تخيلوا لو كنا كلنا في بيت واحد !! ( السكن على حساب المهند )

[مــيّــادة]

http://www.al-wed.com/pic-vb/22.gif

السلام عليكم ورحمة الله وبركاته..


مساء الخير عليكم جميعا ..

كيفكم ياحلوين العربي الموحد ...؟؟

لقيت هالفكره مطروحه بكذا منتدى حبيت اعدلها واطرحها باسلوبي لكم ..

وهي انه نتخيل انه احنا ساكنين ببيت واحد ..

والكل يدخل ويسولف ويطلب او يسال عن الاعضاء الاخرين ....

يعني ممكن نطلق لخيالنا ( العنان ) ونكتب اي شي ....

واتمنى الكل يشاركني .. واشوف عدد الردود تعدت المئه باسبوع ..

طبعا السكن هنا ببلاش ... بس مراقبين مو بكاميرات مثل ستار اكاديمي..!!!

لا بالكيبورد ..

يعني الكل يشارك بدون احراج الاخرين او الخروج عن حدود الادب...ولا احد يعتب على الفكرة لانها من وحي الخيال .. والخيال بعيد كل البعد عن الواقع

( طبعا اختلاط فلازم شروط .. لاتصير الدعوه خبط ولزق ..!!!! )

واخيرا ... السكن تبرع فيه بالسر المهند بما انه المسئول المباشر عن الاعضاء بالمنتدى ويحب انه يشوفهم طبيعيين ( ورطت الرجال وهوه مايدري ..! )

اتمنى اني ما انطرد من المنتدى بسبب هالفكرة الخرندعية((اظن محا انطرد اتعودتوا على اندفاعاتي))
ههههههههههههههههههههه


بانتظار ماذا سيحدث في بيت العربي الموحد..

اتفقنا ......

http://www.al-wed.com/pic-vb/22.gif

[مــيّــادة]

احم احم

احب ابدأ

ترى خيالي وااااااااااااسع جدا جدا جدا

اول ما افكر اكتب

اكيد الي اشيل همه افكر فيك

كنت بامشي للممر رايحة لغرفة الجلوس
وافكر فيك خرج من غرفته وبيمشي بنفس الممر الي انا فيه

المهم ما اذكر اش السبب حصلت معركه كبيرة جدا ابطالها طبعا المخرب والمخربه
(( هههههههههههههههههههههههههههههههههههههههههههههههههه ه ))

والاعضاء ما يسمعوا الا طاخ طيخ

جاء جدنا المهند الله يعطيه العافيه وحاول يفك المعركه باي نوع من انواع الصلح
وحب قبل كده يعرف اش سبب المعركه

سال افكر فيك وجاوبه ((السبب لعبة شباب وبنات تعالوا مين يعلب)) هيه تخرب عليا اللعبه دايما
وتقول اني انا الي اخرب عليها لا ونشرت اني خريج سجون بلعبة صرت بطلها من كثر مايجي اسمي فيها..
((معترف انه خريج سجون هههههههههههههههههههه))

قام سالني جدي المهند صحيح يالامل المفقود قلت ايوة لكن اللعبه للكل مو لافكر فيك بس مدري ليه احب ادخله السجن ممكن لانه بس يخرب علي بلعبة شباب وبنات والمصيبة مو بس علي انا على اي بنت

قام جدي المهند وقف في صفي ((عارفين الجدود وعطفهم على البنات هههههههههههه)) وقاله خلاص يا افكر فيك سيب البنات في حالهم بهذي اللعبة خلي الاعضاء الثانيين يتوصوا بالبنات انت اتركهم في حالهم ياولدي((والله مناي لو يحصل كذا .. انا الي في قلبي على لساني .. ههههههههههه))

وانت يابنت يالامل المفقود لاتدخلي افكر فك السجن برضة اخوكي المفروض ماترضي له ولا انا غلطان بعدين ياكثر الاعضاء ليش مالك غيرة نقرك من نقره خلاص ياولاد انتو كبرتوا اعقلوا..

طبعا القرار في صالحي انا رحت اتمشى وانا انطنط فرحانه مرررررررررررررة ودقيت الباب على غرفة الغدف
قالي اتفضلي

دخلت

كان كالعادة مشغول لشوشته بس هوه واعدني يعلمني اعمل تصاميم فاخذت كرسي وجلست عشان يعلمني..

سالني اش الطاخ طيخ الي كانت بره

قلت له عالحكاية كلها((ماصدقت اوف مني رغاية ههههههههههههههه))من طق طق لسلام عليكو

رن جوال الغدف وقالي معليش خليها بكرا اعلمك على التصميم

هذا واحد رجال يبغاني اروح له ضروري

وكالعادة اتاجل الموضوع ..

شفته انو خيالي واسع
يالله انا رغيت كفاية
بانتظار رغيكم ..
هههههههه
شكرا

[ابو مشعاب]

لألعن أبوك الفقر لا بو حركاته هوي هوي للل ... ( ابومشعاب طالع من الدوام ويغني )

طخ طخ طخ افتحوا الباب طخ طخ طخ افتحوا وصمخ ....

عادل السويدي : طيب طيب وش فيه هاه من هو والله ما سويت شي

ابو مشعاب : ساعه عشان تفتح الباب

عادل السويدي : اااااااااااااااااااااااااخخخخخخ من أنت

ابو مشعاب : (محمد الفايد) من بيكون يعني ابو مشعاب ,

وش في وجهك معـبِّـس كأنه مصبوب عليه ببسي :icon_mrgr


عادل السويدي : ما نمت زين

ابو مشعاب : قم نــزِّل الأغراض من السياره


عادل السويدي : تعبان والله خلي ( المهند ) يشيلها بدالي .

ابو مشعاب : ما تستحي على وجههك ما يكفي إنه صابر عليك تتبطح و تسدّح في بيته

عادل السويدي : طيب خلاص , هاه جبت لنا موز يا حظّـنا حظّـاه .

ابو مشعاب : ايييييييييييييييه وجبت لكم كــمـثري بعد .

عادل السويدي : وش الكمثري

ابو مشعاب : هذا تـفاح مـخـصّـر :d

عادل السويدي : منين يجيبونه هذا ؟؟؟؟؟؟؟!!!!!!!!

ابو مشعاب : هذا الله يسلمك يزرعونه في الخفجي .

عادل السويدي : طيب ويش أسوي بالأغراض هذي ؟؟؟

ابو مشعاب : شوف جدتك أنثى السحاب إذا مازالت حـيّـه عـطها أياها خلها تصلح لنا غـدا

عادل السويدي : عينك على جارتنا يا عيوني .... ( عادل يغني وهو يحمل الأغراض ):icon_mrgr

ابو مشعاب : أحـلـق شنبي إن افلحت .


( ابو مشعاب يتجه إلى المجلس )

ابو مشعاب : يا مياده يا مياده .....

مياده : نعمين :icon_frow

ابو مشعاب : مشعابين توقّـع في راسك انشاء الله قولي لـبيه , احترمي اللي اكبر منك .

مياده : وش تبي :icon_roll ؟؟..

ابو مشعاب : عطيني القهوه و الشاهي و جيبي لي تـــتــن من البقاله .

مياده : اسطوانة الغاز فاضيه .

ابو مشعاب : قولي لأفكر فيك يعبيها .

مياده : افكر فيك جالس فوق السطح يفكر :icon_mrgr

ابو مشعاب : طيب قولي لجحا يعبيها

مياده : جحا يلعب كـوره في الشارع .

ابو مشعاب : خلاص روحي انتي عبيها

مياده : بسم الله علي لا انا خاف اطلع في الشارع .

ابو مشعاب : أنتي تـخـوّفـيـن مقاطعه بأكملها , البسي عباتك و غـطّـي شوشتك وروحي بسرعه .

مياده : ابشر ابشر ..........


صابني حبكم ارحموا يا ناس ذيك الأيام ماني بناسيها ( الهيل يغـني )

الهيل : السسسسسسسسسلام عليكم




إلى اللقاء في الحلقه القادمه

[افكر فيك]

مياده ..

يعني طلعتيني في الحكايه زي ابن البطه السودا..:w:

طيب:icon_mrgr

[مــيّــادة]

حلوة يا ابو مشعاب

طيب كمل اش حصل للهيل

افكر فيك

طلع حكاية علي ممكن تطلع اقوى من حكايتي عليك

[ابو مشعاب]

صابني حبكم ارحموا يا ناس ـــــ ذيك الأيام ماني بناسيها ..... ( الهيل يغـني )

الهيل : السسسسسسسسسلام عليكم

ابو مشعاب : وعليكم السلام هلا حيا الله ابو فهد , ما شاء الله اليوم مبسوط و تشدو بصوتك المخملي ؟؟

اليهل : إيه أبشرك الله رزقني بولد

ابو مشعاب : مبروك مبروك وش سميته ؟

الهيل : سميته فيصل

ابو مشعاب : الف مبروك والله يعطيك خيره ويكفيك شره

الهيل : وشهو ؟؟؟؟؟؟؟؟؟؟؟؟

ابو مشعاب : هااه قصدي يتربى في عزك إن شاء الله والله يطرح فيه البركه

الهيل : أشــوى

ابو مشعاب : الله اسم (فيصل) اسم حلو يذكرني بإسم المطرب اليماني الكبير فيصل عـلوي

واغنيته المشهوره اللي يقول فيها :

الهاشمي قال هذي مسأله ـــــــ والثانيه عـادها لـمَّـا تـكون
عـندك خطأ ما قرأت البسمله ــــــ ولا تبارك ولا عـمَّ و نــون

الهيل : لا تنسى أغنيته الحلوه اللي يقول فيها :

يحيى عـمر قال إذا جيت للبندر ـــــــ إذا دخلت البلد قول بسم الله

ابو مشعاب : إيه يا رجال راح الفن الأصيل , وين فريد الأطرش وفيروز وهـود العيدروس وحجاب بن نحيت ...

الهيل : أمـلـنا في ( شعـبان عبدالرحيم )

أنثى السحاب : يالهـِـين .. الهـِـين ..يالهـِـين (تنادي على الهيل )

ابو مشعاب : قـطـعـا , جـات أم حديجان :d

أنثى السحاب : السلام عليكم , يا ويلي ويلاه من هـزا :eek: (ابو مشعاب ) , اصبروا خلّـوني

أغـطي وجهي :17_6_11:

ابو مشعاب : إيه تـكفين غـطّـي وجهك خـلّـينا انتهـنّـا في عـيشتنا

أنثى السحاب : إيـش تقول يا سيد القـوايل :w: ؟؟؟؟؟؟؟

ابو مشعاب :أقول مساكِ الله بالخير .

أنثى السحاب : ايوه قول كذا , يالهين (الهيل) إيش مـقـلِّـسك ( مجـلِّـسك بالمصري المتسـعّـود ) مع

ابو مشعاب ؟؟؟؟؟؟؟؟

الهيل : هااه , والله هو اللي دعاني:icon_redf

أنثى السحاب : تـكفون يا رقاقيل (رجاجيل ) تـكفون يا طـرِّ قـيبي (جيبي) طـرّاه

(ابومشعاب , الهيل ) : سلامات وش صار ؟؟؟؟؟؟؟؟؟؟؟

أنثى السحاب : البارحه يا رقاقيل (رجال) في تالي دالليل دخل في غرفتي حرامي

يا وقه (وجه) الله يا وقه الله !!!!!!!!!!!!

ابو مشعاب : هذا والله من قـرادة حظ الحرامي , يعني وش بيحصل في غرفتك

أنتي راس مالك ثوبـيـن و مِــنشـفـه :d

أنثى السحاب : لا والله يابومشعاب إلا يبي يسرق الدهب بــِتاعي أقصد حـقـِّي .

الهيل : وبعدين وش صار ؟؟؟؟؟؟؟؟

أنثى السحاب : يوم فتحت النور وشافني أنحاش و هرب من الشباك

ابو مشعاب : والله ما ألومه المسكين , أنا متأكد إنه راح يتوب من السرقه والفضل يعود لله ثم لك يا انثى

السحاب .

أنثى السحاب : المهم , خـلّـونا من الكلام الفاضي , أنا اريد منكم شغـله

الهيل : تـدلّــلي

ابو مشعاب : تـقـلّــعـي

أنثى السحاب : أنا معزومه الليله على عرس(فرح) جيراننا آل خـديشان

الهيل : ما شاء الله من اللي بيتزوج ؟؟؟؟؟؟؟؟

أنثى السحاب : بـنـتـهم ( سوسن )

ابو مشعاب : مين ددسـن هـذي ؟!!!!:icon_mrgr

أنثى السحاب : أقول لك سوسن يا رقال(رجال) ما تسمع أنت :w:

ابو مشعاب : إيه عرفتها سوسن أم ضروس , من الخبل المجنون اللي بيتزوجها هي وضروسها اللي

كأنها مخالب جعـري :d

أنثى السحاب : بيتزوجها ( سـاكِــب بن تــانِــخ )

ابو مشعاب : إيه قولي لي كذا , وافق شـنٌ طـبـقـه , أعرفه (ساكب) ابو ريحه هذا شريطي غنم وفاشل

بعد , دايم خسران ويتسلّـف ما بقى أحد ما تسلّف منه حتى مؤذن المسجد البنقالي .

أنثى السحاب : والله (ساكب بن تانخ ) ما يعيبه شي ما شاء الله عليه زي القمر وكل وحد تتمناه .

ابو مشعاب : يا بنت الحلال هذا ما أحد يبيه , خاطب نصف بنات الديره وكلهم رفضوه ,

حتى خـدَّامتهم خطبها ودفلت في وجهه . :icon_mrgr

الهيل : هههههههههههههه :ro:

أنثى السحاب : عيب عليك يالهيل لا تضحك , ما عليك من كلام ابو مشعاب تراه يغار من ساكب بن تانخ .

ابو مشعاب : أغار منه على إيش , ما شفتي أسنان الذهب اللي مركّبها صايره كأنها

طقم كاسات شاهي :md:

أنثى السحاب : المهم أنا أبغى واحد منكم يوصلني للـكـوافير

ابو مشعاب : دِقــن وإلا شَـعــر ؟؟؟ :ro:

أنثى السحاب : يا مقنون(يا مجنون) أنا أبغي أحط مكياج واصـلِّـح شعري

ابو مشعاب : يا بنت الحلال لو يستـشورون شعرك طاح نصفه , هي كلها شعرتين إغسليها بماء

وامسحيها بـحـناء و مشاط :ro:

الهيل : ما عليكي منه يا انثى السحاب هذا مهبول , أنا راح أوصلك للكوافير .

أنثى السحاب : أقل(أجل) أنا رايحه أتـجـهز يااااااااااااااااالله .

ابو مشعاب : عـزَّ الله بيطردونك يالهيل أنت وذالعجوز الشهبا من الكوافير .

أنثى السحاب : ويش تقول يابو مشعاب ترى انا اسمعك ؟؟

ابو مشعاب : أقول الله الله بالصبغ و كثري من الأصفر والأخضر كـذَّابي تراها صايره موضه :md:

أنثى السحاب : لا توصي حريص .

ابو مشعاب : تصدق يالهيل إنك جـنـبـازي

الهيل : إيش :eek:

ابو مشعاب : لا و لــوتي بعد وحـيلي .

الهيل : لـــيــه ؟؟؟؟؟؟؟؟ :mad:

ابو مشعاب : ليش ما تقول الحق لأنثى السحاب بخصوص الكوافير والخرابيط هذي ؟؟؟!!!!!

الهيل : ياخوي لازم نـجـامل ...

ابو مشعاب : المجامله ماهي دايم , وإلا العجوز هذي وين والكوافير وين ,

هذي إصبعـين في الدنيا و رجلين في القبر .

الهيل : يا رجال اسكت لا تسمعنا تجينا بالعـصا

ابو مشعاب : يالله أنا مــاشي

الهيل : وين رايـح ؟؟

ابو مشعاب : رايح أدوِّر على (جحا) عشان أخـلِّـيه يروح يجيب ملابسي من المـغـسلـه .





إلى اللقاء في الحلقه القادمه


لا يفوتكم الثلاثي الكوكباني ( جحا و عادل وابو مشعاب ) وفريق كرة القدم في الحلقه القادمه (py)

[الهيل]

ابو وليد ههههههههههههههه



يخرب عقلك على هالسوالف ,,, وحاط حجاب مع فريد وش خلت

حلووووة يابو مشاعيب الله يكفيك من لسان الجدة



تحياااتي

[**السلطانه**]

السلطانه : ممكن اعرف وين اقلامي ؟؟
نوسه : ما ادري عنها ؟؟
السلطانه : اعترفي لا اوريك واعلم المهند بكبره ....
نوسه : خلاص خلاص عطيتها مياده تبي تكتب بها مسوده للمواضيع اللي بتنزلها في المنتدى
خبرك صايره نشيطه هالبنت .......
السلطانه : أها وتكتب على حسابي .... يالله ماعليه خلها تستاهل مياده ....

...( واخذت مياده الاقلام ومارجعتها ) ...

مياده يعطيك العافيه على هالمواضيع اللي توسع الصدر
تأبري ألبي <<< تقبري قلبي ... إسألي نوسه عنها ....



تحياتي

[شخمطه]

جااااااااااكم شخمطه يحييكم ويقول لكم إلى الأمام

ميادة .. مليون شكر على الموضوع

أبو مشعاب .. الله يغربل شيطانك .. عليك خيال .. ولا في الخيال :d


تحياتي للجميـــع وننتظر اللقاء المرتقب .. بس خـِـفْ عليهن شوي

[افكر فيك]

في المطبخ ..

مياده : عايزين غدا ..

رد الجيع .. نعم نعم نعم ..

مياده : خلاص انا رح اعمل لكل واحد سندويتش..

شخمطه : ايش ايش سندويتش .. روحي يا شيخه انا ما أتعامل مع هذه الاشكال ..

ابو أمير : ايش صار شو السالفه ..

مياده : حضرته مش عاوز سندويتش ..

ابو أمير : انتِ جيبي سندويتش بيض بس لاتحطي فلامينكو ..

مياده : شو ها الفلامينكو ..

ابو أمير : افكرفيك رح يقولك ..

مياده : يا افكرفيك ياخراب البوم ..

افكرفيك: ايش تبين انا مش فاظي لكلامك الفاضي ..

مياده: انت زعلت من سالفة المهند ..

افكرفيك: ومين مايزعل ياخريجه سجون من الدرجه الاولى ..

مياده : طيب خلنا من هالكلام .. ايش هو الفلامينكو ..

افكرفيك: ايش

ابو أمير : افكرفيك لحقت تنسى ..

افكرفيك : انا مو ناسي .. بس هذا فيه اختلاف في الرأى والاحسن نبتعد عنه ..

شخمطه : اختلاف في ايش يا حبيبي .. وانا مصر على رأيي فيه ولو طال الزمن ..

ابو مشعاب : اعصابك اعصابك اخوي شخمطه ..

شخمطه : انت مش سامع يقول ايه ..

خالد : صرنا في برنامج الاتجاه المعاكس والله يستر ..

شخمطه : تتصور يا ابو مشعاب ان افكرفيك يعارظني في معنى الفلامينكو وانا اول من اخترعه ..

ابو مشعاب : لالالالالالالالالالالالالالالاه

افكرفيك: ياعم هو مش عارف يقول ايش كل حاجه يسميها جبن ..

ابو مشعاب : ايش دخلنا في الجبن ..

مياده : ايش صار لكم حد يقول فلامينكو حد يقول اتجاه معاكس وواحد يقول جبن .. احسن انادي للمهند ..

افكرفيك: تعالي هنا انتي مالك شغل الاتسوين الغدا وبس ولا تبين ..

مياده : ابي ايش ياخراب البوم .. طيب لماتشوف ايش رح يعمل فيك المهند .

افكرفيك: ياشيخه روحي .. وخذيها من قاصرها ..

ابو أمير : ياجماعه ياجماعه ..

خالد : انا بقولكم من الصبح انه صرنا في الاتجاه المعاكس ..

وجاء المهند ..

المهند : ايش فيكم ايش صار ..

التكمله في الحلقه الثانيه ..

[مــيّــادة]

افكر فيك
حلوة
وانتظر الحلقة الثانية والله يستر
ههههههههههه
يالسلطانه طلعتيني فيها سراقة اقلام
هههههههههههههه
تسلمو على التفاعل
لكنه فعلا بطئ
ليش؟؟

[عادل السويدي]

بغيت أسلّم على أهل البيت كلهم أولاً
فيه سيناريو صار أمس

عادل السويدي إلى (الهيل، شخمطة، الغدف) : وش قلتم؟! اتفقنا؟!
- اتفقنا

يا ليتني من عرب شمّر .. أمشي وأدوّر لمحبوبي "ابومشعاب داخل للمجلس وهو يغني"

طخ طخ طخ <<== أصوات تصفيق

ابومشعاب: وش فيكم ؟؟ وش بتسوون فيني ؟؟

أم بكر إلى (الهيل، شخمطة، الغدف، عادل): أسألكم بوجه الله ما توجعون المسكين

عادل: خليك برّا الموضوع رجاءاً .. ولا تدخلين مع الأقشر ابومشعاب

وبعد ذلك

أبو مشعاب (وهو معلّق بالسقف مصلوب) : يا جماعة الخير .. وش سويت لكم أنا حرام عليكم

أنثى السحاب: ده ظلم يا ناس .. صحيح إن الرجال موذي لكن مهما كان يظل منا وفينا

الهيل(لأنثى السحاب بصوت واطي) : حنا بس نبيه يتوب عن سوالفه وشقاوته .. ما عليك كلها كم يوم وننزله http://www.4uarab.com/vb/images/icons/a32.gif

أبومشعاب: يا ناس ما يصير .. والا بأهجيكم بقصيدة تسوّد وجيهكم

عادل (إلى الهيل) : تراه يسويها مو صاحي .. اذا نزلناه وش يفكنا من لسانه؟!

أفكر فيك: أنا من رأيي نقطع لسانه ههههههههههههه

عادل (إلى أفكر فيك) : والله انك جبتها هههههههههههه

شخمطة : رجاءاً كل بنات حواء هنا يطلعون .. نبي نشوف شغلنا واحنا مرتاحين ما نبي توسلات تضعف من عزيمتنا

رؤى : لا أنا جلسة على قلوبكم .. بشوف وش بتسوون في ابومشعاب

عادل (إلى رؤى) : ولكم باك رؤى << متأثر بالدردشة ههههه

والباقي بعدين ههههههههه

(أبومشعاب .. يركدون هههههه)

[ابو مشعاب]

شخمطه / شاكر لك

لا يفوتك الجاي

والله إن تضحكون لين تقولون بس

[ابو مشعاب]

(الهيل، شخمطة، الغدف، عادل): تكفون لا تقطعون لساني

ترى رزقي في لساني , لا تقطعون رزقي

عادل / تكفى يا خوك أنا وراي ورعان

[شخمطه]

كيفك عدول ؟

ايه أزين .. مالنا إلا لسانها .. قصدي لسانه :d

[umbakr]

ام بكر الى( عادل) : ايش ايش؟؟

اطلع منها يعني؟؟؟


دا بعدك ياعم قاعدة على قلبك غصب طيب,ههههههههههه


عادل: يااااا الله, ما فيه فكة يعني منك ورانا ورانا

ام بكر: عندك مانع؟؟؟....ادري من ورى قلبك اصلا مدري قفاه حتى, هههههه


المهند: ام بكر.......ما عليك من عادل, هو يحب يسوي حركتات بس, على فكرة دايما يقول لي انه يعزك

وااااجد


ام بكر: صدق والله؟؟>>>> مسكينه طارت من الفرحة
حتى انا اعزززززه واجد


عادل: الحمدلله والشكر, روقنا يا المهند

ام بكر: اش قصدك؟؟؟

عادل: ولا شي سلامتك كل خير بس اكلم المهند, فيها شي, اش بلاك يامرة..؟؟؟

ام بكر: ولاشي يا....مر, ههههههه

عادل: شوفي ام بكر, اذا مشيت بطريق امشي بطريق ثاني لانه يجيني حول لما اشوفك .....من زووود

النور, وحكة وحساسية الله يجيرك, هههههههههه

ام بكر: عدال ترفق بعمرك, بس لاتصقع بجدار وانت ماشي من الحول

المهند: ام بكر؟؟......عادل؟؟؟؟

خلص ياجماعة بعمل لكل واحد فيكم جناح خاص وممر خاص. ونور خاص بعد..


ام بكر: يا سلاااااام عليك ابو احمد, مشكوووور مكثور الخير خيرك سابق, ولو تزوج عادل بعد يكون احسن, حتى نرتاح ونشمت, هههههههههه


عادل: ام بكر.؟؟؟؟؟؟

مااااالك دخل بي, انا مضرب عن الزواج عقدتوني في حياتي, انا كذا احلى

خليك انتي في جناحك, وتكفى بو احمد جيب لها ابو بكر فكنا منها ومن لسانها


ام بكر: شكرا عادل بغيتك تقولها, بس خل ابو بكر يجي, ضيف عليكم وحقه واجب, ومنها حمااااية, ههههه

وانا بدور لك عروووس, يا انا شفت لك عروس, آآآآآآآخر حلاوة تنسيك اسمك

عادل: احم احم
تسلمين ام بكر, بس انا حاط عيني على وحدة ما ابغى غيرها

ام بكر: مين؟؟؟؟؟؟

عادل: مو شغلك. عن اللقافة ولا تحشرين خشمك خليك بابو بكر حقك وبس, لا اقوله حركاتك هذي,

ام بكر: طييييب عادل خلك بس تعرس, ويحصل خير

الا انت ابو وشو؟؟؟

ابو دليخان ولا....ابو دعيجان


اسال بس لاتدف, ههههههه

[سعودية]

السلام السلام
من ياخذ ندو عني لان ابو ندى جاء من الدوام

اريد ان اذهب لاضع له الغداء
لحقوا علي تكفون الفزعة
ورق العنب لايحترق على النااااار

[مــيّــادة]

يالله جيبيها يالسعودية عندي


افكر فيك وين تكملة الحكاية

[ابو مشعاب]

ابو مشعاب : يالله أنا مــاشي

الهيل : وين رايـح ؟؟

ابو مشعاب : رايح أدوِّر على (جحا) عشان أخـلِّـيه يروح يجيب ملابسي من المـغـسلـه .

( ابو مشعاب يتجه إلى حوش بيت العربي الموحد )



مياده : :15_9_9: مياده تلعب وتناقز في الحوش .

ابو مشعاب : تعالي يالمصرقعه , فيه أحد يلعب في ها الشمس والحر صايره ضب الله يصلحك :icon_mrgr

مياده : وش تبي , لا تظن إنك بتخوفني أنت ومشعابك المصـدِّي , أحسن لك تبيعه وتشتري
بداله طاقيه أم جنيه هههههههههههههههه

ابو مشعاب : أنا لو ابيع المشعاب يمكن يسحبون مني الجنسيه , المهم علميني وين ( جحا ) ؟

مياده : راح يلعب كوره وأخذ معاه عادل

ابو مشعاب : هذا من اللي كاذب عليه وقايل له إنه زيدان ‍‍, وبعدين ليش ماخذ عادل معه ؟؟‍‍‍‍‍‍‍‍‍!!!

