lol والله موقف احراااج موت بصراحه لابعد الكل يتفرج عليــك..

ايش كانت ردة فعلهم ؟؟ متحمسين نعرف

أطمئن بينا وبينك مااحد يشوفه ابد .;)

[ريم الغامدي]

تم تعديل المشاركة بناء ً على طلب صاحبة المشاركة

شخموط

[شخمطه]

السلام عليكم

.. أعتبر نفسي صاحب الموضوع بعد إذن الدكتورة نور السماء الله يسلمها .. وأرحب بجميع من حضر هنا ..



والله يا قعدت أضحك على موقع الغدف والضب والمدرس العربي

ونفس الضحك بل أكثر على موقف ساحر الكلمة الغائب منذ فترة .. تسلمو على هـ المواقف



أخوي جحا .. آمل أن تضع قصه الدور التاسع لو تكرمت وآمل أن يأذن لك زميلك الموجود هنا =:)=





جئتكم بموقف طـــــــــــازة ، قد يكون مضحك مـُـبكي .. (سأحكي لكم الموقف بالتفصيل الممل)



بما أن اليوم هو الثلاثاء 25/5/2004 .. و قبل ثمانية أيام أي يوم الثلاثاء الماضي .. جاءني زميل لي في منزلي لنذاكر سويـّـا ً .. المهم أنني أريد أن أحضر توصيلة كهرباء لأضع الفيشة فيه ليعمل الجهاز (جهاز الكمبيوتر حيث أن المذاكرة تتطلب جهاز كمبيوتر) المهم .. كان لديّ توصيلة كهرباء (لا أعلم ما أسمها باللهجات الأخرى ولكن أتمنى أن الاسم واضحا ً) من النوع الرخيص (أبو قرش) كنت قد اشتريتها من أول ما أخترعوا التوصيلات :p .. المهم حاولت أن أضع الفيش داخل التوصيلة ولكنها كانت مرتخيه بحيث أقل لمسه أو ضربه بالخطأ يـُـفصل السلك ويـُـطفأ الجهاز وتخرب الدنيا ويظيع عملنا في الكمبيوتر :D .. المهم فتحت التوصيلة (كل هذا قبل وصول هذا الزميل) فتحت التوصيلة وبدأت بالهندسه بحيث تصبح بشكل جيد .. وكل المحاولات باءت بالفشل .. وحينها رن جرس الباب فذهبت لأفتح له وتركت العمل ولن أكلمه من جديد حيث أحضرت توصيلة أخرى استعرتها من جارنا .. المهم حين دخول الزميل للمجلس قمت بتوصيل التوصيلة التي استعرتها في الفيش وما إن شبكتها إلا والتمس السلك الخاص بالتوصيلة القديمة التي كنت (أهندس فيها) وبدأت الشرارة تتطاير واشتعلت نار بسيطه .. وعينك ما تشوف إلا النور .. أنا أناقز (أطامر - أنط .. نط ينط نطـّـا ً :D) في مكاني وبقيت في زاوية الغرفه قريبا ً من التوصيله وهي تبرق وترعد وتشتعل قليلا ً و و و .. وهذا الزميل لم يتمالك نفسه من الضحك في أثناء (مناقزتي - نطـّـي "للملكية" :p ) وذهب بكل برود يفتح النافذه .. حيث الدخان غطـّـى المكان وكأننا في شلاشلات نياقرا (ما أدري فيه دخان هناك مثل هذا وإلا لأ .. أعتقد اللي صار عندي في البيت أفضل وأجمل) ولا يخفيكم الرائحه الزكية التي عمّ بها المكان إضافة إلى تفتـّـق السلك الخاص بالتوصيلة .. وانتهى الأمر دون أضرار مادية أو خسائر في الأرواح البشرية أو الممتلكات ولله الحمد .. عدا خساره التوصيلة ذات الـ 10 ريالات ... ومازلت متحسـّـف عليها =:D=

بعدها بأسبوع أو أربعه أيام ذهبت لمحل الكهرباء .. وأخذت أستجوبه حوالي 10 دقائق لأشتري توصيلة بـ 15 ريالا ً .. ولكن تووووووووووبه من الكهرباء واللعب بها ..


آمل أن يكون الموقف قد المقام وما يلائم روعتكم أيها المميزون


مع التحية للجميــع وخصوصا ً نور السماء التي فتحت هذه المساحه لنا

سلمتم جميعا ً

[! العذبه !]

السلام عليكم ..
تحياتي لكل الرائعين ..
خصوصاً ..
نوال وريم .. =:(=
الله لا يوكلكم علي انتي وياها ..
يعني عشان ما اعرف اقول مواقف ولا اتصيد طحتوا فيني ؟ =:(=
<< بتبكي .
مردوده .. بس مدري متى .