مياده : أخذوه معهم لـقَّــاط كور :d

ابو مشعاب : إيـــــه كذا انا فهمت , وإلا عادل وين والكوره وين عادل حــدِّه كيرم و ضومنه وإن تطور
يلعب مونوبولي

مياده : وش تبي في ( جحا ) ؟؟؟

ابو مشعاب : مالك شغل , ادخلي داخل يالله أنتي وثوبك اللي كأنه عمامة بـشـتـوني :ro:


( ابو مشعاب يتجه بالسياره إلى استاد الحاره الدولي )

معلومات عامه عن سيارة ابو مشعاب :-

النوع : وانيت جمس ( GMC ) بيك آب يعني حوض و مـصـفَّــح

الموديل : 81 ( بس و الله نظيف )

اللون : حـليـبـي يميل إلى الإصفرار بسبب عوامل التـعـريه .


ــــــــــــــــــــــــــــــــ


( ابو مشعاب يقف يسفِّط (يركن) سيارته بجانب استاد الحاره الدولي )


جحا : :18_3_100: يلعب مهاجم و خاش جو مع المباراه

ابو مشعاب : جحا .. جحا .. جحا ( ينادي على جحا )

جحا : وش تبي ؟؟؟

ابو مشعاب : تعال يا زيدان الحواري :ro:

جحا : هذا انا جيت وش تبي , خلصني انا مستعجل وراي مباراه


ابو مشعاب : :10_1_117: صرررررررررررقع ( ابو مشعاب يضرب جحا ضرباً مبرحاً )

جحا : :icon_cry: أهأ أهأ أهأ , ليش تضربني أنا وش سويت ؟؟!!


ابو مشعاب : وين فاتورة المغسله , أنا ما قلت لك تجيب ملابسي بعد صلاة العصر مباشرةً ؟

جحا : نسيت والله نسيت , فيه أحد يضرب أخوه عشان فاتورة مغسله ؟؟!!!!

ابو مشعاب : لا انا ابغي مصلحتك , ما ابغاك تلعب كوره مره ثانيه

جحا : ليه هذي هوايتي

ابو مشعاب : ابيك تفلح في دراستك , يخرب بيتك لك اربع سنوات في أولى ثانوي وكل سنه أشتري لك
الأسئله من المدرسين ومع ذلك ما تعرف تحلها !!

جحا : الخطأ منك أنت , ليه ما تشتري الإجابات معها , وبعدين انا ما أحب الدراسه , أنا أبغى أحترف في
الكوره لعل وعسى يشتريني منصور البلوي بكم مليون :icon_mrgr

ابو مشعاب : هااااه والله فكره , خلاص استمر في الكوره لعل وعسى نبيعك على أي نادي
ولو بـ 150 ألف أقساط :ro:

ابو مشعاب : طيب ليه جايب عادل معك للمباراه ؟؟؟

جحا: إيه خـلّـيناه حارس مرمى لأن حارس الفريق الأساسي ( عـبّـود ابو خنفره ) رايح مع أهله عمره

ابو مشعاب : إيه ( عـبّـود ابو خنفره ) حارس عملاق والسـِّــر يكمن في الخنفره :mdg:

ابو مشعاب : يالله يا جحا روح جيب ملابسي من المغسله بسرعه

جحا : والمباراه ؟؟؟؟؟!!!!!!!

ابو مشعاب : خلاص أنا ألعب مكانك على ما تجي

جحا : أخاف تجيب العيد ونخسر المباره ؟؟

ابو مشعاب : يا مهبول أنا كنت ألعب في فريق أشبال نادي أرسنال الإنجليزي

جحا : طيب طيب .. بس لاتفشلنا تكفى

ابو مشعاب : ولا يهمك

___________________


( ابو مشعاب يتجه الى الملعب )


عبدالله تمرين ( مدرب الفريق ) : يالله يابو مشعاب سـخِّــن قبل تدخل الملعب

ابو مشعاب : وانت وش دخَّــلك في الموضوع ؟؟؟

عبدالله تمرين ( مدرب الفريق ) : انا مدرب الفريق

ابو مشعاب : يا عم ريحنا أنت مدرب فاشل إنجازك الوحيد المركز الرابع في الدورات الرمضانيه
وكانت الجائزه قارورة فـيـمـتـو :ro:


عبدالله تمرين ( مدرب الفريق ) : إحترم نفسك أنا كنت 17 سنه مهاجم في فريق ( طـقّـها و إلـحـقـها )

ابو مشعاب : يابن الحلال ريحنا , انت كنت مهاجم 17 سنه ولا سجلت فيها إلا هدفين واحد ضربة جزاء
والثاني بالخطأ في مرمى فريقك :ro:

عبدالله تمرين ( مدرب الفريق ) : خلاص .. خلاص لا تفضحنا إدخل الملعب

( ابو مشعاب يدخل الملعب )

الجمهور : حيوا ابومشعاب حيوه .. حيوا ابومشعاب حيوه .. حيوا ابومشعاب حيوه

عادل : أحسن ابو مشعاب .. أحلى اخوي

ابو مشعاب : أقول إنكتم وخليك منتبه للمرمى , والله لو يجي عليك هدف لأجلدك رمياً بالمشعاب :mdg:

علي شكشوكه ( معـلِّق ) : أنا شايف فيه تغيير , مين هذا :eek: سبحان محيي العظام وهي رميم

انا شايف ابو مشعاب داخل مكان جحا هذا من أيام سعيد زاهر ما لعب , طبعاً ابو مشعاب يلعب بثوبه

وحافي القدمين كعادته :mdg:

تركي الضِّــبـعـه (كابتن الفريق ) : أحسن ابو مشعاب , شد حيلك ونبي تهديف بالراس زي عاداتك

ابو مشعاب : ليه شايفني تيس مثلك أناطح :ro:

علي شكشوكه ( معـلِّق ) : ويطلق حكم المبارة ( سعود بنزين ) صافرته معلناً نهاية الشوط الأول .

ابو مشعاب : يا هوووووووووه عطونا فرصه نسجل قولين ثلاثه قبل نهاية الشوط الأول ( واثق من نفسه )

ناصر أبو لسانين ( مذيع قناة العربي الموحد ) : كابتن ابو مشعاب ممكن ناخذ منك تصريح ؟

ابو مشعاب : بس بسرعه الله يرضى لي عليك

ناصر أبو لسانين ( مذيع قناة العربي الموحد ) : ما هو سبب عودتك للملاعب ؟

ابو مشعاب : تلبيةً لطلب هذه الجماهير الغفيره

ناصر أبو لسانين ( مذيع قناة العربي الموحد ) : ما رأيك في إتحاد الكره العالمي ( فيفا ) ؟

ابو مشعاب : أنا ضد الإرهاب ‍‍‍‍‍‍‍‍‍‍‍‍‍‍‍‍!!!

ناصر أبو لسانين ( مذيع قناة العربي الموحد ) : ما تقييمك لمستوى الكره في بلدنا الحبيب ؟

ابو مشعاب : من جُــرف إلى دحديره

ناصر أبو لسانين ( مذيع قناة العربي الموحد ) : ما رأيك في إتحاد الكره في وطنا الغالي ؟

ابو مشعاب : ينتهج سياية ( القوي الله يقـوّيه والضعيف الله يزيده ضعف )

ناصر أبو لسانين ( مذيع قناة العربي الموحد ) : من هو مثلك الأعلى في كرة القدم ؟

ابو مشعاب : اللاعب الكبير المحور الطائر ( فهيد الأشرم )

ناصر أبو لسانين ( مذيع قناة العربي الموحد ) : برأيك ماهو سبب عزوف الجماهير عن حضور المباريات ؟

ابو مشعاب : بسبب الفصفص المغشوش اللي يبيعونه في الملاعب

ناصر أبو لسانين ( مذيع قناة العربي الموحد ) : كلمه توجهها للجماهير اللي حضرت مباراة اليوم ؟

ابو مشعاب : أنصحهم بـ ربط حزام الأمان !!

ناصر أبو لسانين ( مذيع قناة العربي الموحد ) : أمنيه تتمنى تحقيقها ؟

ابو مشعاب : أتمنى أن أشرب علبة ميرندا برتقال بارده .. تعرف الجو حار

ناصر أبو لسانين ( مذيع قناة العربي الموحد ) : ما هي أغلى هديه حصلت عليها ؟

ابو مشعاب : صحن كبده حاشي من أحد الأصدقاء

ناصر أبو لسانين ( مذيع قناة العربي الموحد ) : ثلاث وردات لمن تهديها ؟

ابو مشعاب : الله يسلمك مشكور ما يحتاج تكلف على نفسك .. خيرك سابق

ناصر أبو لسانين ( مذيع قناة العربي الموحد ) : لا أقصد لو كان معك ثلاث وردات لمن تهديها ؟

ابو مشعاب : أوزِّعــها على شيـبان الجماعه :icon_mrgr

ناصر أبو لسانين ( مذيع قناة العربي الموحد ) : سؤال أخير ؟

ابو مشعاب : أمـتـنـع عن الإجابه

ناصر أبو لسانين ( مذيع قناة العربي الموحد ) :هل لديك كلمه لقناة العربي الموحد ؟

ابو مشعاب : نعم , أتمنى لو تسـمّـعـونا أغنية ( شباب و راسي شايب ) للموسيقار مـفـرِّح الـضَّــمني .

ناصر أبو لسانين ( مذيع قناة العربي الموحد ) : شكراً يابو مشعاب

ابو مشعاب :حياك الله وإذا أنتهى الشوط الثاني تعال أعطيك تصريح ثاني .

ناصر أبو لسانين ( مذيع قناة العربي الموحد ) : إيه يصير خير .

________________


سعـود بنزين ( حكم غشَّاش ): يالله يا شباب ابتدى الشوط الثاني ...


علي شكشوكه ( معـلِّق ) : أعزائي المشاهدين ابتدى الشوط الثاني ودخل الفريقين أرض الملعب واشوف

ابو مشعاب يوجه زملائه اللاعبين .

ابو مشعاب : اسمعوا شباب نبي ننهي المباراه قبل آذان المغرب لأن عندي موعد مهم , وشوفوا الله الله
بالتكسير إذا مرّت الكوره لا يمر اللاعب على طول قـصّـوه هذا اسلوب الكره الحديثه .

علي شكشوكه ( معـلِّق ) : ويصفر الحكم معلن بداية الشوط الثاني , وهجمه على فريق ابو مشعاب

يقودها المهاجم ( مبروك الفحمه ) ويعدي من ثلاث لاعبين ومتجه للمرمى ويسدد كوره قويه وترتطم في

خشم حارس المرمى (عادل السويدي ) , ويصاب عادل في خشته ويتلقى العلاج .

عادل السويدي : والله ما اخليك يالفحمه صايدك صايدك وين تروح مني , أدل بيتكم جنب بقالة ( صباح الخير)

مبروك الفحمه : إذا فيك خير تآل لحارتنا وشوف ويش اسوي فيك .

علي شكشوكه ( معـلِّق ) : ويستأنف اللعب والكوره الآن مع الكابتن ( تركي الضِّـبـعـه ) ويمررها بينيه
للاعب ( فـهّـود ابو قذله ) و يعكسها لأبو مشعاب , ابو مشعاب يستلم الكوره
و يجلس يبترم بالكوره كأنه رحى وأخيراً يجـلّـي الكوره ويسقط أرضاً وتطلع الكره
خارج أرض الملعب رمية تماس , والله أنا من يوم ما شفت سرواله المصوفر
ابو مشعاب هذا وانا غاسل يدي منه .

ابو مشعاب : فاول يا حكم .. عطه كرت .. عطه كرت .. كرت وكف :w:

سعـود بنزين ( حكم غشَّاش ): قوم يا بو مشعاب ما فيها شي لأطردك من المباراه .

ابو مشعاب : أنا عارف ليش تغش معهم .. مبخششينك بربع كبسه بخاري

علي شكشوكه ( معـلِّق ) : ويستمر اللعب , والكوره الآن مع تركي الضبعه ويعكسها عاليه لأبو مشعاب

ويسقط ابو مشعاب في منطقة الجزاء ويطالب ببلنتي , ويحتسب الحكم ضربة جزاء لصالح ابو مشعاب .

تركي الضِّــبـعـه (كابتن الفريق ) : أنا الكابتن وانا اللي اشوت ضربة الجزاء .

ابو مشعاب : تـخسي و تعـقب يالـضـِّــبـعه والله ما يشوت البلنتي إلا أنا .

علي شكشوكه ( معـلِّق ) : ويتقدم ابو مشعاب لتسديد ضربة الجزاء .. ويسدد ويلعبها عاليه خارج أرض
الملعب ويقلع الكوره إلى داخل حوش مدرسة البنات المجاوره لأستاد الحاره ,

الجمهور : فاشل .. فاشل .. فاشل .. اطلع برا يابو مشعاب الفاشل

علي شكشوكه ( معـلِّق ) : انا شايف الجماهير تشتم ابو مشعاب وترميه بعلب البيبسي والزبيريات:d

يا ناس انا قايل لكم هذا مو حق كوره هذا حق سباق هِــجن .. مطاردة ضبان مو حق كوره

ابو مشعاب : جحا .. عادل .. يالله اركبوا السياره بسرعه

علي شكشوكه ( معـلِّق ) : أنا شايف ابو مشعاب متجه مع إخوانه ( جحا و عادل ) للسياره , هل يفعلها

الله يستر , :eek: أوووه ابو مشعاب يدخل بسيارته داخل الملعب ويفحِّط ويقـحِّـص في أرضية الملعب ,

ابو مشعاب يطارد الجماهير بالسياره والجماهير تتناحش وتهرب يمنةً ويسرةً

ابو مشعاب يصدم الأقوال ( البيبان ) ويكـسِّــر قوائم المرمى .. فعلاً صدق المثل العربي القائل :

ابو طُـبـيـعٌ ما يخلي طَـبْـعَــهُ

جحا : ابو مشعاب شـغـِّـل لنا شريط فهد ابن سعيد :jup:


عادل السويدي : انت فاضي ياجحا , إنحش ( اهرب ) يابو مشعاب قبل تجي الشرطه ...



__________________________________________________ ________________________


إلى اللقاء في الحلقه القادمه مع ( ابو مشعاب و الحـسـنـاء ) (py)

[عبدالعزيز المانع]

اضحكك الله على كثر ماضحكتني ابو مشعاب

صراحه كنت ناوي اكتب شي بس بعد اللي انت كاتبه مالي كلام

بانتظار التكمله والى هذيك الساعة انا متكي بانتظارك .

ملاحظة :( كلمة راس لابو مشعاب )

اقول تراك زودتها خف علينا ياهووووه ......

ومثلك عارف لساني وتعليقي ولاتنسى المثل القائل

اتق شر من تكلمت عليه


سلامي على اللي في بالي يعني كلكم
جحا

[JOORY]

السلام عليكم

شباب الاقي عندكم غرفه للايجار بس مو على حسابي(على حساب المهند)



واكوووووووووووون شاكره لكم لاني مابي اروووووووح ادور توني واصله من السفر وتعبانه





سلام احلى عاااااالم
جوووووووووووووري

[شخمطه]

هههههههههههههههههههههههههههههههههههههههههههههه

أبو مشعاب .. خاف ربك فينا .. ترى ذبحتنا من الضحك

ارحمنا يا ولدي


هههههههههه


هلا بك جوري .. اعطوها غرفه لو تكرمتوا .. ارتاحي وخذي راحتك والصباح رباح :d

[JOORY]

مرحبا شباب
شباب وش السالفه صارلي ساعتين واقفه برا عندكم غرفه للاايجار والا لا
ياخي نعطيكم قيمتها بس تكفووووووون انصهرت من الشمس
الحين قولوا عندكم او ادور مكان ثاني والله :( يعني للحين ماكسرت خاطركم



سلام احلى عالم


اختكم جووري:(

[شخمطه]

اوههووووووووووه الحين هذي الضيفة تسوون فيها كذا ؟؟ ترى ما عاد تجي العربي الموحد ثاني

تفضلي تفضلي

ادخلي من الداخل يا جووووري .. ههههههههه

تفضلي احلى سويت (ما أدري عندنا سويتات وإلا لا :d)


المهم تفضلي وبس

[عبدالعزيز المانع]

الله الله بالاخت جوري

واعذرينا على القصور مو الفلل

يوجد سرير شاغر بجانب التنك اللي على السطح

ما ادري تلحقين عليه ولا لا



المهم بسرعه هاتي العفش ونطي على السرير قبل ما يجي احد ويتسدح عليه

ثم ما تلقين الا المطبخ تريحين به

على كل حال يقولون ابو مشعاب يبي يطلع كشته اليومين

وغرفته راح تفضى اذا نسى المفتاح ابشري

اما اذا اخذ المفتاح بعد ابشري

لانه دايم يخليه مع شخمطه يعني الامور تساهيل

اهلا وسهلا

بس الله الله بالطبخ ذبحتنا المطاعم



جحا

[ابو مشعاب]

يعطيك العافيه يا جحا

و أنا في إنتظار مشاركاتكم انت والاخوان والأخوات

تكفون حـمسونا على الكتابه

ولو تكرم عينك يابو العز إذا ما تحملتني انت .. من اللي يتحملني ( وش دعوى كيس رز )

وارجو إن ما أحد يزعل مني , تراني أقدركم كلكم وقصدي بس أغير اسلوب التنكيت

ونخليها بإسلوب روائي مهستر

وبعدين الله يهديكم ترى ابو مشعاب ما ينشره عليه هههههههههههههههههههه

تحياتي

[ابو مشعاب]

هلا و مسهلا شخمطه بيك

نور الموضوع , تصدق إني نسيت

أحطك في الحلقه الماضيه

لكن وين بتروح مني الحلقه الجايه بجيبك فيها .. لامفر

[ابو مشعاب]

الاخت / جووري

يا مرحبا ومسهلا

البيت بيتك شوفي اقرب غرفه فاضيه وحطي قـشِّـك ( أغراضك ) فيها

وإن ما لقيتي غرفه فاضيه نامي مع أم بكر في غرفتها لين يبني لنا المهند دور ثالث :d

ما شاء الله عليك أغراضك كثيره , عندك عـلوك أبو سهم وإلا بسكوت ابو ميزان :d

تحياتي يا جوري و أهلاً بك مجدداً

[JOORY]

اخييييييييييييييييييييييرا احد حس فيني :d


اشكركم جميعا لاستقبالي ابو مشعاب وجحا وشخمطه


بس هذي ماراح تعدي على الباقي ساعتين وانا بالشارع جالسه انا لكم
بس اتركوني ارتب اموري اذا ماخليت البيت لكم @f@



وحين اروح اريح واشوفكم وقت ثاني:d



سلام احلى عالم
جووووووووووووووووووري:(

[umbakr]

هلا وغلا بجووووري

اقلطي يا بنت خلينا نسهر ونحش بهالعالم, حياكي الله

ترى المهند عطاني جناح خاص

على فكرة ابو بكر ساعات يزورني فا....بلاش قزززز ترى اغاااار مووووت :icon_mrgr

وعموما الله والنبي محيييييك

[JOORY]

:w: وش فييييييك ام بكر الله يهديك صوتك عالي قلت ابي ارتاح اشوي
يعني الواحد في بيته مايرتاح

(بعد خمس دقايق)

:d :d هلاااااااااااااااااااااوالله اختي ام بكر مشكوره كثير وسامحيني تراني كنت
نايمه ومانتبهت انه انتي جيتي فكرت حلم

واعطيني خبر اذا ابو بكر فكر يزورك :)


سلام احلى عالم

جوووووووووووووووووووووري(py)

[ابو مشعاب]

مساء الخير ياجوووري عسى أعجبك المكان

إن شاء الله أرتحتي وشبعـتي نوم ..

ها يالله قومي صلحي لنا براد شاهي خلينا نهضم البروستد اللي كليناه :icon_mrgr

وانتبهي من أم بكر تراها تـتـحـلّـم في الليل وتـخـنـق اللي بجنبها وفيها شـرقـه ما تنام إلا والماء جنبها :d

بس الحق ينقال تراها ونيسه وطيبه ودمها خفيف , بس الله يهديها ما تعرف تكوي :d

أداوم كل يوم وملابسي معـفـسه كأنها ماضغها ورِع :icon_mrgr

الورع : هو البزر عند بعض اللهجات المحليه ويسمى في بعض البلدان العربيه ( عـيِّـل)
وقد قرأت في كتاب الأغاني للأصفهاني أنها تعني الطفل .

وقرأت في كتاب (مارواه الحـفـَّـاظ عن بعض الألفاظ ) لعالم اللغه الهندي محمد زاد باشا خان إبن محمد برويز نور الحق إبن .. الحقيقه اسمه الرباعي يقارب صفحتين ونصف فلا يمكن ذكره كاملاً
فيقول في كتابه المذكور أعلاه أن معنى كلمة (ورع) هي ( بـجـشا ) بالأوردو هذا والله أعلم .

[عبدالعزيز المانع]

اااااوووووه <<<< واحد يتثاووووب

توه صاحي من النوم

وين الفطووووووووووووووووووووووووووووووووووور

ياهييييييييييييييييييييه

ابي فطوووووووووووووووووووووووووور

عااااااااااادل

رح جب لنا خبز من البقالة وعلبتين توونة

وقشطة المراعي الزرقاء وهات مالبووورو ابيض تراه بخمس ريالات ونص

واشتر بالنص الباقي اي شي تبغاااه

عادل: بالله جحا لي نص

جحا: ايه الله يغثك على الصبح بس اذا جبت البكت خله بجيبك ولايشوفه ابو مشعاب

تراه يغثنا ........ على الطالع والنازل جحا معاك دخان

عادل: ما عليك ادفنه عندالباب

جحا : يلعن ابو الذكاء

شوي الا شخمطه يدخل

شخمطه : صباح الخير

جحا وعادل : صباح النوور .. كل هذا نوووم

شخمطه : هذا ما انقلع يجيب فطور

جحا : ما ادري اشوفه متنح الظاهر جازت له الجلسه

عادل : الحين طيران للبقاله .

شخمطه : لا تنسى تمر الفوالة اللي جنب البقالة تراني ولهان على شكشوكة

عادل : ابشر

جحا : يالله عادل اذلف طيران

ويروح عادل ويجيب الفطور والباكيت

وبعدالفطووور يولع جحا وشخمطه كل واحد سيجارة وعادل يراقب لهم

شوي الا عادل جاي طاير ويقوول :

ابو مشعاب جاء

جحا يحط رجل على رجل ويكن السيجارة وينفخ : خير ان شاء الله يعني جاء المهند

ابو مشعاب يدخل وبعيونه الشرر :

ابومشعاب : اشم ريحة تتن ( دخان)

شخمطه يطلع الباكيت ويحذفه على ابو مشعاب وهو يقول : لا تغثنا دخن وانت ساكت

قال ايش قال ريحة تتن

جحا : ههههههههههههههههههههه

ابو مشعاب يرضخ للامر الواقع : طيب عطوني ولاعة

......




الى هنا وننتظر احد يكمل


جحا

[JOORY]

هلا والله اخوي بو مشعاب


كثير ارتحت المكان على كيف كيفك راقي وهدوء ماشاء الله عليها ام بكر مالها صوت
الا اخر الليل وانا اكون سهرانه الليل يعني ماتزعجني:d


وعلى طاري الشاهي انا المطبخ مالي فيه بس اليوم عشانك طلبت بروح اصلح شاهي

وبالنسبه للملابس ماعندي مانع اكويها لكم وخبر الشباب الي عنده ملابس تحتاج كوي
انا حاظره:d

ومشكور على توضيح الكلمه لاني مافهمتها:icon_bigg


سلام احلى عالم
اختكم جووووووووووووووووووووري(py)

[umbakr]

جوووري.......تغطي


ولا اقولك روحي سولفي شوي مع ابو مشعاب ولا سوي له شاي, يعني تصرفي

ابو بكر جاي, لا اشوفك الا لما.....اقولك,ههههههههه

والله لايهينك....كوبين عصير فررررش, ووصي لنا على عشاء فاخر بعد اذنك, الرجال جوعان




وبلاها قطة اذن ها........ترى










لا ولا شي....بس خليكي حلوة يا الجوري







عشان اخدمك لما ........يجيك ابو الجوري;)

[ابو مشعاب]

ام بكر

وش الكلام الفاضي هذا , وش قصة ابو بكر

الدعوى لعبه هي كل يوم ناقز لنا صاير ساعي بريد

إسمعي قولي لأبو بكر سالم لا عاد يعتب باب بيت العربي الموحد

وإلا حشـّيت رجله , حنا عندنا شوفات ولا نرضى يدخل على محارمنا

البيت فيه 100نسمه وأخينا في الله رايق يبي يتـكِّي مع أم بكر

===============

[umbakr]

ابو مشعاب؟؟؟


تحش رجل مين يا عمي, هي لعبة هي

بعدين ابو بكر ضيف المهند وجاي بوصاية عليا منه, ثم هو داخل الجناح الخاص تبعي


خلك مع ام مشعاب الي جات ذاك اليوم الساعة واحدة بعد....ولا بلاش افتن:icon_roll

لانها جات بدون اذن رسمي من المهند:icon_twis


خلك حلو احسن, وقل لام مشعاب المرة الجاية تجيب معاها مرقوق, وكبسة , وبامية باللحمة ها

ولا ترى المهند ما يرضى بهالامور



اوقف لك عالباب, يا ويلها لو تخطي:d


بسرق حلتها( قدرها)....وانتم احرار عاد,ههههههههههههههه

[ابو مشعاب]

ام بكر خلاص خلاص لا تفضحينا

اسكتي لا احد يسمعك يروح يعلم المهند ترى

ما عنده لعب ابو احمد مافيه إلا ترفـِّـس وتـلـشـِّـط بالعقال

والله انا ماني ناقص على ذا السن أتصفق قدام العالم

ولا تنسين انا ياما دلعتك وجبتلك كتكات انا اخوك الكبير , شوفي انا

بطلع وبرجع تقريباً الساعه 3 الفجر عندي شوي شغل , إن سأل عني المهند

قولي له راح يغـير زيت السياره.. طيب , بعدي أختي الصغيره أم بكر أنا أبغى

أعرف من اللي مسميك ام بكر , الأخت من الخرطوم ههههههههههه

[umbakr]

ايوة كذا ابو مشعاب

كل هذا عشان ام مشعاب؟؟....شكلها غالية عليك, تستاهل والله

بس لاتقولها على الكتكات الي كنت تجيبه لي تزعل بعدين ها

والخرطوم والله حلوين, على فكره انا احب اهل السودان واجد...طيبين ولهجتهم حلوة يا زول

طيب زانت راجع جيب معك ذبيحة زينة , الله الله بالسنع, عشان باشتغل عليها انا وجوري

والله يعينكم عالاكل

الا اش تحبوا نسوي كبسة....برياني....قوزي....بس لاتقول مثلوثة تكفى



جيب بعد كيس بصل, وبهارات, وطماطم, و....