تحياتي

العذبه .

[نــورالسماء]

ريم الصحراء .. يكفي مرورك بدون مشاركه ياهلا فيك ..

شخمطة .. ياهلا فيك اكيد الموضوع موضوعك وانا ضيفه عندك ولـو .

العذبة .. ياهلا فيك .

[شخمطه]

يسلمك ربي نور السماء

لا هنت ِ

[JOORY]

مرحـــــــــــــبا

شخموط الحمد لله على السلامه

واااااااقف ماتشوف شر تكبر وتنسى معليش
بما أني مهم وصاحب إرتباطات جيت متأخر (عجبتني هذي)
هههههههههههههه

نور السماء مشكور مره ثانيه على الموضوع عيوني


تقبلوا تحياتي
جـــــــــــــــــوري

[نــورالسماء]

جوري عزيزتي ...

ياهلا فيك المهـم انك انبسطتـي ..

اجمل الامنيــات .

[ساحر الكلمه]

هلا وغلا نور السماء

شفتي عاد هذا الي صار لا لو تشوفين
وجهي والتحريج ذاك اليوم من الوالد وخواني فعلاً موقف لا احسد عليه:icon_redf

هههههههههههههههه
الشهباء اي تنشق الارض وتبلعك
الا هذي فضيحه=:D=

شخميطو قلنا لك خل القافه عنك@$@

واقف يا بعدي والله يا مهم انت
بجد مووووتني ضحك:jup:

متشوف شر


*******

اما موقفي هذا مله الا يوم كنت مسافر من الخبر للاحساء
وفي الطريق تذكرت شغله وقلت اكلم ولد خالي يسويها
وكنت مخزن رقم جواله والبيت تحت اسم واحد وكنت قبله مكلمه على البيت
المهم دقيت من المكلامات الصادره وطبعاً اخر رقم رقم البيت وانا على بالي
رقم جوله وكنت اناظر في الجوال حتى ما يرد مادريت الا وانا اقوله هلا عيوني كيفك حبيز
الا بي اسمع صوت غريب موصوت ولد خالي ولا صوت حرمه وهي معصبه
تقول: نعم
قلت : هذا موجوال احمد
قالت : احمد من
قلت : احمد ....اسف امي انا قلطان
وبسرعه قفل الخط وشوف الرقم الا هو رقم البيت وردة على حرمة
خالي وانا ما عرفه ولا لي اي احتكاك حتى السلام لا ما ندر
تخيلوا وانا اسوق السيره في خط سريع 145كلم والله اني ما عرفت كيف
اسوق تلخبط وحالتي حاله والعرق قام يصب ويش ها الوهقه
وعلى طول تقيت على والد خالي واثناء ما انا اتصل بيت خالي يدق
يبون يصلخوني يفكروني اعاكس
وقوله السالفه ويطب يضحك علي وانا في حاله ارثا له من الفشله

والى القاء في موقفاً اخر:icon_chee

ولكم كل حب وتقدير(py)

[نــورالسماء]

وعليكم السلام ورحمة الله

ياهلا ساحـر الكلمة ... هههه شكلك كذا حرمت تتصـل على بيــت خالـك ..

شاكره لك هذا المرور ..

ارد عليـك بعد أذن شخموط تعرف الموضوع موضوعه;) ..

تحياتي لك

[عبدالعزيز المانع]

الحمدلله بعد طول رجاء

وافق الصديق على ان اذكر لكم قصة الدور التاسع

وساعود لكتابتها

بس اشترط اني ما اجاوب على اي سؤال يتعلق باسمه

فالرجاء خلو الطابق مستووووور

جحا

[واقـــف]

الله يسامحك يانور السماء

فضحتينا .. قايل لك الموضوع بيني وبينكم لايطلع ومع ذلك تم النشر ياللا مايخالف .. :4_2_204:

عموماً .. هذا ( مويضيع ) صغيّر حصل لي أيام الطفاقه ( الطيش ) طبعاً منذ مبطي ( من زمان )

كنت أتمشى أنا وواحد من أصدقائي ( أيام الثانويه هالكلام ) في السياره .. وكنت أسوق بشويش ( على

غير العاده طبعاً ذيك الأيام ) .. المهم مادريت إلأ بسياره صغيره مره لف علي وبغيت أدرعم بالرصيف ..

الدم ضرب في راسي .. وقررت أني أنتقم منه ( وأدوس ببطنه ) :4_9_3:

لحقته بسيارتي الكشخه .. وراه .. وراه .. وراه .. طيران بين السيارات .. وألف على خلق الله .. وبغيت

أتسبب بألف وميتين وسبعين حادث .. وصديقي اللي معي يقول لي أستهدى بالله .. أذكر الله يابن الحلال

أتركه عنك .. وأنا مطنش .. المهم ،،،،،،،،،،،،،،،،،،،،،،،،،،،،،،،،،،،،،،،،،،،،،،،،

صدته عند الأشاره ..