خلني اتذكر اش بعد يحطون واقولك

[افكر فيك]

وين وصلتوا في البيت ..

تضاربتوا ولا لسى ..ههههههههههههه

[JOORY]

السلام عليكم

وش ذا السوالف ام بكر منو قال لك اني راح ادخل المطبخ لا بعيده عنكم
ماراح ادخل ولا تحلمون فيها انا قلت كوي ماقلت طبخ ونفخ

النداااااااااااااااااء الاخير
اللي يبيني اكوي له ملابس يجيب لاني ماعندي شي احين

وازعااج مابي اخر الليل تراكم صوتكم طالع اليومين هذي (الشباب طبعا)

وام بكر حلوه هذي (ابو جوري ) بس لا تعيديها
واخررررررررر مره يجي ابو بكر وام مشعاب ترى افتن عند المهند وهو مايتفاهم

سلام(py)

[ابو مشعاب]

جوووووووووووري

ما عليك من ام بكرهذي تصرف كذب من جيبها

ما عندي ام مشعاب ولا ام مـلاَّس ما عندي إلا مسباحي

والوانيت و بشت وبر جايني جائزه من إحدى المسابقات الثقافيه

أم بكر بس تبي تنكبني مع المهند

[umbakr]

جووووري خلك عاقلة بس

بتطبخين وتنفخين بعد, ترى الطبخ حلو وسهل قطي كل شي على بعض وهم يتفاهمون بس

بلا كوي بلا وجع قلب عاد انا اكرررررره ما عندي هالكوي


اقول ابو مشعاب....

ههههههههههههههه, اي كذب الله يقطع ابليسك:icon_twis

مهو انت ابو مشعاب وانا ام بكر يعني لازم يكون فيه ام مشعاب وابو بكر حتى لو....بالخيال



حلوة بالخيال صح...قال يعني انتو ببيت المهند الحين ولا.....مدري وشو;)


لاتضيع السالفة جيب المقاضي فيني طبخ ترى:d

[umbakr]

ابو مشعاب؟؟؟؟


وين المقاضي!!!!


طييييييب:md



هييييييين








خلص الي يهوب ناحية المطبخ يشمشم وش رح اطبخ يااااويله, قد اعذر من انذر:w:


بعمل لي كبسة باللحم.....وصالونه.....وسلطة......ودقوس......و....



الي يقرب بس يفكر انه يقرب...







ماااا يحصل طيب:v







الا الي بيغسل المواعين ممكن اخلية يشاركني او تشاركني الاكل:d:d

[شخمطه]

أم بكر .. ممكن سؤال ؟ شكرا ً

وش هو ((صالونه)) أنتوا فاتحين مشغل نسائي !! وإلا حلاّق رجالي ؟؟

[عادل السويدي]

الله يهديك شخمطة ما تخلي الاستغفال حقك
يعني الا تمشي على كل كلمة وتتصيد الاخطاء المطبعية
أم بكر تقصد (( صابونه )) مو صالونه بس خطأ مطبعي منها
لا تتعودها يا ابوتركي ..
أم بكر الا صدق وش علاقة الصابونه باللحم والسلطات ؟؟!!
من جد عندكم شغلات عجيبة يا الحريم الله يستر من طبيخكم بس.

[umbakr]

شخمطة؟؟؟


اش تبغى؟؟؟:icon_eek:








مافيه اكل يعني مافيه.....لاتقعد تشمشم لي انت وخشمك:d



الصالونة عند اهل الشرقية يعني يقصدون مرق ولحم وخضار= ايدام يعني>>> تصدق اول مرة اعرف





وخر بس.....اذا جوعان ................

















غسسسسسل المواعين بسررررررررررعة:v






خلي عادل يساعدك بالصابونة;)

[JOORY]

هلا والله هلا وغلا باهل الشرقيه ام بكر كيييفك عزيزتي كيييييفكم جميعا

بس سامحيني اليومين هذي مادخل المطبخ معك لاني مشغوله شوي
اول ماخلص شغل ادخل معك ونطبخ وننفخ على كيف كيفك
ونعطي الشباب اذا يبووووووووون (علشان يعرفوووووووووون انا طيبييييين مش مثلهم)=:D=

ابو مشعااااااااااااااب وينك ياراجل
من زماااااااااااان ماشفناك

وبليز شباب المسئول عن اغراض الطبخ والنفخ يجيبهم باسرع وقت
يعني الا نترجاكم انتوا اللي محتاجيييين احنا عادي عندنا
اي وحده راح تطلع تمر السوق بس لنا طبعا


بس ام بكر كل كلامك اللي قلتيه عن افكر فيك وعادل طلع صحيح
بس مابيدنا شي اهم ادرى بانفسهم وبكيفهم


واشوفكم وقت ثاني احين خويتي بتزورني رجاءا بدووووووووووون ازعاج ( عارف نفسه منو )



سلام احلى عالم(py)

[umbakr]

هلا والله جوري

هلا بعدي انتي

هكذا البنات السنعات والا فلا


ايوة بردي على قلبي مو زي بعضهن الله يهديهن بس:icon_roll




بس عاد ها .....لاقلت المطبخ....................المطبخ اوكييييي;)



الا منو زميلتك هاي؟؟؟




زود لقافة بس

[شخمطه]

صابونه يعني ايدام !!

اللهم لا الحمد

أجل الشامبو وش هو :d

ههههههههههههه

عادل .. لازم توقف لهم في كل كلمة عشان تكرّهن حياتهن :d

مشي حالك عزيزي

[JOORY]

سلام

ام بكر عيوني اقولك بعدين من هي خويتي
المطبخ المطبخ بس لاتقولين لي غسلي لحم او دجاج او سمك او بصل او او او 0000الخ
تراني ماحب:d

اخ شخموووووووووووط واخ عادل
ام بكر ماقالت صابووووووووووونه قالت صالوووووووووووووونه يعني في فرق



وبلا هالهرج شووووووووووووفوا لكم شغل بالبيت احسن

سلام احلى عالم

[umbakr]

شخموط الدبدوووب


لاتوقف عالكلمة ياشيخ......شوف جنابك وش كاتب اول;)


اللهم لا حمد؟؟؟؟؟>>> استغفر الله تراها اللهم لك الحمد :icon_twis


خخخخخخخخخخخخخخخخخخخخخخ


اقول جوري شخموط طلع حولي يقول صابونة شفتي كيف:icon_eek:


ومن قال تغسلين !!!!!!!!!!



اجل الشباب راحوا فين؟؟؟؟ بس حق الاكل والتريقة هيه المسألة:d



شخموط غسييييل يعني غسييييل ماااااااااااافيه فكة ياعمنا, يلله عالمطبخ بس:w::w::w:

[ابو مشعاب]

سلامٌ عليكم جميعاً

ام بكر ويا جوووري ما عليكم من شباب الرياض هذولا وش عرفهم

بالأكلات الشرقاويه والطابع الشرقاوي الرومانسي

هذولا حـدهم مثلوثه و قرصان ويحـلـّـون بـ كـلـيـجـا هههههههههههههههههه

وفي الإحتفالات يصلحون شيش طاووق ضبان وإلا مـسـحَّــب جرابـيـع ههههههههه

وش عرفهم بأكلات الشرقيه الحلوه ( الهريس , خبز رقاق , مشخول , السمك بانواعه , ........... الخ )

تحياتي للجميع

[JOORY]

هلا وغلا والله باهل الشرقييييييييييه

هلا وغلا بالجمييييييييع والله ماعندي فرق كلكم
حبايبي

هلا ابو مشعاااااااب
جد كلامك اهم وش عرفهم باكلنا بس تصدق
وانا كمان ماعرف اكلاتهم والله
اصلا اخترعت من شفت الاسامي

ولاتغيييييييييييييب ابو مشعاب وسلم على ام مشعاب

سلام جوجو

[umbakr]

شفت ابو مشعاب في غيابك وش سوى شخموط!!!!!:icon_cry::icon_cry::icon_cry:


عطهم على راسهم .........بالمشعاب الله يسعدك




اما شيش طاووق ضبان.....ولا مسحب جرابيع.........خخخخخخخخخخخخخخخخ:lol




مررررررررررة حلوة



بس انتبه لاتجيك طابوقة من الشباب,ههههههههههههههههه



بس برضه قرصانهم حلوة يعني


اما المثلوثة الله يكثر خير ربي بس:icon_roll











لاتزعلون ياجماعة كله مزووووووح يا عسل:d

[عادل السويدي]

أسماء حلوة للطبخات .. مرقرق وقرصان أهون من مشخول
على كل حال عليكم بالعافية إن شاء الله .. وتروني وصلت أمس للشرقية يعني الله لايهينكم اعزموني وروني طبخكم ;) وخلوني أجرّب المشخول يمكن يعجبني وأعمل محل في الرياض يضبطه لأهلها والدخل حق المحل يكون بيني وبين اللي بيذوقني اياه :p

[JOORY]

هلا والله بعادل وانا اقوووووووووول
وش فيه نور الشرقيه زايد اليومين هذي
اهلا وسهلا فيك واحلى عزوووووووووووومه
لاحلى عالم مني انا جوري
ولانتسى عادل شخمووووووووط خليه يجي معك تراه يحب يجرب اكل
غير اكل الرياض :d

واللي يعز عليك عادل لاتنسى امانه=:D=


سلام ورودي:219:

جوري(py)

[عادل السويدي]

أما شخمطة يستاهل يجي للعزومة دامها منك .. لكن المشكلة إنه الآن في الرياض وعلى حسب علمي انه مرتبط بالجامعة والعمل لكن ممكن يجي في عطلة نهاية الأسبوع .. بس للأسف وقتها أكون رجعت للرياض =:(=
أنا من رأيي تسوين عزيمتين وحدة لي والثانية لشخمطة :p
وبكذا فطور اليوم يكون عندك .. والغدا عند أم بكر .. والعشا عند أبومشعاب ..
يالله من الآن زهّبي الفطور واعزمي أم بكر وأبومشعاب عشان أصيدهم عندك واتفق معاهم على الغدا والعشا =:D=

سلام

[شخمطه]

ما شفنا منكم شي ... كل واحد يقول شخموط يستاهل كل خير وشخموط وشخموط ولا شفنا شي أبد

!!

[افكر فيك]

عدولي ..

افا .. وانا رحت فين ..:icon_eek:

يعني اما مالي شئ في العزايم:icon_cry:

[JOORY]

شباب العزووووووووووووومه عندي اليووووووووم

من الكبييييييييير الين اصغر واحد فيكم
الا هو اتوقع فيصل ولد والله مدري منو

اهلا اسهلا بالجميييييييييع

بس رجاااااااااااااااااءا مابي تأخير
يعني بعد صلاة العشا الكل موجوووووود

نبي سهرررررررررره غير شكل


سلام احلى عالم

جوري

[عادل السويدي]

خلاص اسامة هذي جوري عزمت الجميع
واحد يجيب معاه شريط لـ"سيلن ديون" ولا أحد يتأخر علينا رجاءاً.

[ابو مشعاب]

مساء الخير جميعاً

جووووري شاكر لك إهتمامك يالغاليه

وإنشاء الله ما اتغيـَـب مره ثانيه بس بشرط ما تغيبين

وإن عدتم عدنا ...

جوووري احسبي حسابي في العشا تراني ما تغديت اليوم

وتبوني أجيب معي الربابه انا حاضر عشان نغني على المسحوب

والهجيني والمنكوس .. نخليها سهره تطريبيه واسر يا ساري ....

ام بكر ولا يهمك انا حامي حما الشرقيه في المنتدى ...

السويدي \ يا سرع ما جيت ويا سرع ما اقفيت ... صاير كـدّاد الله يهديك ههههههههههه

شخمطه وافكر فيك يا مرحبا ومسهلا ترحيبةٍ تخلي النصراني ينطق بالشهاده

وعلي بالطلاق إن تاكلون الشحم ههههههههههههه

[umbakr]

شباب؟؟؟؟:v





عزوووومة؟؟؟؟:icon_eek:









سهررررررررة؟؟؟؟؟؟؟؟:co




سيلن ديون؟؟؟؟:icon_ques








وربابة بعد؟؟؟؟؟؟؟؟







لااااااااااااااا والف لااااااااااا, الحكاية ما ينسكت عنها:w::w::w:




طييييييييييييييييب, اسماؤكم مرفوعة للهيئة, وحلوووووووها:icon_roll












انا مالي صلاح , انا مو معكم;)















بس ما قلتوا اش تبوني اطبخ:d

[عبدالعزيز المانع]

اشوف صار فيها عزايم وعشيات ؟

يابنات حواء ماتسون شي من دون مقابل

اقول اخلصن علينا وهاتن من الاخر يعني ماذا تريدن

واما عشيات الله يخلي المطاعم فاتحه 25 ساعه باليوم

بصراحة سالفة الاغتيالات كثرانه هالايام

وبما اني شخص يمتلك جناح خاص به والعيون مفتوحه علي

فاكيد الحاسدين واجد الله يكفينا الشر

لذا انا ممتنع عن اي وجبة تقدمها الاخوات الكريمات لاسباب امنية

وقد اعذر من انذر فانتبهوا يا شباب

الا صحيح ام بكر تعرفين تطبخين صيادية

اذا تعرفين ولا عليك امر واحد نفر صيادية سفري ؟؟


الاسباب مجهولة حتى عودة ابو مشعاب ليخبركم السبب


باااااااااااااي

جحا

[JOORY]

:icon_cry::icon_cry::icon_cry:
:icon_cry::icon_cry::icon_cry:
:
::icon_cry::icon_cry::icon_cry:
:icon_cry::icon_cry::icon_cry:

:icon_cry::icon_cry::icon_cry:
:icon_cry::icon_cry::icon_cry:


انا كذا؟؟؟؟؟؟؟؟؟؟؟؟؟؟؟؟؟؟؟؟

[عادل السويدي]

ابو مشعاب
يعني ما تعرف عادل ؟!!
من خلق وهو من سفر لسفر
الله يرسينا على خير .. ومعذرة من أهل الشرقية كلهم
يكفي تنسمت من هواهم وتظللت بغيمهم .. وما منكم قصور أبد
لكن ما أقدر أطوّل أكثر هي يومين وزين اكتملت بعد.
تحياتي لثلاثي الطيب والكرم .. ابو مشعاب وجوري وام بكر.

[شخمطه]

السلام عليكم

والله انكم ما عندكم سالفة الحين البنت (جوري) تعزمكم كلـّـكم وانتوا تتغلون وتقولون اغتيالات والثاني رجع من الشرقية

فعلا ً عالم ما تقدّر .. طيب ارجعوا خلونا نروح مجامةل على الاقل


تسلم لي ابو مشعاب على ترحيبك

مرحبنبك جحا .. فيه محل اسمه اسرار البحار .. لا يفوتك .. عليهم صيادية بتوووووخد العأل :d

[JOORY]

سلام عليكم


بقول كم كلمه وانتوا افهموها


ودي قبل موتي ارد اعتباري اخاف اموت وخاطري منكم مكسور





سلام احلى عالم

جوري

[عبدالعزيز المانع]

افا جوووري

ليه عسى ماشر

من اللي مزعلك

علي الطلاق الا تقولي لي

وان شاء الله غير تشوفينه هو وعفشة
بالشارع

(( بس لا يكون انا ))

اسمعي انا راح اعتزل الكتابة هنا حتى تقولين لنا وش اللي مزعلك

وكاسر خاطرك :(
___________________________________

شخمطه : في ناس سيروا علينا وجابوا معهم العج الله يسامحهم
ومن راحوا ابشرك صفى الجو وصار عال العال
فرقى بعض الناس غنيمة :d




جحا

[JOORY]

صباحكم جوري


جحا حلوه هذي ( بس لايكون انا) يعني قالوها اللي على راسه00000
هههههههههههههههههه

امزح جحا

تسلموووووووووووووووولي والله كلكم

( عسى الله لايفرقنا)


وبعدين منو هذا اللي فرقاه غنيمه لايكووووووووووون00000000
اذا هووووو ياويلك مني


سلام ورووووووووووودي
جوري

[عبدالعزيز المانع]

جوري

حطي حالك بمكاني واحكمي

سير علينا بعض الناس بالشرقية
واول ما خلص شغله جانا وحط راسه ونام
من الساعه 4 العصر ولا صحى الا 10 بالليل
وطبعا كل هالوقت انا ما كنت موجود لقضاء
بعض الاشغال ...
اول ما رجعت تفاجات بالاخ مشبك النت على المنتدى
واول كلمة قالها لي بعد السلام .. احسن حاجه عندكم النت

تخيلي هذا اسلوب طبعا لقيته هو واخوي طالبين عشى
اول ما تعشى قال بروح للرياض
وانا ما جلست معه الا ساعة

لو كنت بمكاني وش تسوين ؟؟

واذا كنتي بتزعلين عشانه
فاقول لكما
اعلى ما بخيلكما فاركبوهوا
ولن تطولوني وانا فوق النجومي

كونوا بخير انتي ومن فزعتي له


جحا

[JOORY]

لا بجد بجد غلطان اخ0000000000 تراني عرفتك

الحق معك جحا دامك من اهل الشرقيه
اصلا الغلط مايطلع منا
هههههه

بس ارجووووووووووك يااخ000000
مره ثانيه ماتعيدها انا لو مكان اخوي جحا كان
سويت فيك جريمه
وشويه عليك بعد
ترى هذا كله لانك 00000
اذا واحد غيرك ماعليه فيه
واشووووووووفه يقول ماقصرتوا
على العمووووووووم اهلا وسهلا بكل اللي شرفنا بالشرقيه


على فكرررررررررررره
انا راح ارووووووووح الرياض اذا ماعليكم زحمه تستقبلوني بباقات الورد
يااهل الرياض وراح اكوووون شاكره لكم

تسلمولي احلى عالم
جوري

[عبدالعزيز المانع]

هههههههههههههههههههههههههههههههههههههههههههههههههه هههههههههههههههههههههههه

الاخ من درى اني بزورهم للرياض
قفل جواله
عاد
تعالي رقعي له هذي
واتوقع ان الشق اكبر من الرقعة المره هذي
يعني ما خسارة الا صداقتي وعشرتي له كل
هالسنين طلع احسن شي عندنا النت
الله يسامحك يا ..................
ماني قايل اسمه لا يجيني شد عضلي
بحنكي من الالف الممدوده اللي باسمه..

جحا

[JOORY]

هههههههههههههههههههههههههههههههههههههههههههههههههه هههههههههههههههههههه
هههههههههههههههههههههههههههههههههههههههههههههههههه هههههههههههههههههههههه
هههههههههههههههههههههههههههههههههههههههههههههههههه هههههههههههههههههههه
هههههههههههههههههههههههههههههههههههههههههههههههههه ههههههههههههههههههههههه
هههههههههههههههههههههههههههههههههههههههههههههههههه ه

تكفه جحا خلاص
حلوه هذي الالف الممدوده
يا0000000000000000000000
هههههههههههههههههههه

[شخمطه]

يؤ يؤ يؤ .. كل هذا صار من 0000 اللي جا للرياض !!! حسبنا الله ونعم الوكيل .. والله ماله حق .. لو أنا منك أطرده (دام أنه ما يعطيك وجه ولا يبي يشوفك وصاك جواله .. بقريح :d) << معذرة على الجمله اللي بين الأقواس ولكن مزووووووح وادري أن صدوركم مثل اللي عند ساديا يعني توسع كل الكلام .. تأبروني :d
جحا .. إذا كان هذا اللي تقول عنه ما شفناه وهو عندنا بالرياض وغير كذا هو قطووووع لأبعد درجه ... خلها على ربك .. لا تشكي لي أبكي لك :(

جوري .. مرحبنبك في الريــــــاض .. عين فراش وعين غطا ..

جحا .. متى جاي ؟؟

ت ح ي ا ت ي

[عبدالعزيز المانع]

شخموط

يقولون من طلع من داره قل مقداره

الله يخلي الشرقية لنا من د.كيف الى ستار بكس

من الراشد الى الكورنيش

من ماضينا الى ابو نواس

يعني الحمدلله مبسوطين

______________

قررنا نحن تاجيل سفرتنا الى الرياض

واستبدالها بسفرة الى البحرين الاربعاء القادم

ستشمل العديد من المجمعات ودور السينما

والمطاعم .... يتخللها لفلفة بشارع المعارض

ومن ثم العوده الى الديار عصر الجمعه

فمن له خاطر يجهز شنطته وجوازه

وملابس لمدة ثلاث ايام

محفول مكفول

حتى يعود الى الديار



نحن

جحا

[JOORY]

مرحبا شباب







شباب ماحد شاف عزيزتي ام بكر

ام بكر وينك
مشتاقه لك




سلام جوري

[umbakr]

هلا وغلا بجوري


بعدي والله انتي:icon_bigg


ماحد فقدني غيرك يا بعد عمري:icon_cry:


والله كنت مع.............ابو بكر وتلهينا شوي بس, وانت على بالي يا الذوق:icon_redf



كلي شووووق لك والاحبة






جحا والله الصيادية احبها وااااااااااجد بس يعني ما اضبطها تمام اذا تبي تحمل الي يجي:icon_roll





عادل السويدي.........ما عليك زود انت الكرم والجود يا الاصيل:d

[JOORY]

هلا والله بالغاليه
كيفك بعدي عساك بخيييييييييير

والله مشتاقه لك ولسوالفك بس مره ثانيه قولي
اذا بتغيبين ماتخلين بالي ينشغل عليك

كوووووووووووني بخيييييييييييير
دمت لنا عيوني
ام بكر




اختك
جووووووووووري(py)

[umbakr]

شكرا جوريتي



شكرا يا الذوق



لاتقلقي اذا غبت, انتم بالقلب لكن مشاغل الدنيا وامور أخر



تحياتي



الا وين ابو مشعاب يغط؟؟؟؟


مدري وين يروح هالرجال

[عبدالعزيز المانع]

مرحبا ام بكر

ثانكس على الصيادية .
_______________________

للاسف ان ابو مشعاب يمر بحالة رومانسية صعبة

اليومين ..... فبعد جلسة معاه ذكر لي ان قلبه بدا يدق

بعد ان اشترى من احد البسطات في سوق الحب

بعض من الشراخيات والطراطيع ..

حاولت افهمه ان هذه حالة عابرة نظرا
لقلبه المتصلب لم يتعود على هالامور
لكن الاخ راسه يابس ومصر انه وقع في الحب

اتمنى ان تفهميه بانه ليس الا هواوي وليس هاوي

لكي وللاخوة كل الود

جحا

[umbakr]

احلى والله:d






ابو مشعااااب..................




يحب؟؟؟؟؟؟؟؟;)

وقلبه يدق بعد؟؟؟؟؟؟


والله خطير.........ومن هي الطرطيعة الي حبها؟؟؟؟ههههههههههههههههه:icon_twis





لالالالالالالا........بلا حب بلا هم بلا بطيخ, اصحى ياعمي هذا مرض خطييييييييييير وشفاؤه صعععععب




لكن دواه عندي, ماله الا.........








ابرة جديدة طورتها ضد الحب والآمه ودقاته, وكل الاعراض المزعجه الجانبية:icon_redf اعطيه من هنا

وهو يصيييير تماااااااام التمام ....بس جحا عاد خلك معي امسك الرجال لايقوم يسوي لنا خبال:v

ههههههههههههههههههههههههههههه





سلامات سلامات ابو مشعاب, لاعاد تروح سوق الحب:d

[شخمطه]

أبو مشعاب .. تحب !!

ما تشوف شر .. سلمات أخوي

[ابو مشعاب]

ابو مشعاب : وااشرح لهااا عن حالتيييي .. وااشرح لهااا عن حالتييي ( ابو مشعاب داخل للبيت ويغني)

ام بكر : يالله مع السلامه ( تودع صديقـتها عند الباب )

ابو مشعاب : جالس يـقـزّ ( أي يحدِّق بالنظر و يتمعـّـن جيداً ) في البنت صديقة ام بكر :icon_eek:

ام بكر : وش تطالع يابو مشعاب :w:

ابو مشعاب : احم احم احم .. استتروا يا نسوان

ابو مشعاب : سلام عليكم يا بنات .. وشلونكم عساكم طيبين ....

ام بكر : الحمد لله بخير قبل نشوفك

ابو مشعاب : مسا الخير يا بنت ( ابو مشعاب يخاطب صديقة ام بكر )

صديقة ام بكر : :219: هلا هلا

ابو مشعاب : :8_8_10: يا حليل ذا البنيَّـه يا حليلها ..... الله يخليها لـ اهلها

ام بكر : خلاص يابو مشعاب ادخل داخل عندنا ضيوف في المجلس يبونك

ابو مشعاب : خليهم يولـّـون وش ابي فيهم .. أكيد يطلبوني سلف , المهم ما تعرفنا على هذه
الفتاةالحساء , وش اسمك الله يخليك لأهلك ؟

صديقة ام بكر : رولا

ابو مشعاب : ما عندي والله !!!

صديقة ام بكر : لا أنا إسمي " رولا "

ابو مشعاب : هذا اسمك .. انا كنت اظن إنه اسم بسكوت جديد

ابو مشعاب : وين ساكنين , أربكم إن شاء الله حولنا قريب

رولا : أنا بنت جاركم " عـابــِـس بت دابــِــس "

ابو مشعاب : :eek: عـابــِـس ما غيره ابو بطـنـيـن , سبحان مطلـِّع الغـزال من ظهر القـرد

رولا : وش تقول ؟؟؟؟ !!!!!

ابو مشعاب : أقول ونعم بأبوك

رولا : يالله أنا أستأذن ماشيه

ابو مشعاب : وين بدري .. ما شربتي شي , ام بكر قومي جيبي عصير جوز الهند لـ رولا

ام بكر : ما عندنا جوز هند .. ليه قاعدين في بومبي :md:

ابو مشعاب : طيب جيبي صحن مقبلات

ام بكر : ما عندنا

ابو مشعاب : لا حول الله .. طيب جيبي كاس مويه , افهميها

رولا : لا ما يحتاج , انا مستعجله

ابو مشعاب : خلاص أنا أوصلك

رولا : ما يحتاج البيت قريب

ابو مشعاب : خليني أوصلك تكفين , أخاف يطلع لك ( صويلح الخبل ) يخـرّعـك ترى هادينه أهله في
الشارع شغلته يروِّع خلق الله .

ام بكر : ياخي قالت لك البيت قريب

رولا :(py) مع السلامه

ابو مشعاب : (py)(py) مع السلامه , كل يوم زورينا تكفين , ترى حنا كل عصر متواجدين وفاضين
للسوالف و الحش , وترى عندنا كيرم إذا تبين تلعـبـين

رولا : (py) باي باي

ابو مشعاب : (py) باي باي أمك وأبوك في مخباي , يا ويلي ويلاه ..
يا ليتني الشنطه اللي في يدها :911:

ام بكر : هيييييييييه ابومشعاب , انت مهبول ما بقى إلا تاكل البنت بـ عيونك

ابو مشعاب : المهبول والله اللي يطالع في وجهك

================================

( ابو مشعاب يتجه إلى المجلس وهو يترنـَّـح في سكرات الهوى )


عادل السويدي : ياليت عندي عصيده واربع صواني مرق .. ( يغني ) , سلام عليكم ابو مشعاب

ابو مشعاب : إنقـلع عن وجهي ماني فاضي لك

عادل السويدي : أكيـــــــــــــــد ماكل زبادي منتهي تاريخه

ابو مشعاب : أنت والله المنتهي

عادل السويدي : وش فيك ابو مشعاب .. علمني .. صارحني

ابو مشعاب : آآآآآآآآآآآآه , لقـد مـِــلـتُ مع الهوى

عادل السويدي : ليه أنت مشـغـِّـل المكيـِّـف اليوم ؟؟؟

ابو مشعاب : أقول لك أنا صرت أحــب

عادل السويدي : ألعن شكلينك , تشوف مسلسلات مكسيكيه من ورانا ؟!

ابو مشعاب : أنا هـيمان .. أنا وجـعـان

عادل السويدي : ما عليك لا تصدق ما فيه شئ إسم حب , هذا بس في المسلسلات والأفلام المصريه ,
أنا أعرف واحد من الشباب كان يحب بس ما شاء الله عليه ألحين تعافى
و شغـَّـال في الجوازات

ابو مشعاب : يا مهبول الحب ما هو سوا .. الحب أنواع

عادل السويدي : كيف ؟؟؟؟؟؟؟؟

ابو مشعاب : فيه حب سـدوحي , هذا نهايته إما زواج وإلا يسدحك في القبر.. مثل اللي أنا فيه

عادل السويدي : :eek: أعوذ بالله

ابو مشعاب : إيــه هذا حب أقـشر , يخليك تجلس إسبوع ما تشرب ماء

عادل السويدي : ول ول ول ... هذا حب سحالي ماهو حب أوادم !!!

ابو مشعاب : وش عرفك أنت , وفيه حب خـفـَّـافي هذا يسبب حـكّـه وماغص وشد عضلي أحياناً

عادل السويدي : هل قد سبق و جربت الحب الخفافي يابو مشعاب ؟؟

ابو مشعاب : نعم نعم , بس بطلته وصرت أشرب معـسِّـل

عادل السويدي : تصدق يابو مشعاب إن حتى أنا كنت أحب ... كنت أحب البليله بالشطه

ابو مشعاب : نعم نعم هذا يعتبر حب , بس يسمونه حب من طرف واحد

عادل السويدي : أجل اللي يقولونه في المسلسلات صحيح

ابو مشعاب : كله كوم و " الشوق " كوم ثاني ...

عادل السويدي : وش هو هذا ؟؟؟

ابو مشعاب : هذا شئ يجيك بعد صلاة المغـرب

عادل السويدي : :eek: بسم الله الرحمن الرحيم .. وش يبي هذا ؟؟؟!!!

ابو مشعاب : هذا يخليك تـحس كأنك تبي تأكل بـيـتـزا

عادل السويدي : يا حليله حليلاه ... والله إنه طيب هذا

ابو مشعاب : و كلـِّـه يهون ولا الونـيـن والأنـيـن في الليل

عادل السويدي : وش دعوى ابو مشعاب صاير سيارة إسعاف تون في الليل :ro:

ابو مشعاب : والله لو ما انت اخوي وإلا عـضـّـيت خشمك

عادل السويدي : ليه .. وش سويت لك ؟

ابو مشعاب : كلامك هذا مو كلام إنسان مثقف , خلك مثقف و مهذب في كلامك

عادل السويدي : كيف اصير مثقف ؟؟

ابو مشعاب : عشان تصير مثقف لازم تكح وتـتـحـنحـن قبل تتكلم , ولازم تقول كلام الناس ما يفهمونه
و أهم شئ إنك أنت ما تفهمه

عادل السويدي : عـجيــــــــــــــــــــــــب !!!

ابو مشعاب : وين وصلنا في شرح الحب والغرام ؟

عادل السويدي : وصلنا عند الونين والأنـيـن

ابو مشعاب : بعدها يجي مناجاة القــمر

عادل السويدي : من هو مناجاة القمر هذا

ابو مشعاب : هاااه :o .. مدري هم يقولون كذا في الحب .. افهمها زي ما تفهمها

عادل السويدي : فهمت .. فهمت

ابو مشعاب : بعدين اللي يحب يسهر الليل كله ما ينام

عادل السويدي : لـيــه جـــــربـــوع ههههههههههههه :ro:

ابو مشعاب : قم .. قم .. قم لعنة الله على إبليسك ..
الشرهه علي اللي انا جالس أسولف مع خبل مثلك .. قم @$@

عادل السويدي : إنننننننننننـحـش يا ولد لا يحـوشك ابو مشعاب جاته جنيته ( عادل يهرول هارباً )


==============================

( ابو مشعاب في الليل )


ابو مشعاب : جالس فوق السطح مع القــمر و خزان المويه و أفكر فيك =:D=

ابو مشعاب : مشغل مسجل ويسمع أغاني " نجاة الصغيره " و " عبدالله السالم "
ويأكل فصفص ويشرب شاهي

أفكر فيك : يابو مشعاب خلني أفكر على راحتي

ابو مشعاب : وأنت الله يهديك ما تفكر إلا فوق السطح .. صاير ديــك :mdg:

أفكر فيك : عشان أبعـد عن الضوضاء , وبعدين انت ليه مشغـل أغاني ؟؟!!

ابو مشعاب : لأني رومانسي

أفكر فيك : كيف الواحد يصير رومانسي ؟؟!

ابو مشعاب : عشان تصير رومانسي لازم تتروش في اليوم مرتين و تنام بعد الغدا
ولازم لازم تـحب الورد

أفكر فيك : لازم أحب الورد ؟؟!! لــيـــه شايفني نــحــلــه هههههههههههههه :ro:

ابو مشعاب : وش أسوي في نفسي يا ناس .. أحذف نفسي من فوق السطح ؟؟؟ أنا ما احد فاهمني
في ذا البيت , خلاص أنا رايح أنام وتارك لك السطح .


====================================

( ويوم آخر من الحـــب )


شخمطه : السلام عليكم يابو مشعاب

جحا : السلام عليكم يابو مشعاب

ابو مشعاب : وعليكما السلام و رحمة ٌ من الله و بركاته

شخمطه : ما شاء الله صاير مؤدب اليوم !!!!

ابو مشعاب : هذا من فضل ربي

شخمطه : أهم شئ .. هاه بـشـِّــر إن شاء الله جمعـت فلوس ؟

ابو مشعاب : ليه في أحد من الجماعه عليه ديـــه ؟!

شخمطه :لا .. عشان السفره لـ مصر في الصيفيه الجايه كالعاده

ابو مشعاب : لا .. خلاص .. خلاص تـبـنـا

شخمطه : لــــيــــــــــه .. تـحـجّـبـت ؟؟ ههههههههههههه :ro:

ابو مشعاب : لا .. بـدِّي أتزوج عـ العـيد .. و بـدِّي أعـمِّــر بيت جديد

شخمطه : تعـمِّــر بيت جديد ؟؟!! ليـه عـنـكـبـوت ههههههههههههههههههه :ro:

ابو مشعاب : إن شاء الله ناوي أتزوج

شخمطه : إخــس .. ومين الخـبـله اللي بتاخذك

ابو مشعاب : رولا عـابـِـس دابـِــس

شخمطه : وش ذا .. إسم مضاد حـيـوي ؟؟!!

ابو مشعاب : لا إسم العروس رولا بنت عابس بن دابس

شخمطه : من هو عابس هذا ؟

ابو مشعاب : جارنا اللي ساكن جنب محل أشرف الباكستاني للخياطه شــك و تطريز

شخمطه : إيه عـرفته .. ابو كرشه اللي وجهه كله نظاره و لحيه:md:

ابو مشعاب : أييييوه هو اللي كأنه قــنــفـــذ لابس غــتـره و عـقال =:D=

شخمطه : وش تبي فيه .. أكيد بنته مثله وجهها شيفه

جحا : يا شخمطه يالمهبول هذا عنده بنت صاروخ أرض جو .. طـخـما

ابو مشعاب : اقطع واخس يا جحا .. عيب عليك .. وش الكلام هذا .. اسكت .. انكتم .. عيب عليك .. لعنة
الله على ابليسك يا حلايا المكنسه

شخمطه : يابن الحلال تعال معي للقاهره وخلنا نتـكِّـي في كازينو " نـص الليل " عند الأستعراضيه
الكبيره ( عـساكر كعـب الغـزال ) و نشرب مياه غـازيه و نزور الهرم كل عـصريه وفي الليل
نتفرج على مسرحيه .. أحسن لك من عـابس و خنافس

ابو مشعاب : يابوي بلا كعـب غـزال ولا كعـب نعـال , أنا إن شاء الله ناوي أقـصِّـد سياره وأبيعها وأعطي
عمي "عابس" مـهـر "رولا" و الباقي أبني فيه ملحق فوق سطح العربي الموحد وأثثه

شخمطه : ياولد طيعني وتعال معي , انت وشلك بالزواج .. أنت إنسان مزاجك عـكر وأخلاقك تجاريه وما راح تصبر عليك البنت المسكينه

ابو مشعاب : لا.. خلاص أنا عزمت أتزوج وأجيب ولد أسميه مشعاب وأدخله تخصص ( جيوفيزيا ) عشان طلعات البر , وأجيب بنت أسميها عـجراء على وزن عـفراء محبوبة عـروه ابن حزام وأخليها تدرس ( طب نفسي ) عشان تعالج ركبتي و مفاصلي إذا شيبت .

شخمطه : أنت ما منك فايده ... أنا ماشي

ابو مشعاب : روح .. روح .. هذا أنتوا يا عائلة الشخاميط الواحد منكم ما يتزوج إلا بعد ما يعدي
الخمسين وآخرتها راح تـنـقـرضون مثل الدايناصورات

جحا : خلـِّـه يروح ما عليك منه يابو مشعاب , والله يا أنا عندي لك خبر زين
لو تسمعـه تقوم ترقص شـوبي من الفرح :mdg:

ابو مشعاب : والله من شاف وجهك اللي كأنه إبريـق مصـدِّي ما شاف أخبار زينه .. هات
اللي عندك خلصني

جحا : عـندي رقم تلفون بيت عابس بن دابس إذا تبي تكلم " رولا "

ابو مشعاب ::eek: والله .. هاته هاته .. تكفى تكفى

جحا : ما فيه شئ بلاش ولا يُـخدم بخيل , وش تعطيني مقابل رقم الهاتف ؟؟

ابو مشعاب : أعطيك دوره على الوانيت تـلـفّ فيه يوم كامل على مدرسة البنات و فوقها 5 ريال
تشتري فيها معـجنات .

جحا : ياسلام .. ياسلام .. خلاص يالله مشينا فوق في الغرفه و نقـفل الباب عشان نكلم
بالتلفون على راحتنا

ابو مشعاب : يالله يالله .. يالله بسرعـه قبل يجينا عادل و يفضحنا عند المهند .........


=======================================


والتكمله في الحلقه القادمه مع ابو مشعاب والحسناء "2"

[عادل السويدي]

هههههههههههههههه
مجنون رسمي .. أنا اقترح نحجر عليك يا ابومشعاب
حتى نشوف علتك اقصد نوع الهوى اللي صابك :)
أجل تروحون لمصر عشان تشربون مياه غازية ههههههههههه
والله يبي لك حجر صحي صحيح .. لعل وعسى يرسي العقل على خير :zz

[JOORY]

السلام عليكم جميعا
وصباحكم جوري

مساعدين شباب وعساكم على القوه



ايوه شباب من راح يوديني الرياض اليوم تراني ماعرف كثير فيها
ممكن احد يتطوع ويوديني
وراح اكون شاكره له
ولاتقولون بنزين ومادري وشو
كلو على حسابي هالمره ماقلت على حساب المهند خليه والله تعبناه معنا

شباب تكفون ابي الرد بسرعه
اوكي


سلام احلى عالم
جوري

[شخمطه]

أبو مشعاب .. شكلك ماخذ لك لفحه هوا وبرد وتحسب أنه الحب والغرام .. اقول اعقل هههههههههههه


جوري .. ممكن أوديك ِ ؟؟

[umbakr]

ام بكر تحادث رولا عالتلفون............


ام بكر: هلا رولا ....شلونك؟؟

رولا: اهلين ام بكر كيفك انتي؟؟ اشتقت لك

ام بكر: اش رايك تمرين علي اليوم نسولف مع بعض وجووري بعد

رولا: لالالالالالالالا......بعد ذاك اليوم ما اقدر اجي:v

ام بكر: اي يوم ؟؟ وش صار؟؟

رولا: يوم عالباب وقف واحد غريييب عجيييييب دمه ثقيييييييييييييل , هو وشيقفته يعاكسني, مع وجهه

الي كنه شكمان مصدي:w::w:

ام بكر: هههههههههههههههههههههههههههه

الله يغربل ابليسك بس, قصدك ابو مشعاب؟؟;)

مسيكين كنه معجب فيكي

رولا: ما بقى الا هو وكرشه ذي, ويعييييييييه لا بعد اسمه وشو؟؟؟؟ ابو مشعاب:md

اعوذ بالله ناويه علي انتي

ام بكر: والله فكري يمكن, يطلع منه وتقصين عليه تراه بعض الاحيان يصير خبله بس حليو ما يعض

الييييف:d


رولا: اقول بس بلا هالحكي الي ماله سنع, انا ........انا..........

ام بكر: انتي وشو؟؟؟


رولا: انا........

انا..........


بصراحه..........






احب:icon_redf:icon_redf


ام بكر: افى والله تحبين مين ياحظي؟؟؟

لايكون عندنا بسكن المهند؟؟؟

ردي ليه ساكته؟؟؟


رولا: ايه


ام بكر: ميييين؟؟؟:icon_eek:


رولا: اقول بعدين مو الحين, بسرعة مع السلامه ابوي عابس دخل:(

باااااااي

[umbakr]

بعد مرور كم يوم والوضع تمام التمام.......

مر ابو مشعاب من بابنا يعني اني اطمن عالنسوان....يدندن وقال ايه ....عييييينه بالارض,خخخخخخ

ابو مشعاب: هلا والله ام بكر........ كيفك اشلونك, تآمرين شي طال عمرك

ام بكر: سلامات ابو مشعاب عسى ما شر من متى الذرابة لايكون تعبان ولا حاجه

ولا....

ابو مشعاب: ايه ولا,هههههههههه
الا شلونها ولا؟؟؟

قصدي الحسناء رولا


ام بكر: ايييييييييه اقول من الصبح تحياى وسلامات,امممممممممممممم

ياعمي البنت انحاشت منك, خرعتها انت وخشتك:w:


ابو مشعاب :خشتي؟؟؟.......اش فيها خشتي ام بكر , عن الغلط


ام بكر: والله هذا كلام رولا

ابو مشعاب:( في قمة الحزن):icon_cry:

معقوله ام بكر مش يمكن خجلانه مني:(


ام بكر: اش اقوله هذا؟؟؟ ياربي اقول تحب واحد ثاني وهو بطير فيها المسكين


ابو مشعاب: اش بلاك ام بكر تكلمين حالك؟؟؟ يا الله حسن الخاتمه:d


ام بكر: وش تقول مع وجهك؟؟؟


ابو مشعاب: لالالا ولا شي طال عمرك

كلميني عن رولا

هواياتها, حياتها....كل شي كل شي


ام بكر: والله ابو مشعاب ماني فايقه الحين, يمكن رولا تزورنا بكرة, بس حسك عينك وحركاتك السابقة

وعيونك الزايغة:v


ابو مشعاب: وش بعد آمري امر>>> لاجل عين تكرم مدينه:icon_roll

ام بكر: اييييييوه خلك سنع كذا وبوصيك على بعض الاغراض الي تحبها رولا تجيبها بكره


ابو مشعاب: هوا هوا:icon_excl


ام بكر: تعال ياحظي موب الحين قلنا بكرة صاير بعد ما تسمع, هذا الحب الاطرش وما يسوي


ابو مشعاب: من النجمة اوقف على بابكم.............ولهان ومسير:icon_redf:icon_eek:


ام بكر: اقول بلا خرابيط وكلام بلا طعمة, ابو بكر ما يرضى بهالسوالف:icon_redf

ابو مشعاب: اي ابو بكر اي خرابيط, ماني حولك ياحرمه اقصد الغزااال رولا, ولا انتي من يطالع في

وجهك غير ابو بكر, الله يآجره بس, خخخخخخخخ


ام بكر: الشرهة مو بعليك على الي مضيعه وقتها تسعى لك بالخير والا انت طالع وجه العنز واحلب

لبن:d


ابو مشعاب: لالا ام بكر امزح عاد....زعلتي؟؟؟؟ ولو من عشمي بس والميانه:icon_twis


ام بكر: امحق ميانه , لاتعودها والا ماعاد اخليك تشوف طيف رولا مو هي بنفسها



ابو مشعاب: لا تكفين ام بكر, السماح


ام بكر: خلص خلص , عشان بس حاسة بمشاعرك الي تودي بداهية:v


ابومشعاب: مشكووووورة , متى اجي بكرة


ام بكر::icon_roll:icon_roll:icon_roll

[ابو مشعاب]

هههههههههههههههههههههههههههههه

حلوه حلوه يا ام بكر

كملي السالفه واخذي راحتك فيني ترى أنا ما أزعل منك

بس تحملي اللي يجيك مني ههههههههههه

تحياتي يا ام بكر

[umbakr]

يمه:icon_eek:





روعتني:icon_cry:




خفت مووووت:(



تهددني ابو مشعاب من اولها؟؟؟:w::w::w:




لاني مكمله ولاني مكلمه رولا:icon_twis





انننننطق واننننفلق:v






بس







لالاااااااااتزعل والله يعيني اتحمل غثاثة لسانك , اصلا انت ابو لسان مو ابو مشعاب;)


ههههههههههههههههههههههههههه

[عبدالعزيز المانع]

هههههههههههههههههههههههههههههههههههههههههه

حلوووووووه يا ام بكر

ابو لساااااااااااااااااااااااااااان
ههههههههههههههههههههههههههههههههههههههه

ابو مشعاب
اسمحلي المره واحد صفر لام بكر
ههههههههههههههههههههههههههههههههههههه

بس ام بكر كملي القصة قبل ينزل (( ابومشعاب والحسناء2 ))

وتصير قصصك تباع بالبسطات



جحا

[umbakr]

طيب جحا بس افزع عاد لا هاج علينا ابو مشقاص,,,,,يووووه قصدي ابو مشعاب

في اليوم التالي.....


فتحت ام بكر الباب, واذا............


هااااااااااا



ابو مشعاب ..............متسدح عند الباب متلحفا بالبساط,ههههههههه

هذا الحب وعمايله, الله يغربله( يغربل الحب مو ابو مشعاب)


ام بكر: لاحول ولا قوة الا بالله العلي العظيم, ابو مشعااااااااااااب:icon_eek:

ابو مشعاب: بسم الله الرحمن الرحيم , مين؟؟؟؟ ام حديجان...قصدي ام بكر اش بلاك روعتيني

يابنت الحلال..شوي شوي:icon_frow


ام بكر: طيب يا الرقيق , ياعنترة....ياقيس....ياروميو على غفلة....اش بلاك متسدح عند باب الحريم:v


ابو مشعاب: مش انتي قلتي خلك جاهز بكرة وهذا بكرة ولاّ...

ام بكر: تؤتؤتؤتؤتؤ........حزنتني......كسرت خاطري, خلص ابو مشعاب قوم الله يصلحك ولايهينك

مر على فوال صباح الخير, وجيب لنا فول معتبر وتميس بالسمسم وواحد بسكوته , وكم فلافل, بسرعة

لو سمحت...:icon_bigg



ابو مشعاب: اي فول ؟؟؟, رولا تاكل فول وتميس؟؟:icon_roll


ام بكر: اي رولا اش بك روقنا يا بويه, اخلص جيب الفول والي قلتلك عليه بافطر انا وجوري, والبنات

عشان اركز كويس, قبل ماتجي حبيبة القلب:)


ابو مشعاب: اللهم طولك ياروح, حاضر ام بكر, شي ثاني


ام بكر: تسلم بس عجلّ لو سمحت, جوري ضبطي الشاي لو تكرمتي, مع الحبق ها


ابو مشعاب يصعد الدرج وهو ينافخ ويزامر...والله حاله آخر زمن, انا بجلالة قدري اشتغل صبي

عند ام بكر, لكن معليه كله عشانك يارولا يهوووون;)

طق طق طق طق طق......الفووول وصل:icon_frow

جوري: هلا ابو مشعاب, مشكور لاهنت , تفضل افطر معانا


ابو مشعاب: مشكورة جوري اعمل ريجيم,خخخخخخخخخخ:d

جوري: والله , شي طيب وش طريقة هالريجيم؟؟؟


ابو مشعاب: ما هناك طريقة, بس آكل ثلاث سندوتشات بيض, واثنين كبدة, وواحد فلافل, هذا الفطور

اما الغدا, حبة دجاج مندي ولا مضغوط, عاد العشا..

جوري: كفاية كفاية بعد المسالة فيها عشا, الله يهنيك بس من وين بتضعف :d

ابو مشعاب: اكيد بضعف, لاني الان مخفف وااااااجد هذ ربع اكلي السابق:icon_roll

جوري:؟؟؟؟؟؟؟؟؟؟؟؟؟؟؟


ام بكر: اووووووووه, وش القرقرة هذي الي عالباب, جوري اخلصي الفول برد:w:

جوري: يله ابو مشعاب بعد اذنك

ابو مشعاب: انا عند الباب اذا الهانم ام بكر طلبت شي خبريني:icon_roll

جوري: ههههههههههههههه, طيب.......


بعد ساعة..................

دق التلفون..........رولا قادمه......


ام بكر: جوري نادي ابو مشعاب

ابو مشعاب: هلا ام بكر, فيه شي:d


ام بكر: شوف ابو مشعاب, البنت جايه بعد شوي بلاش تبصبص وشعر وغزل وحركات بايخة خلك

حيوي, يعني استحي شويه ......ترى الغزل موضه قديمه اثقل شوي;)


ابو مشعاب : حاضر وش بعد

ام بكر: روح جيب, كيك فااااااااخر, وبوكيه ورد الجوري, و رش عطر عليه القيمة بدل ريحة الغنم

هذي الي انت ترعى فيها طول الوقت:v


ابو مشعاب: ام بكر لاتغلطين عالغنم مصدر رزقي, والكائن الوحيد الي حاسس بمشاعري:(


ام بكر: بلا هالكلام الله يخليك, رولا ما تحبه


ابو مشعاب: خلص بلاه بلاه, وش بعد:icon_eek:


ام بكر: روح سوي الي قلت لك عليه, بعدين تعال,;)

[ابو مشعاب]

هههههههههههههههههههههههههه

وش الحركات هذي يا ام بكر

كان رايي فيك في محله

أنتي نصف خفة دم المنتدى الله جعلها فيك


وأقول ترى أنا اليوم طالع للسوق والسياره فاضيه

فإذا تبون أجيب معي خضره وإلا لـحـم حــاشـي ترى أنا حاضر و منون

وتـفضلي هذي ورده قطفتها اليوم بعد صلاة الفجر من حديقة البلديه ياليت تقدمينها

بالنيابه عني لـ رولا , وامدحيني عند رولا وقولي لها أخوي ابو مشعاب مـزيـون بس الأيام هذي

يداوم في الشموس ويلعـب حديد في القوايل وكل شي بـ حقه ياام بكر راح أجيب لك صندوق برتـقـان وحلاو ماكنتوش

يالله إبـسطي من عـقـب الإقـط راح تاكلين ماكنتوش



تحياتي لك عزيزتي و للجميع

[JOORY]

الســـــــــــــلام عليكم ورحمــــــــــــــــة الله وبركاتـــــــــــــــــه

[ابو مشعاب]

( ابو مشعاب وجحا يهرولون إلى الغرفه في غفلةٍ من القوم )

ابو مشعاب : ادخل يا جحا بسرعه وقفل الباب قبل يجي عادل البلوس .

جحا : أهــه .. قفلت الباب يالله خذ رقم بيت رولا

ابو مشعاب : يالله بسرعه عطني الرقم

جحا : الرقم هو 0000000000900000003

ابو مشعاب : ياولد أنت متأكد إن هذا رقم تلفونهم , لايكون رقم السجل المدني

جحا : أنا متأكد , أنت ما دريت إن الإتصالات أضافوا صفر على أرقام الهاتف ؟

ابو مشعاب : إيه والله إنك صادق , الأيام هذي الواحد ينام ورقم جواله 9 أرقام ويصحى اليوم
الثاني يلقاه 13 رقم .

جحا : بسرعه دق الرقم خلصنا

ابو مشعاب : دننن .. دننن .. دننن ( ابو مشعاب يجري الإتصال بـ رولا )

عابس بن دابس : ألو من ؟

ابو مشعاب( يخاطب جحا ) : يا ولد طلع أبوها .. وش أسوي ؟

جحا : صرِّف نفسك أنا مالي شغل

عابس بن دابس :ألوه من معي ؟

ابو مشعاب : ألللللووه , معاك " رأفت حسني " مندوب المبيعات في شركة عبداللطيف جميل وكيل
سيارات تويوتا في المملكه

عابس بن دابس : هلا والله .. خير إن شاء الله ؟

ابو مشعاب : بُـص سعـادتك .. إنت حضرتك ما دفعـتـش الأقساط بتاعـت سيارتك الهايلكس

عابس بن دابس : يا خوي يا رفعـت حصني أنا شاري سيارتي منكم كاش

ابو مشعاب : معلش حضرتك ممكن حصل فيه خطأ في الأرقام , ممكن أتعـرف بإسم حضرتك ؟

عابس بن دابس : أنا اسمي عابس بن دابس آل عـبيسان

ابو مشعاب : وفرحان قوي على خيبتك ياخويه ههههههههههههههه :ro:
( صرررررررقـع ابو مشعاب يغلق السماعه )

جحا : :jup: هههههههههههه الله يقطعـك يابو مشعاب

ابو مشعاب : بحاول مره ثانيه لعل وعسى يكون نايم

جحا : إيه شب عليه تكفى

ابو مشعاب : دننن .. دننن .. دننن ( ابومشعاب يعاود الإتصال )

عابس : ألو من ؟

ابو مشعاب : الأخ عابس ؟

عابس : نعم أنا عابس .. وش تبي ؟

ابو مشعاب : معاك بنك الـتـسـليـف

عابس : يا هلا والله .. خير إنشاء الله

ابو مشعاب : عـندك سلف 200 ريال ههههههههههههههههههه :ro:
( صرررررررقـع ابو مشعاب يغلق السماعه )

جحا : :jup: هههههههههه الله يقطعك يابو مشعاب

ابو مشعاب : الله يخرب بيته ذا الشايب ما ينام ؟؟‍‍‍‍‍ ‍‍!!