<<<<<<<<<<< نزل البطل

<<<<<<<<<<< البطل يروح يبي يدوس ببطن اللي لف عليه

<<<<<<<<<<< البطل يفتح باب سيارة اللي لف عليه

<<<<<<<<<<< سيارة اللي لف عليه صغيره مره

سبحان من كوّم عماره 6 طوابق + السطح بذيك السياره :4_2_3:

والله ياجماعه .. ومن جد .. المفروض يحطونه في موسوعة جينيس للأرقام القياسيه

لعبو ابليسه وش طوله .. إلي الآن أنا ماشفت واحد بطول ذاك الرجال

وأنا مستانس بعمري .. أفكر نفسي طويل .. :4_12_6:

طبعاً طلع من جنسيه آسيويه .. المهم نزلت العماره ( أقصد الرجال ) وقال لي

إيس فيه ؟!!!!!

إيس فيه .. مافيه إلأ الكير ( الخير ) <<<<<<<<< هذا رد البطل

الله يهديك ياخوي ماتشوف أنت .. بغيت أدخل بالرصيف ..

يالللا روح .. العماره ترد على البطل ( لا وعند الإشاره قدام الله وخلقه )

تخوفني أنت <<<<<<<<<<< البطل يرد

هذا انا رحت ..

يعني ماأعرف أروح .. يلللا حبيبي مع السلامه

وأنا رايح لسيارتي أدعي ربي لأنه مايوصل ..

طبعاً .. صاحبنا اللي معي في السياره مانزل .. ولما شاف العماره المتحركه مات من الضحك ..

وطبعاً مايحتاج أقول لكم .. الأخوان الواقفين عند الإشاره وش صار لهم ..

والله لايفضح مسلم

( في التأني السلامه .. وفي العجله العماره )

ولاهنتوا

[نــورالسماء]

هلا جحا نورت الموضوع بوجودك وسعيده بمرورك ..

ولاتشيـل هم مااحد بيسأل عن اسمه واذا حد سأل عطني خبر تعرفني اذا تمشكلت مع حد

تقوم الحرب العالميه 55 ...

ويمكن اغير اسمي من نور الى أم المشاكل هههه

ياهلا فيـك ..

[نــورالسماء]

واقف ( البطل ) ياهلا فيك مره ثانيه ..

ههها اشوا صار عندنـا بالمنتدى بطـل ;) من الدرجه الاولـى ..

بس بصراحه مااتمنى اصير بها الموقـف ربي راحمك مانفعلت العمارة وصار لك

شئ غير طبيعـي ،

والمعذره منك لموقفك السابق ماادري اني بالنت والكل يسمع ويشوف :icon_eek:

تحياتي لك

[رؤى]

أنا بغيت ما أحط موقف بس لقيت موقفي أهون كثير من مواقفكم

عاد أنا الظاهر أنه في عداء بيني وبين مطار جدة ما أسافر وادخل المطار إلا ويحصل لي موقف لدرجة صرت أخاف أتحرك من الكرسي علشان ما اتعرض لموقف محرج فيه

وفي ذيك السفرة سنترت على الكرسي حتى ما تحصل لي موقف وجا وقت الاقلاع قلت الحمد لله ما صار لي اي موقف وأبتدا النداء على الرحلة قمت وشلت كيسي المفضل المليء بالكتب الجديدة و أركب الباص ويوم وصل الباص الخاص بنقل الركاب للطائرة يقلوا لنا ارجعو الطائرة بها عطل وجيت أبي انزل من الباص ما أشوف غير الكتب كلها تطير في وجه الراكب الموجود أمامي من الفزعة مانزلت من الباص إلا نقزت بدي أهرب وقام المسكين يجمع الكتب الي طارت كلها في وجهه ويعطيها لاخوي وطبعا نتيجة القفزة حصل كسر في كعب الحذاء وتعال شوف المنظر ( بس الحمد لله هذا اقل المواقف )

[شخمطه]

جحا .. لن نسأل أي سؤال يتعلق بالزميل .. إلينا بالحكاية يا رجل (طبعا ً كلام جرايد .. يعني لازم اللقافه والسؤال عنه بس أنت لا تجاوب .. ههههههه)


(البطل ) واقف .. هذا وانت واقف خفت .. وشلون لو كنت منسدح ومتكي :d (الله يذكره بالخير) المهم أحمد ربك ما صرت مواقف سيارات عند عمارته .. ههههههههه

جات سليمة ..