جحا : إنك ما تدري .. الشايب هذا خبيث يتابع القـنوات الإعـلانـيه عشان يتفرج
على دعـايات تخسيس الوزن : =:D=

ابو مشعاب : الله يخـسِّـه و يـسـوِّد وجهه

جحا : حاول مره ثالثه

ابو مشعاب : دننن .. دننن .. دننن ( ابومشعاب يعاود الإتصال )

عابس : ألو من ؟

ابو مشعاب : معاك برنامج ( ما يطلبه المُـتـسـدِّحــون ) من قـناة ( قــُـم طِـس )

عابس : خير .. وش تبون ؟؟؟؟

ابو مشعاب : عندنا مجموعه من الأغاني بإمكانك إهدائها لمن تشاء

عابس : يعني تطـلّعـوني في التلفزون ؟

ابو مشعاب : إيه نعم

عابس : وش الأغاني اللي عندكم ؟

ابو مشعاب : عندنا أربع أغاني كالتالي :

الأغنيه الأولى : أقـرع وأقيرع طاح بالطاسه === صـيـّـح على أمه يبي قـرقاشه
للفنانه " فـيـروز "

الأغنيه الثانيه : يا زارع الريحان فوق السطوحي === لا تزرعه يازين ترى عـذبت روحي
للفنان الصاعـد " سعـود شمعـه "

الأغنيه الثالثه : أسـمـر عَـــبَــر ... زي الـكََــفـَـر لـ محمد عبده أيام الفـقـر والخمس أزارير :mdg:

الأغنيه الرابعـه : أحـبـك يا الوجه الغــَبـَـر للفنانه الكبيره " نـبـيـلـه مـفـتـاح "

عابس : أهدي أغنية أحبك يا الوجه الغبر للفنانه المملوحه نبيله مفتاح وأنا معجب فيها
كتير كتير , وأهدي الاغنيه لجميع الاصدقاء والاقارب في ضيعة ( أم العـراد ) ,
وأهديها لأخي مشعـان بن دابس وأولاده وأقول له لاتبيع غـنم المرحومه امي قبل تقول لي ,
كما أهدي الأغنيه لأختي حصه بنت دابس وأبارك لها على المولودين التوأم "سعيد " و "عبيد"
وعقبال ما يتخرجون من المتوسطه , كما أهدي الاغنيه لــ ......

ابو مشعاب : صبر .. صبر .. وقف .. صدق إنك حمار ما تنعطى وجه .. أنا قلت لك إهـداء
ما هي قـطـيَّـه توزِّعـها على كل الجماعه

عابس : أبشر بس متى تعرضون الأغنيه ؟

ابو مشعاب : إن شاء الله بكره الساعه 6 صباحاً راح نعرضها , أنت الآن روح نام عشان تشوف
الأغنيه بكره الصبح وراح نحط صورتك مع الأغنيه بعد

عابس : ابشر .. أبشر .. الله يجزاك خير و يوفقك .. مع السلامه

ابو مشعاب : مع السلامه وتصبح على خير ( ابو مشعاب ينهي المكالمه )

جحا : :jup: ههههههههههههه الله يقطعك يابو مشعاب

ابو مشعاب : :10_1_117: يخبط جحا على أمِّ رأسِهِ , من اليوم ماسك لي على الله يقطعك ..
الله يقطعك ليه شايفني حبل غـسيل

جحا : الشايب العايب عابس يبي صورته تطلع في التلفزيون ؟؟!!

ابو مشعاب : أصلاً لو يصوِّر القـزم عابس صوره مقاس 4*6 يطلع كـلِّـه :ro:

جحا : يالله اتصل يمكن ترد عليك رولا

ابو مشعاب : دننن .. دننن .. دننن ( ابومشعاب يعاود الإتصال )

رولا : الوووووووووووووووه :219:

ابو مشعاب : ألعـن والديها ما أحلى صوتها

جحا : تكلم يالخبل قبل تقفل في وجههك

رولا : الوووووووووووه .. مين يتكلم ؟

ابو مشعاب : : :pink: أححححممم كحححككح هننننن .. مساكم خيركم .. قصدي مساكم الله بالخير

رولا : مساء النور ... من بغيت ؟

ابو مشعاب : أمي عـندكم ؟

رولا : مين أنت ؟

ابو مشعاب : هااه , أنا واحد نـفـر يعرفكم زين

رولا : وش اسمك ؟

ابو مشعاب : تعرفين السياره الوانيت ( GMC ) الحليبي اللي دايم تدور حول بيتكم ...
أنا المزيون اللي أسوقها =;)=

رولا : :eek: مين ابو مشعاب

ابو مشعاب : إي والله ابو مشعاب حاضر ٍ ما غاب

رولا : وجع يوجع بطـنـك ..... صرررررررررررقع ( رولا تقفل السماعه بحراره )

ابو مشعاب : لا حول الله

جحا : وش فيك .. قفلت في وجههك ؟

ابو مشعاب : لا لا ... أظن الشبكه عندهم ضعيفه ولا فيه إرسال

جحا : يمكن .. اتصل مره ثانيه

ابو مشعاب : دننن .. دننن .. دننن ( ابومشعاب يعاود الإتصال )

رولا : نعم وش تبي ؟

ابو مشعاب : أبـيكم وأنتم ما تبوني ...... أحبكم وأنتم ما تحبوني
أنا والله قصدي شريف يا رولا .. تكفين لا تقفلين السماعه
دعيني واسمعيني ولا تقاطعيني

رولا : نعم وش تبي تـقول ؟

ابو مشعاب : رولا والله من بعد ما شفتك ذاك اليوم وأنا حالي معـتـفـس صاير مثل المرقـوق باللبن ,
صرت ما عاد أميز بين البقاله والخباز , من يوم شفتك وأنا جالس أطالع أفلام هنديه
وأبكي على ما قال الشاعر الهندي فاجباي سندوخان :
( هـــــــوجـــــــامــــــا كــومــــيري .. زمــــانــــا خـــــــــــــراب هـــــــي )

رولا : أنت ما تستحي على وجهك تغازل بنات الناس ؟

ابو مشعاب : يابنت الحلال أنا ماني حق غزل .. حتى الأسواق ما عمري طبيتها إلا سوق الخضره

رولا : لا يا شيخ ؟!

ابو مشعاب : صدقيني انا من يوم ما شفتك وأنا ما نام الليل .. يمر الليل كله وأنا أون و أزن مثل
جرس السيكل , حتى الأكل ما عاد أذوقه بس أشرب ماء وأتثاوب كأني
فرس النـهـر =:D=
حتى الكلام ما عاد صرت أتكلم .. أهز راسي مثل السرلانكي , أهلي أحتاروا في حالتي
ما بقى مطوع ما ودوني له يقرا علي .. تصدقين كل مطاوعة الديره تفلوا في وجههي ,
واخوي جحا المسكين جالس عند راسي يبكي ويدهني ( يمرخني ) بزيت زيتون مقري فيه
لين أنصلخ جلدي .

رولا : الله .. الله .. كل هذا حب ( خلينا نضحك عليه هالخبل =;)= )

ابو مشعاب : إي والله أحبك حتى قلت فيك بعض من الأبيات :

أحبك يا ام البلوزه الخضرا ــــــــــ أحـبـك يا ام الكعـب العـــــالي
وأحبكم حب دغلوب لـ خبرا ـــــــــ وأحبكم حب تيس لأم الصخالي

رولا : بس .. بس .. بس.. يكفي خلاص

ابو مشعاب : تعرفين الحب أقشر والهوا صهيوني والحكمه تقول :

" الحب عَــقــَـر بعـير على خط الحــســـا "

رولا : طيب كلمني عن نفسك شوي

ابو مشعاب : أنا اسمي ابو مشعاب ويدلعوني " يابو مشعاب " , شاب خجول حتى يسموني الحياوي ,
شاعر هـجَّـاء وأجيد الغـزل الفاحـش وأتـكـسَّــب بالشعر , إنسان طيب لكني نـحـيـس ,
قلبي أبيض لكني حـسـود , رومانسي وأقدس الحياه الزوجيه .

رولا : وش الأشياء اللي تحبها ؟

ابو مشعاب : فيه أشياء واجد أحبها مثلاً أحب الصدق والوفاء وأحب المـطـبّـق المالح , وأحب القيلوله
بعد الغداء واحب قراءة روايات أجاثا كريستي مع حليب الخلفات

رولا : وش الأشياء اللي تكرهها ؟

ابو مشعاب : أكره النفاق والكذب .. أكره الزحمه والإشارات وأكره الليموزينات ورادار السرعه
وأكره الورد لأن ما منه فايده

رولا : وش هواياتك ؟

ابو مشعاب : القراءه و جمع الطوابع :d

رولا : طيب.. وش الهوايه اللي تمارسها في العطل والإجازات ؟

ابو مشعاب : ركوب الأمواج ( والله من الكذب )

رولا : وش الحلم اللي تتمنى تحقيقه ؟

ابو مشعاب : لا الحمد لله أنا أقـرأ المعـوذات قبل أنام .

رولا : أقصد عندك أمنيه تتمنى إنك تحققها ؟

ابو مشعاب : إي والله أتمنى أتزوجك .. وإن شاء الله أنا ناوي أخطبك من أبوك في أقرب وقت ,
فلقـد نفذ صبري وطال إنتظاري والليل ساري ....

رولا : :icon_redf خجلتني يابو مشعاب

ابو مشعاب : حبـيـتـيـني صح ؟ .. ترى أنا مثل السمبوسه الكل يحبني , بعدين شوفي بكره إذا تزوجتك
لا تجلسين تغارين علي .. أنا كل اسبوع تحبـني بنت وإلا بنتين .. أنا في الحاره يسموني
" فـايـروس الحــب "

رولا : أي فايروس الحب .. المفروض يسمونك فايروس الوادي المتصدع وإلا فايروس إنفلونزا الدجاج

ابو مشعاب : ههههههههه معليش مقبوله منك تمونين

رولا : يالله مع السلامه أنا أبغى أنام

ابو مشعاب : وين بدري .. تو الناس , وبعدين أنتي وش وراك بكره لا شغل ولا مشغله .. النهار كله
متـبـطحـه مثل البقـره ... اجلسي خلينا نتبادل أطراف الحديث ونناجي بعضنا البعض

رولا : :w: أنا بقـره يا قليل الذوق

ابو مشعاب : هاااه .. لا والله ما قصدي .. سامحيني زلة لسان

رولا : راح أمشيها لك المره هذي

ابو مشعاب : وش رايك تقابليني بكره في صيدلية " ما تـشـوف شـر " اللي جنب بيتكم ؟

رولا : والله إنك ما تنعـطى وجه يالله مع السلامه .. صررررقع ( رولا تغلق السماعه )

ابو مشعاب : ألو ألو ... يا زينها و يازين حتى صكتها للسماعه

جحا : هاه .. بشـِّـر إن شاء الله شبكتها ؟

ابو مشعاب : خلاص يا جحا .. انا بكره بقول للمهند والهيل يخطبون لي رولا من ابوها

جحا : يا ولد لا تستعجل ترى العجله ما منها خير

ابو مشعاب : ليه قالوا لك أسوق دباب , يالمهبول البنت حـبـتـني ولا عاد تقدر تصبر عني .. وصراحة ً
أنا أخاف تهرب من بيت أهـلهـا بـسـبـتي .

جحا : لا والله ياخوك لا تخليها تنحاش من أهلها .. توكل على الله و تزوجها


( ابو مشعاب يطوي فراشه ويتجه إلى سطح المنزل للنوم )


==============================



والتكمله بكره إن شاء الله لأني تعبت والله من الكتابه =:)=

[عبدالعزيز المانع]

هههههههههههههههههههههههههههههههههههههههههههههههههه ههههههههههههههههههههه

لي شهر ما ضحكت مثل الضحك اللي ضحكته الحين

الله يسعدك ويخلي الابتسامة على وجهك دووووووووووووووووووووووووووووم

هات بوسة اممممممممممممممممممممممممحح

بانتظار متى تكمل يا ارنست همنجواي

لك كل الود حبيبي خالد

عبدالعزيز

[ابو مشعاب]

هلا هلا عبد العزيز

ومنوره الصوره من غرفه 316 إلى عالم النت الواسع

مشكور على البوسه ولكن لا عاد تعودها مره ثانيه ترى ماني ناقص حساسيه وحكه ههههههههههه

وايامك أسعد ياحلو ,

صراحة ً أنا كنت ناوي أنزل صورتي في المنتدى ولكن قطعت رزقنا بصورتك

ولا عاد فيه مجال أنزلها بعدك

إبقى خلينا نشوفك

والشاه اللي جاتك إربطها لا تضيع تكفى لين أستلمها

سلام

[عبدالعزيز المانع]

ما عليك الحاجه رابطها حتى اسافر الى القريات
يعني
نم وانت مرتاح البال

عبدالعزيز

[ابو مشعاب]

عند الصباح الباكر يحضر جحا مثل العـفريت ومعه الفطور وابو مشعاب منجضع ( مستلقي )
بهاف السِّـنه لو رأيته لوليـّـت مِـنهُ هارباً ولـمُـلأت مِـنـه رُعــبا

وجبة الإفطار :

1- فول قلابه كل شئ ( كل شئ = بالزيت والكمون والطحينيه والسلطه الحاره ... إلخ )

2- عدس ساده ( ساده = بدون كل شئ =:D= )

3- مقـلـقـل ( مقـلـقـل = أكله يمنيه معقده = لحم + طماط )

4- 2 شراب سفن آب المنعش ( سفن آب = سبعـه فـوق )

5- تميس قندهاري حار بنكهة الخبز


جحا : ابو مشعاب .. ابو مشعاب .. قم ..قم افطر

ابو مشعاب : :eek: وش هو من هو .. بسم الله الرحمن .. وين المشعاب .. عطوني المشعاب

جحا : ماعليك .. ماعليك .. هذا انا جحا ومعي الفطور

ابو مشعاب : يا مرحبا والله بالفطور

جحا : سم .. سم يا متـكوك النسم

ابو مشعاب : وهو يـقـرمش التميس كـقـرمشـةِ البعير الأملح ِ للـ الرِّمثـةِ اليابسه و يدحرج اللقـمه تـلو
الأخرى .. والله يا جحا ما لي نفس في الأكل

جحا : ليه سلامات ؟

ابو مشعاب : ماني مرتاح لين أكمل نصف ديني وأتزوج رولا

جحا : ولا يهمك وانا أخوك اليوم نروح نخطبها لك

=================


( ابو مشعاب وجحا يتجهان إلى مجلس العربي الموحد )



ابو مشعاب : الســــــــــــــــلام

جحا : الســــــــــــــــلام

( المهند والهيل ) : وعليكم السلام ورحمة الله

ابو مشعاب : زوجوني .. زوجوني .. زوجوني

الهيل : أبـك أنت عـلامك .. أنت مصخن اليوم

ابو مشعاب : أبـيـها .. أبـيـها .. أبـيـها

المهند : إش بك ياولدي مين هدي اللي تبغيها ؟!

ابو مشعاب : زوجوني رولا بنت عابس

المهند : يا إبني الزواج ماهو بالساهل كده , إنت مفكره أكل معـصوب هوَّ

ابو مشعاب : زوجوني أنا أحبها وهي تحبني

الهيل : كيف عـرفت إنها تحبك ؟

ابو مشعاب : أنا ذاك اليوم سلمت عليها وقالت لي : هلا ابو مشعاب

المهند : يا واد إنت اتخبلت بعقلك .. أي واحد راح رد عليك كذا

ابو مشعاب : لا .. هي تقول لي : أنا بـحـبك وعـاوزه أتـقـوزك

الهيل : ليه الأخ محمود المليجي ههههههههههههه :ro:

ابو مشعاب : شوفوا إما تزوجوني وإلا والله أروح للبحرين

المهند : روح إتمشى وغير جو واتفرج على السينما

الهيل : :eek: أبـك أنت انهبلت يابو احمد .. تـبـى الورع يـفـسد مع الفاسدات ويمرج مع المارجات

المهند : طيب إيش العمل ؟

الهيل : خلاص يابو مشعاب .. نـبى نزوجك بنت الأقـشر عابس هذه ولو إني أبغضه

ابو مشعاب : الله يجزاك خير يابو فهد وبيض الله وجههك وهات راسك احبه


===========================


أبو مشعاب : حـــبــــك أســــرني .... نسَّـاني أغـلى خــلاني
آه يا الأسمر يازين .... يا منى الروح والعين ( ابو مشعاب يغني وهو يحك راسه )


نور السماء : السلام عليكم

ابو مشعاب ::eek: من نور السماء .. وعليكم السلام .. يا هلا ويا مسهلا ,
من طول الغيبات جاب العيد

نورالسماء : كيف حالك ياخوي ابو مشعاب

ابو مشعاب : أنتِ وشلونك وشلون عيالك وكيف حال زوجك" سالم ابو كحـله " وشلونه وشلون كحلته

نورالسماء : والله كلهم بخير ويسلمون عليك

ابو مشعاب : غـريبه ماهي بالعاده تزورينا ذا الحزه , شوفي ترى سلف ما عندي سلف

نورالسماء : الله يسامحك , أحد يستقبل اخته كذا , أنا جيت أسلم عليك لأني من زمان ما شفتك وأنت
الله يهديك ما تزورنا

ابو مشعاب : أنتِ تعرفين إني ما أحب ولا أواطن زجك سويلم ابو كحله حلايا جـرذي المطابخ

نورالسماء : ابو مشعاب ترى أزعل منك هذا ابو عيالي

ابو مشعاب : هو والله طيب بس إنه سلوقي ما يسوى قـرش

نورالسماء : أوهوه .. تراك زودتها يابو مشعاب .. اقول لك هذا زوجي

ابو مشعاب : والله إنه حـبـيـب لكنه جـحـش الله يهديه

نورالسماء : @$@ أنا ما أسمح لك تسب زوجي وابو عيالي

ابو مشعاب : ترى أزعجتينا بعيالك .. كلمه والثانيه عيالي عيالي .. فرحانه بالجراذيه عيالك , كأنهم
نصف درزن فناجيل .. سته كلهم مثل بعض ما تفرق بينهم إلا بمقـاس الفانيله , وإلا
أبوهم وجـه العـنز المـصـخـَّـنـه

نورالسماء : زوجي سالم ما شاء الله عليه ما يعيبه شي .. رجل أعمال كبير

ابو مشعاب : يابنت الحلال ريحينا .. زوجك فاتح له بقاله ما فيها إلا بيبسي وصابون تـايـد وكاتب
عليها سوبرماركت .. وتقولين لي رجل أعمال !!
الله يهديك رفضتي ولد عمي " بداح " وتزوجتي ذال المقـطــِّـن مدري وش عاجبك فيه..
بس أظن سر جاذبيته في كحلته

نورالسماء : اترك عنك السوالف الفاضيه .. انا سمعت إنك راح تتزوج , صحيح اللي سمعت ومن هي ؟

ابو مشعاب : نعم صحيح هذي بنت جيرانا , المسكينه تحبني ومتعلقه فيني وكانت راح تـنـتحر بسبتي ,
فقـلت يالله أكسب فيها أجر واتزوجها

نورالسماء : مبروك .. مبروك .. خلاص أنا راح أحجز لك أكبر صاله أفراح في البلد
قصر أفراح ( تـوكـلـنـا على الله )

ابو مشعاب : :eek: وين هذا غـالي منين نجيب إيجاره

نورالسماء : ولا يهمك يابو مشعاب علي أنا وراح أجيب الفنانه الكبيره الطقاقه " حـسـيـنـه عـنـبـر "
عشان تغني في عرسك

ابو مشعاب ::eek: حسينه عنبر ماغيرها .. هذي ما تحضر إلا مهرجانات جرش وقـرطاج .. كيف
جبتيها ؟

نورالسماء : كله يرخص لك يابو مشعاب

ابو مشعاب :إلا أنتِ منين لك الفـلوس هذي كلها .. أنا خابرك مفلسه تجينا من بيت زوجك كعـَّـابي ..
لا تكونين تـشتـغـليـن حراميه وانا مدري

نورالسماء : ما تعـقـب ياللي ما تستحي .. أنا حراميه ؟ @$@

ابو مشعاب : والله الأيام هذي ما عاد أظمن أحد .. وابليس خبيث والنفس أماره بالسوء .. بس لا تزعلين
مني أنا أمزح معك

نورالسماء : طيب متى العـرس ؟

ابو مشعاب : مثل هالعالم في الصيفيه .. تعرفين الناس في الزمن هذا صايره مثل الخنافس والعقارب
ما تـتـزاوج إلا في الصيف =:D=

نورالسماء : بالتوفيق إن شاء الله


=======================================


شاهد التكمله في الصفحه الأخرى

[ابو مشعاب]

=======================================


( ابو مشعاب , المهند , الهيل , عادل السويدي , جحا , أفكر فيك يتجهون بسيارة المهند إلى منزل عابس بن دابس لـ خطبة كريمته لأبو مشعاب )


مواصفات سيارة المهند :

النوع : كابريس بوقس ( Box ) يعني مصندقه كأنها غـواصه

الموديل : موديل 83 لكن مرهِّــم لها وجهية كابريس 85

اللون : لونين أبيض وفي النص خط بـيـج كأنه باب دولاب =:D=




إليكم كشخة وزي الأعضاء الكرام وهم متجهين لهذه المهمه :

1- المهند : لابس ثوب أصفر ليموني وغتره بيضا مقاس 48*48 شبرين في شبر كأنها
حجاب أندونوسيه :d

2- الهيل : لابس ثوبين فوق بعض و شماغ برتقالي شكله شاريه من محطة بنزين , ولابس بشت في
الأصل لونه أشقر ولكن قالب لونه أشهب من الغـبار لو تـنـفـضه في وجه بعير أنصرع :icon_mrgr

3- ابو مشعاب : لابس ثوب صوف كحلي في عز الصيف وشماغ أحمر اللي في طرفها دناديش كأنها
لمبات عـرس صناعه أردنيه , ولابس ساعتين ماركه (SIEKO ) وجزمه
عزكم الله لونها أبيض , وحاط في جيب الصدر صفة أربع أقلام حبر دلاله على
الثقافه , ولابس عـقـال كأنه جـنـط (كفر) كورولا متسلفه من عادل السويدي .

4- عادل السويدي : لابس ثوب الدفه ابو قـلاّب كأنه أذاني عـنز , ولابس طاقيه أم جنيه بدون
شماغ كأنه ورع مـعـيـِّـد :d

5- جحا : لابس بـدلة نادي النصر مـوسـم 1412هـ :ro:

6- أفكر فيك : لبس ثوب نوم مـخـطط كأنه قـلم رصاص .. لا وحافي بـعـد :icon_mrgr


( جماعة العربي الموحد ) : السلام عليكم

عابس بن دابس : وعليكم السلام , ارحبوا يا رجال .. يالله حيهم .. تفضلوا

الهيل : وش حالك يا عابس

عابس : طيبٍ طاب حالك , وش لونك يابو أحمد

المهند : الله يخليك الله يسلمك

عابس : ماجور يابو احمد

المهند : الله يخليك الله يسلمك

عابس : وش حال الذود

المهند : الله يخليك الله يسلمك

( وبعد ساعه من التحفي والمسالم )

المهند : والله ياعم عابس إحنا جايين نطلب يد بنتك رولا لإبننا ابو مشعاب

الهيل : وين قاعدين يابو احمد في بورسعيد .. العلم سلامتك يا عابس حنا جايينك خطاطيب لولدنا
ابو مشعاب ونسبكم يشرفنا وانتوا تبخصوننا ( تعرفوننا ) ونبخصكم وعفاك

عابس : والله يالربع يا جيتكم ذي إنها تسوى وتستوي , لكن البنت يتيمه ولا والله أقـد أغصبها , لكن
خلوني آخذ رايها

الهيل : حنا ما نبي شي ٍ إلا برضاها .. توكل على الله وانشدها

( عابس يـتـدربى إلى داخل البيت ليسأل رولا عن رأيها في زواجها من ابو مشعاب )

عابس : يارولا يابوك .. ابو مشعاب جاني يخطبك .. وش تقولين

رولا : أعـوذ بالله ابو مشعاب ما غيره .. والله ما آخذه لو مايبقى إلا هو

عابس : ليه ؟

رولا : وش ابي فيه .. من زين وجهه وإلا من كثر فلوسه حتى لسانه متبري منه , هذا الناقص بعد تبيني
أتزوج ابو مشعاب هو وثوبه الكحلي كأنه مريول مدرسه , وإلا الأقلام اللي حاطها في جيبه
صاير كأنه قرطاسيه .. لا لا انا لايمكن أتزوجه

عابس : يابو مشعاب البنت تقول ما تبيك

ابو مشعاب : لا يمكن , انا متأكد إنها تبيني , أكيد أنت اللي ضغطت عليها

رولا : ياخوي انا ما أبيك تفهم وإلا لا

ابو مشعاب : :eek: ليه شوف شماغي توني كاويها في المغسله , شوفي لابس ساعتين كلها والله
ضد المويه , ليه ترفضيني

عابس : انت تفهم وإلا ما تفهم , ماعندنا بنات للزواج

ابو مشعاب: ويـحـك يالَـك من مُـجرم وثعـلبٌ ماكر

عابس : أنا مجرم وثعلب ماكر يا الداشر يا شـرَّاب الدخان

ابو مشعاب : لا وأ ُمــيِّ بـعـد

عابس : أنا أمك ياللي ما تستحي

المهند : يا جماعه إستهدوا بالله

عابس : ما تسمع ويش يقول يابواحمد جايبه لي عشان يسبني في بيتي

ابو مشعاب : لا تطرد ابو احمد .. ابو احمد ما سوى لك شي =;)=

عابس : برا .. برا .. اطلع برا يالمهند انت واللي معك

ابو مشعاب : والله لأتزوج لي وحده مدرِّسه زواج مسيار أخليها تسدد فاتورة جوالي وتقصد لي سياره
تسواك وتسوى بنتك لعـنـة الله عـليك وعلى بنتك

عابس : :w: أقول لك اطلع برا من بيتي

ابو مشعاب : والله لأصدم بنتك بالسياره الصبح وهي رايحه للكليه

عابس : تخسي و تعـقب

ابو مشعاب : أنا أخسي ؟ يا قـطو المحارق .. إما نـتـفـت لحـيـتـك ماني ابو مشعاب

عابس : أكسر يدك لو تمدها

ابو مشعاب : والله ما وضعت هدومي إلا ولها وقاه ولا أقول إلا وأفعل وأنا ابو مشعاب .. والله لأقعد لك
عند باب المسجد وأتصيد لك .. والله لأخليك تصلي في بيتك مثل العجوز يالعجوز

عابس : :w: والله لأبلغ عليك الشرطه إما طلعتوا من بيتي


( اعضاء العربي يخرجون من بيت عابس ويستقلون سيارة المهند )

ابو مشعاب : ابو احمد شغ أغنية [ أبـحـرق كل رسالة حب ...... ولا أخـلي أثر بالقـلب ]

المهند : ما فيه إلا أغاني طارق عبدالحكيم و عبدالله محمد

ابو مشعاب : إهأ إهأ إهأ ... وا حـرَّ قلبي و يا لهف نفسي

عادل السويدي : دع ِ البُـكاء دع ِ البُـكاء يا أخـيَّ

جحا : كفكف دموعكَ ودع ِ البُـكاءَ فـلـقـد سإمتُ الأدمُــعا

ابو مشعاب : أنا اللي أستاهل .. أهنت نفسي وأرخصتها .. ومن أرخص نفسه ما أغـلوها الناس له

عادل السويدي : ما قلت لك إن ما فيه شي إسمه حب

ابو مشعاب : ياليتني سمعت كلامك

عادل السويدي : ماهو أنت اللي تقول :

من يخـفَّ العـقـل لا بد تشقـى رجيله بالتعـب
............................ ثم يـبـتـلّ شـرهـتـها على شاربه والعـارضين


ابو مشعاب : للأسف أنا اللي قلته , وبس تكفى خلاص يكفي لا تقـسى علي ترى ما عاد فيني جهد
واليوم نفسي غـدت كنها نفس طير مالها زاحمه

عادل السويدي : أول مره أشوفك فيها يابو مشعاب ضعيف !!

ابو مشعاب : كل إنسان فيه ضعـف لكن القـوي اللي يسره ,
وأنا اليوم أنكشف ضعـفي

أفكر فيك : ولا يهمك يابو مشعاب , بكره نزوجك اللي أحسن منها .. الحريم واجد

ابو مشعاب : لا .. خلاص أنا سمحت منهم .. أنا جيت سوقهم بأرباحي كلها وياليـتـني
أطـلـع براس مالي

جحا : يا رجال الحريم تارسين الديره

ابو مشعاب : يابوي ديره يعيش فيها عابس الجحش أنا ما عاد ابغاها , أنا لو أقعد في الديره هذي يمكن أرتكب جريمه فيه , أنا خلاص نويت أهاجر " كـــنـدا "

عادل السويدي : :eek: الله " كـــــنـــدا " هذي بـعــيد

ابو مشعاب : وانا قالوا لك بروح بـ تكسي , فيه باصات تطـلـع كل اسبوع لـ كندا

عادل السويدي : طيب أنت ما تعـرف تتكلم كندي

ابو مشعاب : يا غبي في كندا يتكلمون باللغه الـسـريانيه وعاد هناك في كندا البنات الحمر والشقر تارسين الشوارع الوحده منهم شعرها يضرب لـ فخذها , ومن ما تـقـول للبنت Hi على طول تتزوجها
اليوم الثاني مو مثل عندنا هنا الوحده طولها متر وربـع و شايفه نفسها .

جحا : طيب وشلون تعـيش هناك لحالك

ابو مشعاب : لا أنا لي صديق عزيزي من شيوخ كندا الأصليين وعنده مصنع ســمــســم وقال لي راح
يشغلني مدير عام المصنع

جحا : أجل مظبط وضعـك هناك , تـكـفى خذني معـك يابومشعاب ترى حتى أنا ذبحتـني القوايل والسموم

ابو مشعاب : ولا يهمك إن شاء الله أول ما أحصل على الجنسيه راح أجيبك عندي , بس أخاف أجيبك
لـ كندا تـقـوم تـشـرب نــبــيــذ

جحا : لا والله ما اذوقـه

ابو مشعاب : خلاص فيه واحد من أصدقائي الكنديين يملك سلسلة فنادق أسمها "Sleep Hotel "
راح أخليك تـمـسك إدارة واحد منها

أفكر فيك : وأنا يابو مشعاب

ابو مشعاب : وش تـبـي أنت و وجـههك

أفكر فيك : أبغـى أروح لـ كندا

ابو مشعاب : خلاص .. خلاص .. راح أدخلك مركز البحوث الكندي عشان تفكر هناك لين يـنـفـقـع
راسك ونفـتـك منك

عادل السويدي : وانا ياخوك لا تخليني .. تكفى اخذني معك

ابو مشعاب : ولا يهمك راح أخليك ترأس رابطة شعـراء المحاوره الكنديـين

عادل السويدي : طيب منين تجيب فلوس التذاكر والسفر ؟

ابو مشعاب : والله لأدبرها بأي طريقه , حتى لو أسرق إستـبـنة سيارة المهند هو وثوبه الأصفر اللي
كنه مصبوب زعـفران .















بس







خلاص










وش تبون بعـد .. نسافر لـ كندا ؟! (py)

[دواس]

والله انكم منسمين بقد

مصروفين مكلوفين ممكن اسكن معكم
عاطل تراء

[ابو مشعاب]

يا مرحبا ومسهلا

يا اخ دواس

ولا تخاف حنا هنا على حساب المهند

آكلين شاربين متبطحين يعني ضمان شامل

بس الضمان ما يشمل الدخان يعني الله يعينك تجيب معك كرز دخان

وإلا سجاير لف شاور صناعه عراقيه هههههههههه

تحياتي لك ويامرحبا

[JOORY]

مرحبا جميعا

بنات شباب
كيفكم
وين ايامكم

مدري ليه اشوف المنتدى
متغير كثير كثير
ماكنا كذا

وين ايام
ابو مشعاب
ام بكر
عادل
جحا مابي اقول عبد العزيز
شخموط
وووووووو

اتمنى الجميع بخير


(ليتنا مثل الاسامي ماتغيرنا السنين)

للجميع تحياتي
جــــوري

[ابو مشعاب]

عادل السويدي : يابو مشعاب .. يابو مشعاب , دبَّرنا ويش الحل .. كيف نجيب فلوس
السفر لـ كندا .. ياخي كلـِّـم المهند يمكن يسلفك .

ابو مشعاب : يابن الحلال هذا والله لو تـنـفـضه ما يطلع منه 5 ريال .

عبدالعزيز المانع : الحل عندي

عادل : وش هو ؟؟

عبدالعزيز المانع :إنطلع ألبوم

عادل : ما تستحي على وجهك يا قليل الحيا .. رجال بـ لحانا والواحد كبر الجدار وتبينا نطلع ..... ,

إقطع إقطع وإخس يالفاصخ .

عبدالعزيز المانع : ليه وش فيها ؟!

ابو مشعاب : والله إنك تيس مراهـق .. بعد تقول وش فيها يالفاسق يالماجن .. وش شايفنا حنا ..

إنكتم كتمك الله .

عبدالعزيز المانع : يا جماعه انتوا فهمتوني غلط .. انا أقصد نطلع ألبوم أغاني يعني نغني ونبيع

الاغاني في كاسيتات .

عادل : أشوى .. أنا رحت بعيد

ابو مشعاب : وانا رحت أبعد منك .

عادل : بس ياخوي حنا بدو وعيال عرب .. يعني عيب نغني .. كذا تقطع وجيهنا وتفشلنا عند جماعتنا

ابو مشعاب : ياخوي ما انت أول بدوي يغني , هذا خلف هذال غنى وحجاب بن نحيت وبعدها تابوا وعاد وجيههم فيهم ما انقطعت :icon_mrgr
وحنا بنغني وبعد ما نجمع فلوس السفره نحـج و نتوب .

عادل : تشوف كذا .. أجل شورك و هداية الله .

ابو مشعاب : أنا علي القصايد والغناء .

عبدالعزيز المانع : أنا علي الألحان وعزف العود .

عادل : أنا علي عزف الكمنجا ( الكمان ) .

أفكر فيك : وأنا علي الترويس ( الطبل ) .

عبدالعزيز المانع : خلاص يابو مشعاب عطني الكلمات عشان ألحنها اليوم بعد الغدا , ما راح تاخذ معي ربع ساعه والليله نسجل الأغنيه .


( وفي المساء )


عبدالعزيز المانع : هاه جاهزين للتسجيل ؟

( عادل , افكر فيك , ابو مشعاب ) : نعم جاهزين

عبدالعزيز : نبدأ ,

تسجيلات "مشعاب فــون " , أجمل الألحان مع "عبدالعزيزالمانع" وعلى الكمنجا "عادل السويدي" وظابط الإيقاع "افكر فيك" , كلمات وغناء عـنكـبـوت الخليج الفنان " ابو مشعاب "

عبدالعزيز : دددن .. دددن .. دددن .. ( يعزف العود والله من الإزعاج )

عادل : ني ني ني ني ني ني ( يعزف الكمان صوتها كأنه سيور ددسن مقطوعه )

افكر فيك : طمبـق .. طمبـق .. طمبـق ( يـطـبــّـل وفي فمه زقاره بعد :icon_mrgr )

ابو مشعاب ( يغني ) :

يقول ابو مشعاب وش ذا الفـرّه ....... ذِقـت الهوى معاك حلوه و مُـرّه
أتـبـع هـواكم وأقـتـفي الـجــِـرّه ....... يالله أنا طـالـبـك تـرحــم حــــالي


( عبدالعزيز , عادل , افكر فيك ) :

ودان دانه يالدانه دانه ...... يالله أنا طـالـبـك تـرحــم حــــالي ( يرددون ورى ابو مشعاب )


ابو مشعاب : عـاش كمنجا عادل السويدي

عادل : عاشت أيامك و الحاضريـن

ابو مشعاب :

خـلّ الكِـبـِر وإشفـق علي يازيني ....... أنتَ زيـت القـلب و البـنزيـني
ماجيت أبي منكم سلف أو ديـني ....... وش لون لو إن الحكي بـ ريالي

( عبدالعزيز , عادل , افكر فيك ) :

ودان دانه يالدانه دانه ...... وش لون لو إن الحكي بـ ريالي

ابو مشعاب : يا روحي يا عبدالعزيز المانع

عبدالعزيز : تسلم روحـك

ابو مشعاب :

أنا كما الفـنجــال وأنت الدلـّـه ...... أعـجبك هرجي يالغـضي أو خـلـّه
يابو مسامير الصدأ مِـنـحـلـّـه ...... يـفـداك عـمي يا حـلـو مع خــــالي


( عبدالعزيز , عادل , افكر فيك ) :

ودان دانه يالدانه دانه ...... يـفـداك عـمي يا حـلـو مع خــــالي

ابو مشعاب : عاش مـروِّس " افكر فيك "

افكر فيك : تسلم يا جــِـنــِّـي

ابو مشعاب :

ودان دانه يالدانه دانه ...... يالله أنا طـالـبـك تـرحــم حــــالي

........................................... ( بس خلاص أنتهت الأغنيه )................................................


ابو مشعاب : هاه يا عبدالعزيز هذي الأغنيه و سجلناها , علمني متى تنزلها في السوق ؟

عبدالعزيز : إن شاء الله بعرضها على أحد التسجيلات واشوف .

افكر فيك : طيب وش رايكم نصورها " فيديو كليب "

ابو مشعاب : الفيديو كليب يبي له كشخه بـ بدال وكرفتات و حركات وأنت حـدِّك وزار ويخب عليك :ro:

عادل : أنا رأيي نخليها مقدمة لـ مسلسل عـربي .

عبدالعزيز : أقول إنكتم بس .



================================================== ====


( وفي اليوم التالي يأتي عبد العزيز ومعه شخص ما )

عبدالعزيز : السلام عليكم

الشباب : وعليكم السلام

عبدالعزيز : يا شباب أعرفكم على الأخ " فؤاد نـَــغـَـم "

ابو مشعاب : هلا ابو لـغـَـم

فؤاد نغم : إسمي فؤاد نغم مو لغـم !!!!!!!!

ابو مشعاب : طيب لا تاكلنا .. يعني غلطانين في اسم النبي

عبدالعزيز : يا شباب هذا فؤاد نغم صاحب تسجيلات " إسطبل الفـن "

ابو مشعاب : هلا .. مسهلا ... يالله حي فؤاد ... تصدق يا أخ فؤاد إني من يوم شفتك مقبل علينا وانا

أحس مثل النوته الموسيقيه تمشي وعرفت إنك إنسان موسيقي فنان من كشـِّـتـك قصدي

كشختك .. ياخي حتى اسمك اسم موسيقي ( شوف النفاق ) .

فؤاد : تسلم و مشكور .. والحقيقه انا سمعت أغنيتكم واعجبتني و مستعد أسجل لكم أغنيه ثانيه

ابو مشعاب : متى إن شاء الله ؟

فؤاد : أي وقت يعجبكم , أنا حاضر و موجود و تشرفوني في أي وقت .

ابو مشعاب : ما تقصر يا أمير

فؤاد : يالله أنا أستأذن

ابو مشعاب : وين بدري .. خلينا نجيب لك عصير جـــح

فؤاد : مشكور .. مع السلامه

الشباب : يا هلا والله

عادل : هاه ابو مشعاب منين نجيب أغنيه جديده ؟

ابو مشعاب : والله أنا عندي قصيده أهداني إياها الشاعر الكبير " فهد الشمري " عشان أغنيها .

( عادل , عبدالعزيز , افكر فيك ) : :eek: الله فهد الشمري ما غيره ؟؟!!!

ابو مشعاب : إيه هو ماغيره حلف و طـلـَّـق علي إني أغنيها , وبعدين يتحمد ربه إن فنان مثلي يغني
قصيدته ... أصلاً ما غنى له إلا " محمد إبن زويِّـد " ومات بعدها على طول .

عادل : طيب يا عبدالعزيز نبيك تلحن القصيده تلحـيـن مُـستعـجل .

عبدالعزيز : غسيل وإلا كـوي ههههههههههههههه :ro:

خلاص اليوم ألحنها لكم .


================================================== ======


( تسجيل الأغنيه الثانيه )


فؤاد نغم : تسجيلات " إسطبل الفـن " تحييكم و تقدم لكم أعذب الأغاني مع الفنان " ابو مشعاب " ,

كلمات " فهد الشمري " وألحان " عبدالعزيز المانع " .

عبدالعزيز : دددن .. دددن .. دددن .. دددن ( هو نفس اللحن الأول و مسروق بعد :md: )

ابو مشعاب ( يغني ) :

يقـول الشمري ما ترحـمـونه ..... علام الصـدّ يا صافي الجبـيـنا
عـنا عين المعـنـَّا من عيونه ..... عـيـون اللي بـ حـبــه مبـتـلينا

الشباب :

ألا يا ليل دان .... يا اسمر لنا الله
ألا يا ليل دان .... يا اسمر لنا الله ( يرددون ورى ابو مشعاب )

ابو مشعاب :

ثــلاث أيــام أدقـدق تـيـلـفــونه ..... ولا أدري لـيـه يـتـكـبَّـر عـلــينا
حبيبي جعل تـنـفضك الصخونه ..... تعـوَّذ وإلعــــن إبليس اللعـيـنا

الشباب :

ألا يا ليل دان .... يا اسمر لنا الله
ألا يا ليل دان .... يا اسمر لنا الله

ابو مشعاب :

حـبـيـبـي لأبـتـسم بانـت سـنــونه ..... سـنونه طـايـحـه و باقي ثـنـينا
وإلى منـِّـه جلس سبعه يشيلونه ..... كما الناقه لها صوت الحـنـيـنا

الشباب :


ألا يا ليل دان .... يا اسمر لنا الله
ألا يا ليل دان .... يا اسمر لنا الله

ابو مشعاب :


ألا يا ليل دان .... يا اسمر لنا الله
ألا يا ليل دان .... يا اسمر لنا الله


.....................................( بس خلاص أنتهت الأغنيه )................................................. ......

فؤاد نغم : إن شاء الله انا راح اعرض الأغنيه في المحل وبعد اسبوع تعال لي يابو مشعاب وأعطيك من

من نسبة المبيعات .

ابو مشعاب : الله يطول عمرك و يخليك للطرب الأصيل

فؤاد : بس أبغى لك صوره عشان أحطها على الغلاف .

ابو مشعاب : أنا أقول بدون صوره أحسن .

فؤاد : ليه قالوا لك شريط محاوره هو ؟؟!! .... لازم صوره على الغلاف .

ابو مشعاب : طيب أصوِّر بالمشعاب وإلا بدون ؟

فؤاد : لا لا لا .. إلا المشعاب لا أشوفه

ابو مشعاب : طيب صوره ملونه وإلا ابيض واسود .

فؤاد : ياخوي أنت مقـدّم على رخصه وإلا تبغى تنزل شريط .. طبعاً لازم تكون صوره ملونه وتكشخ فيها

ابو مشعاب : أبشر .. بأحلق لحيتي عند الحلاق وأخليه يسوي لي غسيل وجه بالبخار وأصوِّر بعدها على طول

فؤاد : بس لازم تجيب لي الصوره بكره .. لا تنسى

ابو مشعاب : حاضر

فؤاد : مع السلامه


================================================== ========



( بعد اسبوع ابو مشعاب يحضِّر عند إسطبل الفن يبي يستلم الفلوس )


ابو مشعاب : السلام عليكم

فؤاد نغم : ولا عليكم سلام ولا هلا ولا مسهلا

ابو مشعاب : أفى .. وش صار ؟!!!!!

فؤاد نغم : حسبي الله عليك أبتلشت بشريطك وطاح بكبدي

ابو مشعاب : ليه ؟

فؤاد نغم : ما أحد راضي يشتريه .. ولا نسخه أنباعت , حتى صرت أعرضه هديه للزباين ولا أحد
راضي ياخذه بلاش .

ابو مشعاب : الغلط منك أنت , ليه ما سويت له إعلان في قناة الجزيره ؟

فؤاد نغم : تبـيني أسوي إعلان لمطرب فاشل مثلك .

ابو مشعاب : :eek: أنا فاشل .. ألا يا الثور المتهور , إحترم نفسك وعن الغلط ولاتكثر الكلام ,
ويالله قرقش مخباتك و عطني فلوسي .

فؤاد نغم : أقول لك أنا خسران وتبيني أعطيك فلوس ؟! ... إطلع برّا بس ولا عاد أشوفك داخل المحل
مره ثانيه

ابو مشعاب : أقول لك طـلـِّع الفلوس وإلا توطــِّــيـت في بطـنـك , ياجاهل و مسمي نفسك " فؤاد نغم " ,

المفروض يسمونك " فؤاد غـنـم " وإلا " فؤاد بقر " .. انت جرثومه من جراثيم الفن

( شوف وشلون قلب عليه ابو مشعاب )


فؤاد نغم : إطلع برَّا .. ما لك عندي ولا ريال واحد .

ابو مشعاب : أنا أعلمك يا وجه الحصني منهو ابو مشعاب ....

( ابو مشعاب يـسـتـلّ مشعابه من غِـمـدِه و يتجه إلى المحل )


فؤاد نغم : :eek: ابو مشعاب .. لا لا تتهور و تعوذ من إبليس


ابو مشعاب : لا.. أنا أأدبك .. صررررررررررررررررررررقع :10_1_117:

( ابو مشعاب فضخ راس فؤاد بالمشعاب وكسَّر المحل وقلبه فوق تحت و لاذ بالفرار )

================================================== ====

( ابو مشعاب يدخل بيت العربي الموحد وهو مرتبك )


نوال : وش فيك يابو مشعاب ؟؟!!!

ابو مشعاب : شوفي إذا أحد سأل عني قولي مسافر .. قولي راح لـ مكه عمره

نوال : وأنت من متى تعتمر ؟!

ابو مشعاب : خلاص قولي راح للعتبات المقدسه في النجف .. إرتحتي كذا

نوال : حشى .. ابو مشعاب اليوم ماهو صاحي

الشرطه : طق .. طق ..طق ( الشرطه تطرق باب بيت العربي الموحد )

نوال : :17_6_11: من اللي عند الباب ؟

يحيى ( عسكري بـ رتبة عريف ) : ابو مشعاب موجود ؟

نوال : إيه موجود من نقول له ؟

العريف يحيى : بالله عليكي خبِّريه إن الشرطه تبغاه .

نوال : :eek: وش هو الشرطه .. يا ويلي ويلاه .. وش مسوي ابو مشعاب

العريف يحيى : ما تخافي ياعزيزتي .. المسأله بسيطه .. بس ابو مشعاب خبط واحد بالمشعاب وألحين

هو في العنايه المركزه في المستشفى . ( يتميلح العسكري اللعين قدام نوال =;)= )


نوال : بعد في العنايه المركزه و تقول لي بسيطه .. يا ويلي ويلاه يا ويلي ويلاه .. الله يهديك يابو مشعاب
وش لك بالمشاكل .

العريف يحيى : يا حلوه لا تخافي .. انا مستعد أطلعه من القضيه بكل سهوله .. بس لا تبكي بالله عليكي
حرام الخدود الحلوه تتجرَّح بالدموع .

نوال : أقول اكل تبن وانكتم .. يعني بتسوي فيها واسطه أنت والشريطين اللي على كتفك كأنها شنبات
فار .. إنثبر برَّأ لين أدعي لك ابو مشعاب .

نوال : ابو مشعاب ابو مشعاب .. يا ويلنا ويلاه .. الشرطه برّا عند الباب تبيك

ابو مشعاب : :eek: الشرطه .. الشرطه ... قلتي لهم إني مسافر ؟

نوال : لا قلت لهم إنك موجود

ابو مشعاب : حسبي الله عليك .. وش اسوي فيك .. أعظ ّ خشمك وإلا أضربك BOX

نوال : وأنا وش درّاني إنك جايب جريه .

ابو مشعاب : تكفين يانوال خشـّـيني يمين وإلا يسار ترى والله إن صادوني إن يلعنون خيري .

نوال : طيب وش تبيني اسوي ؟!

ابو مشعاب : تدرين .. روحي أنتي بدالي راح يشوفونك بنت بيهدّونك على طول .

نوال : لا والله هذا الناقص .. ادخل سجون بعد

ابو مشعاب : تدرين روحي قولي لهم ابو مشعاب عنده كورس ( COURSE) في حفر الباطن .

نوال : ما تمشي عليهم .. الشرطه محاصره البيت و يقولون راح يضربون بالمليان .. ياولد لا تكون
إرهابي وأنا مدري , إذا أنت إرهابي علمني أسلمك وإحصل من وراك كم مليون .


ابو مشعاب : يابنت الحلال لا أحد يسمعك يصدق .. والله الظاهر إني بأسلم نفسي , بس تكفين يانوال
إذا جوا الشباب قولي لهم يلحقوني في الشرطه .. تكفون لا تخلـّوني .

نوال : ابشر


================================================== ======
( ابو مشعاب يسلم نفسه و تقتاده الشرطه إلى قسم المخفر )


العريف يحيى : السلام عليكم ياحضرة الظابط .. هذا ابو مشعاب جبناه معانا

الظابط : وعليكم السلام .. أنت إسمك ابو مشعاب ( الظابط يخاطب ابو مشعاب )

ابو مشعاب : لا إسمي ابو صبحي .. الله يهديك يا حضرة الظابط يعني واحد في شكلي وش بيكون اسمه
أكيد ابو مشعاب وإلا ابو محماس , يا حبكم يالظباط لـ مضيعة الوقت .

ابو مشعاب : آآآآآآآآخخخخخخخخ ( ابو مشعاب يجلس على الكرسي ) .. يا عريف يحيى .. يا يحيى ..
عطني شاهي نعناع سكر زياده بسرعه الله يرضى عليك .

الظابط : @$@ قـم قامت ضلوعك ياقليل الحيى .. انت جالس في مخفر وقدام ظابط مو في بيتكم .

ابو مشعاب : لا حول الله .. هذا فرحان بالنجمتين اللي على كتفه .. اللي يسمعه يقول ظابط في
الحرس الجمهوري =:D=

الظابط : وش تقول ؟

ابو مشعاب : يا حضرة الظابط أنا مظلوم .

الظابط : طيب ليه ضربت الرجال ؟

ابو مشعاب : القصه وما فيها إني أطلبه فلوس .. ورفض يعطيني حقي وقام يتلفظ علي بألفاظ بذيئه

الظابط : طيب على طول تقوم تفلع راسه

ابو مشعاب : يا حضرة الظابط .. انا تكلمت معه بأدب .. ولكن هو اللي سبني .. وانا رجال حار
مسكين مريض معي ورقه من الطبيب إني ما اتحمل الكلام الكثير

الظابط : بعدين وش صار ؟

ابو مشعاب : قلت له يا أخ فؤاد : حنا أخوان ولا يصير الكلام هذا , قام سبني , وانا رجال مسكين
مريض معي ورقه من الطبيب .

الظابط : و بعدين ؟

ابو مشعاب : كلمه مني و كلمه منه .. كلمه منه و كلمه مني , وانا رجال مسكين مريض معي ورقه
من الطبيب .

الظابط : @$@ خلاص مصدقينك

ابو مشعاب : إذا منت مصدقني أجيب لك الورقه أنا عندي نسخه لأن الأصل مع ابوي عشان ما تضيع

الظابط : والله مصدقك .. بس قل لي وش صار بعدها ؟

ابو مشعاب : قمت لطمته لطمه بسيطه .. بس هذا اللي صار يا حضرة الظابط

الظابط : لطمه بسيطه تدخله العنايه المركزه .. يا عريف يحيى خذ ابو مشعاب للحجز .

ابو مشعاب : ياحضرة الظابط أنا مظلوم .. صدقني أنامظلوم , وبعدين انا رجال مسكين مريض معي
ورقه من الطبيب .

العريف يحيى : أمشي يابو مشعاب قدامي للحجز وخلي الكذب عنك .

ابو مشعاب : يا عريف يحيى .. بـ أعطيك مرتب شهر و خلني أنحاش .

العريف يحيى : :w: أقـلـَّـك أحترم نفسك .. أنا إنسان نزيه

ابو مشعاب : طيب خلي النزاهه تسدد فواتيرك :ro:

العريف يحيى : خليك عاقل وإلا أهب لك ركبه على بطنك أخليك تفتر مثل المجنون .

ابو مشعاب : ليه وأنت عندك ركبه .. أنت كلـّـك بالبريهه و البسطار طولك متر هههههههههه :ro:

العريف يحيى : هيا أدخل السجن وانت ساكت .. تبغى مويه وإلا حاجه قبل أقفل الباب ؟

ابو مشعاب : إيه .. تعال حـك ظهري هههههههههههههه :ro:

العريف يحيى : انت مجنون رخصه واستماره

ابو مشعاب : تعال وين تروح تخليني لحالي هنا .

العريف يحيى : أيش تبغى ؟

ابو مشعاب : جيب معك ثنين من العسكر و خلنا نلعب ورقه

العريف يحيى : أخاف يشوفنا الظابط يعمل لنا دوشه .. خليها بعدين .


================================================== ======

( وفي اليوم الثاني يذهب الهيل للمخفر ليكفل ابو مشعاب )


الهيل : السلام عليكم يابو مشعاب

ابو مشعاب : هلا .. وعليكم السلام .. تكفى طلعني معك لا تخليني هنا ترى فطست من الحر

الهيل : تحمد ربك إن فؤاد تنازل , وطلعتك بكفاله .

ابو مشعاب : الله يجزاك خير يابو فهد

( الهيل وابو مشعاب يتجهان لبيت العربي الموحد )

(عادل , عبدالعزيز , افكر فيك , نوال ) : هلا الحمدلله على السلامه يابو مشعاب .

ابو مشعاب : الله يسلمكم .. الله يسلمكم .

المهند : إنت شرفت يا روح أمك .. شوف مره تانيه تسوي أي مشكله راح أطردك من البيت

ابو مشعاب : وش دعوى طاردني من جنات النعيم .. المفروض إنك تذبح لي خروف وإلا ثنين على
سلامتي .

المهند : على إيش أدبح لك الدبايح .. على خيبتك يابويا .. فشلتنا في الجيران و فضحتنا

عادل : كل هذي المشاكل يابو مشعاب من تحت مشورة " ظلال السكني " عبدالعزيز .

عبدالعزيز : أ\:eek: أنا .. وش سويت ؟!

ابو مشعاب : إيه كله منك أنت .. مو انت اللي شاير علينا ننزل شريط .. حسبي الله عليك يا عصاة إبليس

عبدالعزيز : هذا جزاي أبغى أساعدكم ؟

ابو مشعاب : الله لا يعيدك انت و مساعدتك , أصلا ً أنا من يوم شفت وجههك اللي كأنه وجه

" قـحـَـطــَـه " في مسلسل درب الزلق وأنا داري إن ما وراك رزق .

عادل : يعني خلاص يابو مشعاب ما عاد فيه سفر لـ كنــــــدا ؟

ابو مشعاب : أكيد فيه سفر .. انا مدبِّر الفلوس مدبِّرها لو أسرق البنك الأهلي

عادل : طيب متى نسرق البنك ؟

ابو مشعاب : أنت مهبول , البنك ما ينسرق إلا في الأفلام الأمريكيه حتى الأفلام الهنديه ما يسونها ,

لا أنا عندي مشروع جديد .. ارباحه 500%

عادل : وش هو ؟

ابو مشعاب : " الطب الشعبي "




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ


إلى اللقاء في الحلقه القادمه مع " ابو مشعاب والطب الشعبي " (py)

[! العذبه !]

حسبي الله على عدوك يا ابو مشعاب ..
موتني ضحك والله ..
المشكله اني مو لحالي اضحك براحتي ..
شكلي بيطق لي عرق بسببك ..
بس تجنن القصه والله ..
والظاهر الصيفيه بلا سفر تنشط قريحة التأليف والكتابه ..
يعطيك ألف عافيه .


العذبه .

[نـــــوال]

ههههههههههه
اجل نقول الحمد لله على السلامه ..,
بس لا تعيدها ما نبي سجون ..
ههههههه والله قريتها اكثر من مره وبكل مره اضحك أكثر ..,
الله يسعدك بو مشعاب ..,
وبدعي لكم دايم انكم تحصلون على اللي بيوديكم لـ كندا ..,
موفقين دايم هههههه بس مو مع فؤاد نغم ..,
يمكن مع الطب الشعبي ..,
بإنتظار الحلقه الجايه ولا تطول علينا ..,
يعطيك الف عافيه .., والف شكر ..,
دمت بسعاده ..,

[ابو مشعاب]

اهلين و سهلين

بعذبتنا ونور البيت بوجودك

الحمد لله انها اعجبتك وعلى ما قلتي ( والظاهر الصيفيه بلا سفر تنشط قريحة التأليف والكتابه .. )

والله انك صادقه , تعرفين وقع الشموس والقوايل تساعد على الإبداع ههههههههههههه

شاكر لك و تمنياتي لك بالصحه والسلامه

[ابو مشعاب]

هلا و غلا والله بنوال ويامرحبا وتو ما اسفر البيت

والله يستر من السجون , ولكن الظاهر من مشى في ساقة عادل وجحا

ما هو لاقي إلا المشاكل ههههههههههه

ولكن اتمنى إن الحظ يضرب معنا في الطب الشعبي

لك مني جزيل الشكر ويعطيك العافيه

ودمتي بخير

[عادل السويدي]

ل ووووووووووووو ل

تستاهل يا خالد ما جاك .. بالله عليك فيه أحد مسلم عاقل بالغ يسمع كلام "ظلال السكني"؟؟!
على العموم هذي عدّت على خير ولو إنها بصعوبة .. المرة الجاية اضبط طبوعك وترى الناس
لازم تآخذ وتعطي معاهم مو على طول ضرب الله يهديك بس ..
يا الله خل نسوي شوية ديكورات في الملحق حق البيت عشان يصلح دار للشعوذة .. بعدين ما شاء الله
عندنا كم واحد في الكاست ما يحتاج نشووهم مشوهين خلقة هههههه وعليك بـ أنثى السحاب تراها
تصلح كـ دعاية للمركز الطبي "مركز طبي :d "

على قولة المعلق المصري بقناة الجزيرة الرياضية
(الله عليك .. تسلم ايديك .. فرحتنا واللي يرحم والديك)
المقطع الأخير تلفيق من عندي :d
سلااااااااااام.

[ابو مشعاب]

هههههههههههههههههههههههههه

هلا هلا عادل وعاش من سمع حسك والله الله في الديكور ومرّن عضلاتك عشان تمسك لي المصاخين هههههههههه

ترى شغلتك مساعد دكتور , ولا توصي انثى السحاب اكيد بنسحبها في الموضوع

ولا تنسى بعض الناس اللي دخلوا برجيلهم وشرفوا ههههههههههههههههههه

وخلنا نسمع صوتك

سلام

[المطلوب]

هههههههه
الله يقطع شيطانك والله موتني من الضحك خاصة حق الدانة دانة
هذي اول مرة اشارك في هذا الموضوع ومني عارف السالفة
شوي اروح الصفحة الاولى علشان اعرف سالفتكم

سلاااااااااااام

[المطلوب]

على فكرة ممكن تخليني معاكم في الحلقة اللي تبغاه

[ابو مشعاب]

هلا بالاخ المطلوب

وشرفت البيت و نورتنا

ولا يهمك نحطّـك في احد الحلقات الجايه

تحيتي لك

[JOORY]

ابو مشعاب الله يعطيك العافيه
رهيبه رهيبه والله
خمس مرات قريتها
وكل مره يزيد الضحك

وخصوصا
انا رجال مسكين مريض معي
ورقه من الطبيب .
هههههههههههههه
ماتشوف شر يارب

انتظر الحلقه الثانيه
عيش بسلام

انا قبل شهر كتبت حلقه
انك مطير هندي وعامل مشكله
لكن لاسباب امنيه
مانشرتها
هههههههههههه


بيني وبينك
اكتشفت انك ولد عمي من بعيد>> مصره على من بعيد
هههههههههه


تحيتي
جوري

[المطلوب]

والله اخوي انت اكثر واحد ضحتني
ومشكووور على موافقتك لي على انضمامك
وفي انتظار الحلقة الجاية
تحياتي المطلوب
.
.
.

[عبدالعزيز المانع]

مراحب مطربنا القدير

ابو مشعاب المرطى

اصلا اللي يسمع حجرشة صوتك يغسل يده من الفن اللي بيطلع منك ..........

طريق الفن لم يكن كما توقعناه (( خم طع )) طلع عاوز شغل جامد ..

على العموم يارجة افندي
اتمنى ان نوفق بالطب الشعبي
ومن ناحية الخش فهي تساعد لهذه الامور

لك كل تحية

عزوز

[ابو مشعاب]

اهلين و مرحبتين بـ جووري

والله يعافيك وانتي ما يحتاج من مؤسسين الموضوع

وبالنسبه للحلقه اللي كتبتيها ترى ماني فاكك لين تنشرينها

ولا عليك من اوضاع أمنيه وإلا حربيه , المشعاب كفيل بحفظ الأمن

تسلمين يالغاليه

[ابو مشعاب]

اضحك الله سنك يا المطلوب دوم

والله يعينك علينا في الحلقات الجايه

ويا مرحبا

[ابو مشعاب]

أهليييييين بمطوّل الغيبه

حي الله عبد العزيز كريوكه ههههههههههههه

وبعدين وش فيه صوتي وحشرجته ( مو حجرشة ) ما هو عاجبك ؟

أحسن من صوتك صوت الذبـّـابـنه الحزينه ههههههههههههه

بس ولا يهمك أنا متأكد إن الطب الشعبي بينجح معنا

يالله نشوفك على خير

[HORSE]

ابو مشعااااااااااااااااااااااااااااااااب
أضحك الله سنك!!!!
اما من جد شكلك شكل مخافر ومشكلجي
اما عادل طبال فهذي قويه والا لا يبو ضافي
وفعلا ماهي غريبه من عزوز هالمشاكل
وأخيرا دمتم بخير

[ابو مشعاب]

هلا ابو نواف

لا اصبر شوي ويوصلك الدور ...

وش رايك اجيب سالفتك يوم حنا نسبح في البحر أمس هههههههههههههههه

يامرحبا والله يابو نواف وان شاء الله اجيكم الاسبوع الجاي

[عادل السويدي]

هلا وغلا أبونواف
زارتنا البركة..
بعدين لو سمحت لا تغلط عليّ .. من قال لك إني طبال
احترم نفسك.. محسوبك على الكامنجا :d
<< تفرق كثير عنده

أبومشعاب.. استلمه، جاك اللي بيمسك (المصاخين) :d
وبرضه.. دمتم جميعاً بالخير.

[عبدالعزيز المانع]

ههههههههههههههههههههههه

من قريت اسم هورس ذبحني الضحك مع العلم اني ما ادري منو الشخص هذا مع احترامي له

لكن بعد ما قرات لاحظت انه طيح الميانه وصار يدلعني باسم عزوز

يعني الرجال بيعرفني ..ز اكملت القراءة ولاحظت ان ابو مشعاب يناديه بابو نواف

وانا لا اذكر الا صديق لنا عنده بنت اسمها نوف وانا خاطبها من يوم ولادتها

ما ادري قلبي يقول لي ان ابو نواف هو ابو نوف خوينا

على العموم هذي قبلة من القلب اتمنى ان تصل الى نوف امممممممممممممححححححح

[ابو مشعاب]

عادل : يعني خلاص يابو مشعاب ما عاد فيه سفر لـ كنــــــدا ؟

ابو مشعاب : أكيد فيه سفر .. انا مدبِّر الفلوس مدبِّرها لو أسرق البنك الأهلي

عادل : طيب متى نسرق البنك ؟

ابو مشعاب : أنت مهبول , البنك ما ينسرق إلا في الأفلام الأمريكيه حتى الأفلام الهنديه ما يسونها ,

لا أنا عندي مشروع جديد .. ارباحه 500%

عادل : وش هو ؟

ابو مشعاب : " الطب الشعبي "

عادل : طب شعبي ؟

ابو مشعاب : نعم طب شعبي

عادل : كيف ؟

ابو مشعاب : أنت تدري إن نصف الديره نسوان و خبلان .. والواحد منهم لو يعطس أو يكح قال أنا

صايبني عين , خلنا نعالجهم و نستفيد كم قرش من وراهم .

عادل : طيب أنت تعرف تعالج ؟

ابو مشعاب : وأنت مصدق إن عندي علاج .. كل الدعوى كذب في كذب , راح أصرف لهم حلتيت

و خروع و من خرابيط العطارين مع ماء زمزم و نقول لهم هذا علاج .. و نلهف فلوسهم .

عادل : بس يابو مشعاب هذا ما يعتبر نصب و إحتيال ؟

ابو مشعاب : لا لا لا .. اسمح لي يا أخ عادل هذا ما يعتبر نصب و إحتيال ... هذا يسمونه في علم

الإجتماع محاولة مساعدة الآخرين ولا يكلف الله نفساً إلا وسعها .

عادل : صحيح صحيح لا يكلف الله نفساً إلا وسعها .. طيب متى نبدأ ؟

ابو مشعاب : خلاص بكره إجمع لي أعضاء العربي الموحد عشان أفاتحهم في الموضوع , وانتبه لا
يدري المهند يحوسنا ويخرب شغلنا كله .. ترى ما حنا ناقصينه يجلس يزنّ عند اذانينا مثل الدبّـور .

عادل : أبشر ولا يهمك .



[ يـــــــــوم الإجــتــمــــاع ]


الهيل : غريبه .. وش عند ابو مشعاب جامعنا اليوم ؟

العذبه : والله مدري عنه

نوال : ياخوي خلصونا تراني مواصله لي ثلاث أيام

أنثى السحاب : هـوَّ فيه إيه ؟

المطلوب : أحد صوَّت لي ؟

عادل : يا اخوان يا اخوان .. هدوء هدوء .. اصمتوا وانصتوا وانكتموا واسكتوا .. رجاءً اجلسوا
ولا يتكلم أحد حتى يُـؤذن له ..

الهيل : ليه تلاميذ شايفنا عندك ... عندك كلام قول وخلصنا

عادل : إخواني الأعزاء اسعد الله أوقاتكم بكل خير و نشكركم على تلبية الدعوه لهذا الإجتماع ,

ونفتتح الجلسه بتلاوة أياتٍ من القرآن الكريم يتلوها على مسامعكم الشيخ " جحا "

جحا : يقرأ سورة الفاتحه في عُـجاله

عادل : أعضاء الجلسه الكرام .. أما الآن ننقـل الكلمه للأستاذ ابو مشعاب فليتفضل

ابو مشعاب : إحن أحممم حنننننننننن [ ابو مشعاب يـنـعِّــم صوته :icon_mrgr ]

أعزائي إخواني أخواتي .... أخواتي إخواني أعزائي


عادل : ,ok: هييييييييييييييييييييييييه ... صفـقوا صفـقـوا منك له

الأعضاء : صرقع .. صرقع .. صرقع [ يصفـقـون الخبلان ] :ro:

ابو مشعاب : أيها الجمع الكريم .. لقد جمعتكم في هذا اليوم المبارك مو حباً فيكم ولا عشان

سواد عيونكم , ولكن لأمر ٍ جـلـل .

الهيل : وش فيه ؟

العذبه : وش صار علمنا

نوال : ياخوي خلصونا ..

المطلوب : عندكم ببسي ؟

عادل : يا اخوان .. إلزموا الصمت .. صهٍ صهٍ

ابو مشعاب : لقد علمتم أنني رجلٌ أسعى دوماً لعمل الخير ومساعدة الآخرين [ إيه زين كثـّر منها ]

عادل : نعم صحيح .. كفو يابو مشعاب

ابو مشعاب : وأنتم تعلمون أن الكثير من إخوانكم المرضى يعانون في حياتهم , فمن الواجب علينا

مساعدتهم والوقوف بجانبهم و هذا واجب كل مسلم

عادل : الله يخليك للأمه الإسلاميه يابو مشعاب

ابو مشعاب : عاشت أيامك والحاضريـن

جحا : يا هل ويا كيف شلون نقدر نساعدهم ؟

ابو مشعاب : حقيقة ً بعد التدقيق و التمحيص و التـقـحيص و التفحيص , وبعد إجتماع مطوّل دام

لساعات متأخره من الليل بيني و بين أخي عادل السويدي .. وبعد المناقشه و المناوشه و قليلاً من

المهاوشه قررنا فتح عيادة للطب الشعبي في بيت العربي الموحد .


الهيل : وش الكلام الفاضي اللي تقوله ؟

نوال : والله إنك متفرِّغ

العذبه : وش مضيعة الوقت هذي ؟

أنثى السحاب : تـبّـا ً لك ألِــهــذا دعـوتـنـا ...

المطلوب : أحد صوَّت لي ؟

عادل : يا اخوان لا تتعجلوا وأعطوا الدكتور ابو مشعاب فرصه لكي يشرح لكم ما إلتبس عليكم ولن
يضركم سماعه شيئا إتـِّـباعاً للمثل القائل " لا تشتري الحبحب إلا على السكين "

ابو مشعاب : إخواني أخواتي أبنائي بناتي .. دعوني واسمعوني ولا تـقاطعوني , هذي خدمه إنسانيه
لن ينساها المجتمع لكم فلا تحرمونا الأجر ... يا اخوان إتـَّـبعـوني أهدكم سـبـيـل الرشاد .

الهيل : هذا كلام مو منطقي

ابو مشعاب : يابو فهد الله يهديك لا تصير عنيد ... وترى حنا ما حنا مقصرين معك , راح نعطيك نسبه

من الدخـل و فوقـها سياره هايلكس مكـيّـفه و معها سديريه حق البرد :d

الهيل : طيب وش راح تكون شغـلتي ؟

ابو مشعاب : شغلتك بسيطه , كل المطلوب منك إنك تربي لحيـتـك وإذا مر عليك مريض
تـتـفـل عليه كم تـفـله وحي على الفلاح .. ونسميك الشيخ ابو فهد

الهيل : ما دام إن المسأله مسألة خدمه إنسانيه فأنا حاضر و ممنون .

نوال : أنا ضد الموضوع من أصله

ابو مشعاب : أقول وش رايك بـ دوره بالسياره كل عـصريَّــة جمعـه ؟

نوال : أجل توكلوا على الله و موفقين خير .. والله وش أحسن من عمل الخير في الدنيا هذي

العذبه : :w: أنا أعترض و بـشـــدَّه

ابو مشعاب : وش هو ؟

العذبه : أعترض و بـشـــدَّه

ابو مشعاب : طيب إعـترضي .. لكن بـشـــدَّه ليه ؟

العذبه : مدري هم يقولون كذا ...

ابو مشعاب : شوفي .. الله خيرك بين ثنتين إما 500 ريال وإلا مشعاب وزنه 2 كيلوجرام يخـبـط راسك
على إثرها تـتـطاير البـكلات اللي في شعـرك .

العذبه : سـيـروا و نحن من خـلفكم والمولى يرعاكم ..

ابو مشعاب : حـيِّـوا العذبه على رجاحة عـقـلها

الأعضاء : صرقع .. صرقع .. صرقع [ يصفـقـون ] :icon_mrgr

العذبه : طيب وش وظيفتي أنا ؟

ابو مشعاب : أنتي مساعدة طبيب .. يعني تمسكين المريض لا يلافط ولا يهابد هذا بالنسبه للنساء
أما الرجال فهذي على عادل .

المطلوب : وأنا وش شغـلـتي ؟

ابو مشعاب : أنت تـمـرجي .. توزِّع أرقام على المرضى

جحا : وأنا يابو مشعاب ؟

ابو مشعاب : أنت صيدلي

أنثى السحاب : وأنا رحت فـيـن ؟ .. وإلا حـخـرج من المولد بلا حـمص

ابو مشعاب : أوهووووه .. هذي منين طـلـعـت لنا عجوز قـريح

أنثى السحاب : أنا عاوزه نـصيـبي وإلا أقول للمهند

ابو مشعاب : خلاص خلاص .. راح أشتري لك فـيـديـو و ثـلاجـه

أنثى السحاب : أيــوه خـلـيـنا كـــدا حبايب

المطلوب : أخوي ابو مشعاب .. عندي سؤال بسيط ؟

ابو مشعاب : أول شئ عـدِّل جلستك أنت والعـقال اللي لابسه صاير محمد عبده عام 73

المطلوب : حاضر .. أخوي ابو مشعاب أنتوا الآن وظفتوني ولازم أستـفـسر عن طبيعة عملي

ابو مشعاب : وش دعـوى حـنـَّـا موظفينك قـنـصل ؟ , كل شغلتك تمرجي ما يبي لها استفسار

المطلوب : يعـني أنا شغـلتي أصرف علاج للمرضى ؟

ابو مشعاب : لا أحسن تعال اشتغل طبيب مكاني .. تعال , ألا يا الهـيـس الأربـد .. أنت من أولها تبي
ترفع ظغـطي , والله لو ما تعـقـل لأربـطـك بعـقـالك اللي لابسه
أنت شغـلـتك تـصفّ المرضى و تـنـظـمهم بالدور بس

المطلوب : والله شغـله ماهي بسيطه ..


[ إفتتاح العـيادة ]

المطلوب : مريض رقم 1 :27_1_2:

يابو مشعاب هذي وحده حرمه جايبه ولدها معها مريض

ابو مشعاب : دعـها تـتـفـضل

ام المريض : السلام عليكم يا شيخ ابو مشعاب

ابو مشعاب : وعليكم السلام يا أختي .. استريحي تفضلي بالجلوس

ام المريض : انا ام جابر وهذا ولدي جابر له ثلاث سنين مريض صايبته عين

ابو مشعاب : :icon_eek: هذا ولدك ؟ , سبحان اللي خلق و فرق ما يشبهك .. أنتي ما شاء الله
عليك حلوه و مزيونه وعيونك تسدح البعير الهايج و جسمك أحلى و أحلى .. و ولدك هذا كأنه كلب أجرب

ام جابر : :w: وش تقول ؟

ابو مشعاب : هاااه .. لا قصدي ولدك جابر الله يخليه لك وش فيه .. وش ينـِّس ؟

ام جابر : والله يا شيخ له ثلاث سنين مبهذلنا ما ينام في الليل .. صاير طائر البوم , وشغلته في
الليل يطـرِّد القـطاوه في الشوارع

جابر الخبل : هيه أنت .. أدولـِّـت [ أقولك ] عـنـدت [ عـنـدك ] حـمسه ريال ؟

ابو مشعاب : لاحول الله .. هذا من أولها يبي فلوس

ام جابر : عيب يا جابر , اقـعـد عاقل .. و فـك غـتـرة عـمّـك ابو مشعاب

ابو مشعاب : يا عادل إسدح المريض بـ رفـق عشان أكشف عليه

عادل : أبشر .. [ عادل ما صدق خبر و سدح ام جابر على طول ]:d

ام جابر : ياويلي ويلاه .. ياويلي ويلاه .. فكوني فكوني

ابو مشعاب : :eek: لا لا لا , ماهيب ذي المريضه .. ولدها ولدها .. فكها يا مهبول حسبي الله
عليك فضحتـنا

عادل : يابو مشعاب خـلـنا نـكويها .. أنا أشوف إنها تحتاج كـوي ..

ابو مشعاب : تـظـن ياولد إنها تحـتاج كـوي ؟

عادل : والله أنا هذا رأيي

ابو مشعاب : لا لا فكها لا تفضحنا في الناس .. ولدها جـويـبر الخبل هو المريض مو هي

عادل : أبشر أبشر .. [ عادل يسدح جابر المسكين و بغى يكسر ضلوعه ] =:D=

ام جابر : شوي شوي على ولدي

ابو مشعاب : يابنت الحلال خليه يشوف شغـله .. يا عادل إفتح فم المريض خلني اكشف عليه

عادل : هااااه .. هذا أنا فتحت فمه

ابو مشعاب : سكـِّر فمه سكره .. الله يقـطعه هذا فرن خباز مو فم .. لاحول الله حالته خطيره

ام جابر : هاه يا شيخ ابو مشعاب وش في ولدي ؟

ابو مشعاب : والله يا ام جابر ولدك فيه أربع عـفاريت زرق

ام جابر : :icon_cry: ياويلي على ولدي ويلاه

ابو مشعاب : المشكله إنها عـفاريت زرق .. يعـني لو حـمـر كان بسيطه

ام جابر : يعني حالته ميئوس منها ؟

ابو مشعاب : لا تخافين ابو مشعاب لديه الحل .. حسب ما قرأت في كتاب " الأعـراض و الأمراض "
لـ مصباح الديـن السجـسـتاني , يقول ...

ام جابر : وش يقول السجـسـتاني ؟

ابو مشعاب : يقول مصباح الديـن الله يغـمِّـد روحه الجنه في الباب الرابع .. الجزء الخامس عـشر ..
صفـحه 1005 .. السطر الثالث , يقول إن علاج ولدك هو " زعـفـران الجـبـل "

ام جابر : وش هو ؟

ابو مشعاب : هذا زعـفـران الجـبـل دهان تدهنين به ولدك جـويـبـر الخبل خمس مرات في اليوم
بين الأذان و الإقامه بالإضافه إلى مـوية الشيخ ابو فهد

ام جابر : الله يجزاك خير ياشيخ ابو مشعاب ويوفقك .. كم حسابك لازم نعطيك حقك و زياده

ابو مشعاب : أفااااا والله عليك .. أنا آخذ فلوس على فعل الخير ؟! .. هذا كله لوجه الله , أنا ما آخذ إلا حق العلاج فقط , يالله شيلي ولدك و مرِّي على الشيخ ابو فهد و خليه يتفل عليه ست تفلات ونص وبعدها
روحي للصيدليه عشان صرف الدواء .

ام جابر : يعني لازم يقرا الشيخ ابو فهد على ولدي ؟

ابو مشعاب : طبعاً لازم .. هذا الشيخ ابو فهد كله بركه , تصدقين بالله إنهم حللوا ريـقـه في مختبرات
في ألمانيا وأكتشفوا إن مفعوله أقوى من الإنسولين .

ام جابر : ما شاء الله .. ابشر ألحين أمر عليه

الهيل : أهلين يا أختي .. تفضلي

ام جابر : ياشيخ ابو فهد .. ابو مشعاب قال لي إنك لازم تقرا على ولدي

الهيل : بسم الله .. تـف تـف تـف تـف تـف تـف تـي ( 6.5 ) , معافى إن شاء الله

جابر الخبل : هيه انت .. عـنـدت ( عندك ) حمسه ريال ؟

الهيل : لا ما عندي .. يالله يالله قم قم الحـق أمك

جابر الخبل : أدولـِّـت ( أقولك ) طـلـِّـع حمسه ريال وإلا عـضـِّـيتك

الهيل : ياولد فـك لحيتي نـتـفـتها حسبي الله عليك .. يا مــره شيلي ولدك عني لا بارك الله فيك ولا في ولدك

ام جابر : يالله ياجابر مشينا مشينا ...

الهيل : حسبي الله عليك يابو مشعاب بلشـتـني بالخبلان

( ام جابر تتجه للصيدليه و ولدها وراها مثل الصخل )

ام جابر : السلام عليكم

جحا : وعليكم السلام

ام جابر : ياخوي لو سمحت إصرف لي العلاج هذا كاتبه لي الشيخ ابو مشعاب

جحا : حاضر .. هذا يا أختي موية الشيخ ابو فهد لازم يشربها ولدك كل نصف ساعه ليـن ينتفخ بطنه
وإذا خلصت تعالي نصرف لك غيرها وقيمة القاروره الوحده 20 ريال , بالإضافه إلى دهان
" زعـفـران الجـبـل " وهذا قيمته 1500 ريال .

ام جابر : الله .. 1500 ريال مره وحده , ليه ؟!!

جحا : إيه هذي قـيمته .. هذا زعـفران الجبل نجيبه من كمبوديا .. تصدقين بالله إني جلست ثلاث شهور
في غابات كمبوديا أبحث عن زعفران الجبل .. حتى يوم من الايام عـضّـني نمر في الغابه بـسـبـِّـتـه .

ام جابر : طيب كيف طريقة استخدامه ؟

جحا : زعفران الجبل هو عباره عن دهان مروخ .. تدهنين به ولدك خمس مرات في اليوم بين
الأذان و الإقامه .. وإذا أنتي بعد تبغـين تدهنين به تراه زين .. سبحان الله يمكن تحسين بشئ وإلا شئ..
خلي ابو العـيال يدهنك في الليل تراه زين .

ام جابر : الله يجزاك خير و مشكور .


=============================



التكمله في الصفحه الأخرى

[ابو مشعاب]

ابو مشعاب : يا مطلوب أفندي .. ادخل المريض اللي بعده

المطلوب : مريض رقم :27_1_7: يالله جاء دورك

ابو مشعاب : ول عليك طمرت من رقم 1 الى 6 على طول .. وين رقم 2

المطلوب : يابو مشعاب رقم 6 هذا " عايض إبن بخـيـت " رفيق ٍ لي و عزيز علي , جدته مريضه وتعرف ما أقدر أردّه

ابو مشعاب : يخرب بيتك من ألحين أشتغـلت لي فيها وسايط ؟

المطلوب : وش أسوي مثلك عارف الإحراجات اللي تصير من المعارف بالذات إذا صار الواحد مثلي
يشغـل منصب , وهذا رجال جاي من بعيد

ابو مشعاب : طيب طيب خله يدخل ... حتى المرض صار فيه واسطه

عايض : السلام عليكم يا شيخ

ابو مشعاب : وعليكم السلام .. خير ان شاء الله يا عايض ؟

عايض : والله يا شيخ هذي جدتي المسكينه حرمه كبيره في السن وكل ما فيها يوجعها وأبغاك تعالجها

ابو مشعاب : :eek: الله .. جدتك هذي معـمّـره .. هذي شكلها خالة هـتـلـر ههههههههههه :ro:
كم عمر جدتك ؟

عايض : والله مدري .. لكن أنا من يوم كنت صغير وهي عجوز وهذا شكلها ما تغير

ابو مشعاب : جدتك هذي مثل سيارات " لانـد روفــر " ما ينعـرف موديلها ههههههههههه :ro:

عايض : تكفى يا شيخ ابو مشعاب .. شوف لها علاج تراها ما تخلينا ننام .. كل ليل تونّ عند روسنا ,
وأنا والله جايك من بعيد وضارب مشوار أكثر من ألف كيلو ...

ابو مشعاب : ألف كيلو بسيط .. أنا أمس جايني مريض من إسلام أباد .. الناس يجون لي من كل مكان ,
زين قول لي وش إسم جدتك ؟

عايض : إسمها " أم سـعـــيـِّـــد "

ابو مشعاب : سـعــيـِّــد هذا أبوك ؟

عايض : لا .. هذا عـمي الكبير , مات الله يرحمه في الحرب العالميه الأولى .. كان مع الجيش العـثماني

ابو مشعاب : الله يرحمه إن شاء الله إنه شهيد .. عـسى أبوك بعد مثل عـمك مات شهيد ؟

عايض : أبوي رفـسـه حمار و مات الله يرحمه

ابو مشعاب : لا يـخـسـي مـو شهيد , المهم قول لي جدتك تسمعني لو أكلمها وإلا صمخا ما تسمع شئ ؟

عايض : والله يابو مشعاب هي على خبري ما ترسل ولا تسـتـقـبل ولكن حاول معها يمكن تـسـمعـك

ابو مشعاب : بأعـلى صوته , يا ام سـعــيـِّــد .. يا ام سـعــيـِّــد .. وش فيك .. وش تـونـسـيـن ؟

أم سـعــيـِّـد : العـنز ماتت .. العـنز ماتت .. يا ويلي على عـنزي ويلاه

ابو مشعاب : يا ام سـعــيـِّـد .. وش تشتكين منه ؟

أم سـعــيـِّـد : أمسوا ما عـشـّـوني .. أمسوا ما عـشـّـوني .. وين العـشى .. ابغـى العـشى ..
ردّوا البَّـهـم .. البـَّـهـم لا يضيع ....

ابو مشعاب : لاحول الله .. هذي قاضيه منتهيه , يا العذبه يا العذبه

العذبه : سـم يابو مشعاب ؟

ابو مشعاب : إمسكي أم سـعـيـِّـد عشان أكشف عليها

العذبه : يابو مشعاب أخاف أمسكها يطيح أحـد أصابعها وإلا تـنـخـلـع يـدها .. تعـرف هذي موديل قـديم
ما لها قـطع غـيار

ابو مشعاب : طيب وش الحل ؟

العذبه : أنا أقول عـطها ماء زمزم وخلها تروح قبل تموت علينا و نبلش فيها

عايض : هااه يابو مشعاب وش علاجها ؟؟

ابو مشعاب : والله يا عايض أنا قرأت في كتاب ( النـبـع الصافي للطب الشافي ) لـ عالم زمانه و مركِّز
كرعـانه العالم " بدر الزمان القـيـرواني " .. يقول فيه إن علاج جدتك هو " الـلـــزعـــوت الحـــار "

عايض : وش هو ؟

ابو مشعاب : نعم الـلــزعـوت الحـار لأن الـلــزعـوت البارد ما يجـيـب معها نتيجه

عايض : مـنـيـن نجيب لها العلاج ذا ؟

ابو مشعاب : لا تخاف موجود ما عليك إلا الدفـع .. هذا الـلـزعـوت الحـار الله يسلمك مـيزته إنه حـار
على الجراثيم و الميكروبات , يعـني يذبح الجراثيم اللي في كـبـد جدتك وإلا يحـرق كـبـدها و تـمـوت إن شاء الله و تـفـتـكون منها

عايض : أنت متأكد من العلاج هذا إنه يـفـيدها ؟ .. يعـني مآخذه من كتاب موثوق فيه ؟

ابو مشعاب : لا مآخـذه من محل ابو ريالين! .. أحسن قول عـني نصاب! ..قـول , يابوي حـنـّـا وارثـيـن الطب أباً عن جــد .. أنا جدي رقم 14 " زهـيـر " الله يرحمه كان طبـيـب هـارون الرشـيـد

عايض : و نعـم والله بك و بـ جدك .. ما شاء الله عائلة طب , طيب منين أصرف العلاج ؟

ابو مشعاب : تصرفه من عند جحا النجار قصدي الصيدلي .. وقبلها تـمـرّ على الشيخ ابو فهد و خله
يـقـرا عـليها عشان الـرومـاتـيـزم

عايض : الله يجزاك خير يا شيخ

ابو مشعاب : يالله يالله شـيـل جدتك معاك وإن شاء الله بكره تصلون عليها مع صلاة العصر

عايض : الله يسمع منك


====================================



تابع

[ابو مشعاب]

ابو مشعاب : يا مطلوب .. ادخل المريض اللي بعـده .. يالله ابوي قـبـل الغــدا

المطلوب : مـريض رقم :27_1_3: يا الله يا الله بسرعه دورك ( الغدا جانا .. الغدا جانا ) يغني الخبل

العذبه : يابو مشعاب .. هذي الشهباء زميلتنا جايه تعالج

ابو مشعاب : حياها الله ويامرحبا ومسهلا

العذبه : الله الله فيها يابو مشعاب نـبـيـك تتوصى فيها

ابو مشعاب : حاضر ولا لها إلا طيبة الخاطر .. نسوي لها خصم 40%

الشهباء : السلام عليكم

ابو مشعاب : وعليكم السلام .. يا هلا بالشهباء .. هاه سلامات عسى ما شر ؟

الشهباء : والله يابو مشعاب أنا جايتك أبيك تشوف لي حل في الشهاب اللي فيني .. أنا عـندي البشره لونها أشهب صايره كأني من دداسن أهل حائل :ro:

ابو مشعاب : طيب .. إكشفي وجهك عشان أشوف المشكله

الشهباء : لا .. أنا أستحي

ابو مشعاب : يابنت الحلال ما على المريض حرج .. إكشفي وجهك

الشهباء : طيب .. هذا أنا كشفت

ابو مشعاب : سكري سكري .. غطيه غطيه .. غطي وجهك .. لاحول الله , أنتي طايحه وسط رماد الله يهديك ؟!

الشهباء : لا والله يابو مشعاب

ابو مشعاب : طيب .. ذابحه أحد وإلا مآكله حلال أيتام ؟

الشهباء : لا حشى .. أنا خايفه الله وحافظه قرآن

ابو مشعاب : : صحيح .. أنا دايم أشوفك تقرين قرآن لكن قلت يمكن تاريخ أسود وإلاشئ , طيب وأنتي صغيره قـد عـضـِّـك كلب مسـعـور وإلا حصني أحول ؟

الشهباء : لا والله يابو مشعاب .. ولكن أذكر وأنا صغيره قد طحت وسط بـيـر مهـجـوره

ابو مشعاب : إيه قولي كذا من زمان .. أنا من يوم شـفـت الأعـراض اللي فيك وأنا قايل هذي اسبابها
يا كلب مسعـور وإلا بـيـر مـهـجـور , على العموم الحل عندي .. يا العذبه .. إمسكي الشهباء زين عشان أفحصها .

العذبه : أبشر ولا يهمك .. إزهـلها

ابو مشعاب : يا عادل .. حط المكوى في الجمر بسرعه

الشهباء : وش بتسوون فيني ؟

ابو مشعاب : لا بس راح نـدغـدغـك :icon_mrgr

عادل : المكوى جاهز

ابو مشعاب : يالعذبه إرفعـي إذنها شوي ... تشششششششش [ ابو مشعاب يكوي الشهباء تحت إذنها ]

الشهباء : آآآآآآآآآآآآآآآآآآآآآآآآآآه :n,

ابو مشعاب : لا سالمه إن شاء الله سالمه .. لفظتي الشر .. لفظتي الشر

العذبه : سلمتي ان شاءالله .. خلاص أفلحتي


ابو مشعاب : ألحين أنا راح أكتب لك علاج تستخدمينه بإستمرار وتراجعيني بعد اسبوع

الشهباء : أححححححححححح , وش علاجه بعد .. ما يكفي اللي سويتوه فيني ؟

ابو مشعاب : هذا العلاج اللي راح تستخدمينه إسمه " الخــنــــدفـيــس "

الشهباء : وش هو ؟؟؟؟

ابو مشعاب : الخـنـدفـيـس اليـابــس .. هذا لازم تـدقــّيـنه و تطحنينه طحن بعدها تـسـفـّيـنه سفوف .. وتاكلينه مو بعد الطعام ولا قـبله .. بل أثـناء الطعام ولازم تـشربين وراه ماء ورد لازم .. مو ماء عادي
لأن لو شربتي ماء عادي يسبب لك جـرب على طول .. إنتبهي هذا الخـنـدفـيس له تأثيرات جانبيه .

الشهباء : ان شاء الله

ابو مشعاب : يا الله شـيـلي قـشـّـك و إلـبـسي نعـالك و عـباتـك و مـرّي على الشيخ ابو فهد خليه ينفخ في وجهك بعدها روحي للصيدليه

أنثى السحاب : :eek: كـبـسـه .. كـبـسـه يا جـدعـان .. البـولـيـس .. البـولـيـس وصــل

ابو مشعاب : :eek: , وش هو ؟ الشرطه .. إنـحـش ياولد إنـحـش

العـريف يحيى : فـيـن ابو مشعاب .. يابو مشعاب سلـِّم نفسك .. البيت كله محاصر ..
سلـِّم نفسك وطـلـِّـع الرخصه و الإستماره .

ابو مشعاب : يـتـنـكّـر في زي إمرأه ويلبس عـباءه

العذبه : أغـمي عليها من الخوف

عادل : أنـخـشّ تحت الطاوله :md:

جحا : أنحاش فوق السطح

الهيل : قـام يصلي ركعـتـيـن :md: [ يبرئ نفسه ]

المطلوب : سـلـَّم نفسه لا ويضحك بعد

العـريف يحيى [ يكلم ابو مشعاب وهو متنكر ] : يا حرمه .. يا حرمه .. ما شفتي ابو مشعاب ؟

ابو مشعاب متنكر : ابو مشعاب راح يـجـيـب لنا رطب من الخـفـجي =:D=

العـريف يحيى : غـريبه , حرمه في يدها شعر .. كيف هذا ؟؟ , يا حرمه خليني أشوف يديك

ابو مشعاب متنكر : إعـقـب عـقـبـت .. تـبـي تـلـمس يدي يا الخبـيـث المخـبـث

العـريف يحيى : :eek: ابو مشعاب .. ابو مشعاب .. أمسكه يا عسكري ..أمسكوه لا يهرب


{ ألقـت الشرطه القبض على ابو مشعاب وعادل والهيل و جحا والمطلوب وأخذتهم للمخـفـر }


=================================

العـريف يحيى : السلام عليكم يا حضرة الضابط .. مسكنا ابو مشعاب واللي معاه

الضابط : أهلين حيا الله ابو مشعاب .. شرفت المخفر

ابو مشعاب : خير يا حضرة الضابط .. وش صار ؟ .. الشرطه جات و لقطتنا وحنا مقيلين في بيتنا

الضابط : يعني تسوي نفسك ما تدري يابو مشعاب ؟

ابو مشعاب : والله مدري عن شئ .. أنا في حالي .. من البيت للمسجد حتى الجيران ما يعرفوني

الضابط : فاتح عياده في بيتكم و جالس تـنصب على عباد الله ياللي ما تستحي ؟

ابو مشعاب : والله ما سويت شئ يا حضرة الضابط .. حرام عليك أنا جدتي ميته و جدي ميت , بعدين

أنا رجال مسكيـن مريـض معـي ورقـه من الطبـيـب :4_9_3: [ هذي عشان جووري :) ]

الضابط : شوف حركاتك هذي ما تمشي علينا حفظناها .. أحسن لك اعترف وإلا سجنتك

ابو مشعاب : أنا أعترف .. راح أعترف .. أنا أصلاً أحب الحكومه عشان هـيـك راح أقول كل شئ .

الضابط : ممتاز , يالله تكلم

ابو مشعاب : والله يا حضرة الضابط أنا والشباب اللي معي مالنا دخل في الموضوع ..
حنا مستأجرين و مغـشوشين

الضابط : كيف ؟

ابو مشعاب : المهند هو السبب , جاء و شغـلنا كلنا في الشغـله هذي , وقـلت له أنا يابو أحمد الكلام هذا ما يجوز هذا حرام وغـش و تـدليس , قام قال لي أنا عـندي تصريح من وزارة الصحه بفتح عياده وأنا والشباب الطيبين صدقناه .. وأتوقـع إنه مزوّر التصريح يا حضرة الضابط .

الضابط : صحيح الكلام هذا يا شباب .

الهيل : نعم نعم .. الكلام اللي قاله ابو مشعاب صحيح

عادل : إي والله صحيح يا حضرة الضابط حنا ما لنا ذنب .. هو هو هو المهند ساس البلا , احـبـسـوه
يا حضرة الضابط واجـلـدوه لـيـن يـنـصـلـخ جـلـده عشان يتوب

جحا : كلام ابو مشعاب صحيح يا حضرة الضابط .. حتى أنا نصحت المهند وقلت له خاف الله هذا حرام اللي قاعد تسويه .. قام قال لي إخــرس

المطلوب : نعم نعم .. مع إني والله ما أحب أفتن على أحد ولكن أنا سمعته يقول إخـرس

الضابط : يا عسكري يحيى جيب لي المهند و حط الشباب في الحجز

ابو مشعاب : لييييه ؟ أنا أعترفت بكل شئ

الضابط : يالله روح مع العسكري ولا تكثر كلام

ابو مشعاب : يا حضرة الظابط أنا والله عندي شغل ضروري , أجيكم بكره

الضابط : أقول لك روح ولا تكثر كلام

ابو مشعاب : طيب يا حضرة الضابط أنا عندي حل .. وش رايك تـطـلـّعـنا انا والشباب و تـخـلي المطلوب

عندك .. خـلـّـه يـخـيــس عندك في السجن إن شاء الله سنه .. ترى ما أحد يـبـيه حتى أهـله ما يـبـونـه

الضابط : يا عسكري يحيى يالله شيلهم للحبس

ابو مشعاب : هذا ظلم هذا يا حضرة الضابط .. ضيعـت شبابي و حطمت مستقبلي

العـريف يحيى : هـيـا يابو مشعاب خلي الكلام الفاضي وحركاتك ترى نعرفها زين

ابو مشعاب : أنت إلى الآن ما تقاعـدت يا يحيى ؟

العـريف يحيى : لا إن شاء الله

ابو مشعاب : ما شاء الله عليك ما تغير شكلك .. أنت مثـل عـمدان الكهرب تضربها الشمس
ولا يـتـغـير شكلها :icon_mrgr

العـريف يحيى : الله يسلمك

ابو مشعاب : والله يا أنا عندي لك هديه يا يحيى مسكّـته

العـريف يحيى : أيش هـيّـه ؟

ابو مشعاب : عندي لك بدلة نادي الإتحاد جديده ما لبسها قـبلك إلا محمد نور , لعب فيها شوط واحد بس

العـريف يحيى : فـيـنـها بالله عـليك ؟

ابو مشعاب : بس عندي شرط

العريف يحيى : أيش هو الشرط ؟

ابو مشعاب : تخليني أطلع من السجن

العريف يحيى : لا لا لا .. ما أقـدر هذي مسؤليه كبيره

ابو مشعاب : الشرهه علي اللي أسولف معك

{ وفي نفس اليوم ألـقـت الشرطه القـبض على المهند وأدخل السجن }


ابو مشعاب : هلا و الله و مسهلا بابو احمد .. تو ما نوّر السجن

المهند : حسبي الله و نعم الوكيل فيك يابو مشعاب ... كدا تعمل فيّا .. أنا أدخل السجن ؟

ابو مشعاب : والله خفت تطـفـش لحالك في البيت فـقـلت نـجـيبك معنا تونسنا

المطلوب : والله وناسه يابو أحمد .. لعب ورقـه و أكل و شرب بلاش :icon_mrgr


[ بعد ثلاث أيام من التحقيق تم الإفراج عن الجميع ما عدا ابو مشعاب فـقـد تم تحويله للمحاكمه ]



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ




لا يفوتكم قريباً { مـحـاكـمـة ابو مشعاب } (py)

[المطلوب]

ههههههههههههههههه
اخيرا حطيته انا رايح اقراه الين تضعف نظري باااااااااااااي

[ابو مشعاب]

هلا والله بالمطلوب

وعسى ما ثقلنا عليك بس ...

وياليت إذا عندك أي مشاركه عن بيت العربي تحطها في الموضوع

سواء أنت أو أياً من الاعضاء ..

إلا بغـيت أسألك سؤال :

صحيح الشباب المزايين اللي حاط صورتهم ولابسين فنايل و سراويل كأنهم رايحين يصيدون سمك
هم خماسي العربي المرح ؟

طيب عسى ما هم متزاعلين بس , أشوف كل واحد معـطي الثاني عـلباه ههههههههههه


تحيتي لك يا مطلوب وللرباعي اللي معك

[عبدالعزيز المانع]

هههههههههههههههههههههههههههههههههههههههههه

الله يلعن ابليسك من ويين تجيب هالسوالف

قسم بالله انك مخاوي .....

اما اللي انخش تحت الطاولة صراحه تحفه

بس حسب علمي انكم سدحتوه وحطيتو الطاولة فوقه

ولا شلون ؟؟؟؟

[نــورالسماء]

:icon_mrgr

[عادل السويدي]

[[ ابو مشعاب : يا عادل إسدح المريض بـ رفـق عشان أكشف عليه

عادل : أبشر .. [ عادل ما صدق خبر و سدح ام جابر على طول ]

ام جابر : ياويلي ويلاه .. ياويلي ويلاه .. فكوني فكوني

ابو مشعاب : لا لا لا , ماهيب ذي المريضه .. ولدها ولدها .. فكها يا مهبول حسبي الله
عليك فضحتـنا ]]

الله يهديك بس ابومشعاب.. ثاني مرة لا تقول لي "بـ رفق" عشان ما أفهم غلط :d
كتبت وأمتعت .. يثلمووو
في انتظار المحاكمة..

صيدلي عزوز "اعقل.. والا بهي بهي تهي تهي بهي بون :co" :d

[JOORY]

هلا والله ابو مشعاب
من كل قلبي اقولك
تسلم يمينك وشمالك لاتزعل مني
بجد روعه

ممكن اكون متاخره لكن
سامحني


صراحه انا صايبتني عين
لكن ماراح اقول على ايه
ممكن الاقي علاجي عندك
اذا مافي زحمه بس

ههههههههه



دمت رائع ياخالد

[نـــــوال]

ههههههههه بصراحه جميله وما يبيلها كلام ..,
يعطيك العافيه بو مشعاب على الابداع الخطير جداً .. جداً ..,
اهم شي الف بالسياره كل عصريّه جمعه هههههههه
مشكوور والله على الامتاع الجميل ..,
وننتظر المحاكمه بأقرب وقت وربنا يستر =:D= ..,
لك تقديري ..,

[الـعـلاء]

:4_1_105::4_1_105:

[umbakr]

ابو مشيعيب!!!!!!


الله يغربل شرك موتني من الضححححححك


مرررررررررره حلوة الحركات هذي



تصدق رجعت عشان اطل عالموضوع واضحك, خخخخخخخخخخخخ



زمان عن سواليفك, من زووووود الفضاوة ينقالك





تحياتي يا المبدع وبلاه طب شعبي



الا صحيح ليه ما اخذت براي الخير له بااااع طويل في ذلك

[ابو مشعاب]

هلا عبدالعزيز يا شيخ جحا

وإبليسك ألعن
أما مخاوي فهذي صادق فيها ومن زمان بعد

أما الطاوله فإحرص على نفسك منها لا تنوشك هههههههههههه

تحيتي

[ابو مشعاب]

مرحبتين يالسويدي

الله يهديك بس ابومشعاب.. ثاني مرة لا تقول لي "بـ رفق" عشان ما أفهم غلط

وأنا وش درّاني إنك تفهم لغات أجنبيه ههههههههه

يعطيك العافيه والإسبوع الجاي أنا عندكم , أحصلك عند مخرّع الغيم

ولا تعتذر والله لأنقزك من بيتكم

سلام

[ابو مشعاب]

مرحبا ومسهلا والله بوردة العربي الموحد

" جووووري "

وتو ما نوّر البيت .. والله يسلمك من كل شر

وصراحه اللي عطاك عين ما ينلام كل شي فيك حلو ههههههههه

وأنا حاضر بالعلاج وإن ما عالجنا جووري من نعالج

ياهلا

[ابو مشعاب]

أهلين بنور السماء وأسمحي لي نسيت

يا أم إبتسامة ساحره هههههههههه

تحيتي

[ابو مشعاب]

هلا وغلا نوال

وانتي مصدقه إني بعطيك دوره بعد ما خربتي ددسني في بدو أكاديمي هههههههههههه

اشكرك على تواجدك

وشدي حيلك في الحلقه الجايه ليلك طويل هههههههه

دمتي بخير

[ابو مشعاب]

هلاااااااااااااااا العلاء

حيى الله ابو نقزه ههههههههه

مرحبتين و مشرفنا في بيت العربي

[ابو مشعاب]

أرحبــــــــــــــيييييييييييييييييييييييييييي

هلاااااااااااااااااااااااااااااااااااااااااااااااا اااااااا وييييييييييييييييييييييييييييييييييييييين الناس

يامرحبا والله ومسهلا يا حي ذا الشوف من ام بكر

مفتقدينك والله .. وشلون هان عليك المنتدى ؟!

على العموم ألف مبروك زواجك وأسأل الله إنه يوفق بينكم ويرزقكم الذريه الصالحه

أشوفك مستهينه بالمشعاب و تقولين مشيعيب هاااه إنتبهي حضرب بالمليان أقصد بالمشعاب ههههههههه

أتمنى لك التوفيق

[عادل السويدي]

أم بكر هنا http://www.4uarab.com/vb/images/icons/a32.gif

يا الله أنك تحييها.. ومبروك ألف ألف مبروك أم بكر على الزواج << حسب كلام أبومشعاب >>
والله يوفقك ويسعدك إن شاء الله..
خليك معنا كل ما أمكنك ذلك.

سلااام.

[عبدالعزيز المانع]

اقول عويدل كانك ناوي شر

خل المشاكل بعد محاكمة هالمسكين المغلوب على امره

وبعدها مثل ماقالوا الميدان ياحصان

وعلى قولة ابو مشعاب الله يخليه ذخر لنا

احذر تسلم

[umbakr]

مرحبنبن ابو مشعاب

هي الحكاية فوضى تضرب بالمشيعيب!!!

هلا بك والله يبارك فيك مشكور اخوي وعقبالك ان لم تكن فعلتها


تحياتي

[umbakr]

الله يحييك ويبقيك اخوي عادل


الله يبارك بعمرك والعقبى لك يارب بالي تتمناها والي تسعد ك د نيا وآخره:d

[JOORY]

هههههههههه خالد

اموت واعرف على ايه صايبيني عين
ثلاث ارباع البلد اذا مو الكل‘‘

( يقول كيف انا جذاب
وماادري عن نفسي)

مابين القوسين كلام احدهم‘‘
ههههههههههههههه

سلام

[مــيّــادة]

اليوم يوم رهيب ..

هبطت سفية عاشق مع وقف التنفيذ بيننا ..

ومحصلة المشاركه 2<<<<ماشاء الله يقرأ حرف حرف وبذمه برضه .. مامداه يرد بسبب ذمة القراءه

الله يحفظة ..

المهم ..

عاد الناس قاموا يرحبوا ..

الي عزمة على الغدا

وعلى الفطور

وعلى العشا

الحاصل ..

انه بدأت الوشوشات بين سكان البيت ..

وبدأت الاشاعات تطلع ..

وبدأوا الناس يرقصوا بدون زفه

وفي ركن جلست رؤى ومياده يناقشوا قضية الاخ الغدف

ونهاية الحرب..

وانتهت المناقشه بانسحاب رؤى بعد اجتياح امواج الغصب لأعصابها



الى اللقاء