فلافل طعمينا... ووصفتين متختلفتين !!!

**شام** · 16-03-2004, 08:13 PM

فلافل طعمينا ,,,

اكيد ان الجميع يعرف الفلافل ( الطعمية ) و لكن هل يعرف الجميع كيف تحضّر الفلافل ؟؟؟

المقاير التالية تكفي لتحضير 70 _ 80 حبة فلافل ...

المقادير :
نص كيلو حمص
بصلتان كبيرتان
حوالى ربع رغيف عربي
1/2 كوب كزبرة خضراء
ملح
ملعقة صغيرة بهار احمر
2 _ 3 ملاعق كبيرة بهارات فلافل
و ان لم تتوفر يمكن استبدالها ب :

ملعقة صغيرة كزبرة يابسة
1/2 ملعقة صغيرة بهار اسود
1/2 ملعقة صغيرة كمون ناعم
1/2 ملعقة صغيرة بهارات مشكلة
ملعقة صغيرة باكينغ باودر
سمسم
زيت للقلي

لعمل الساندويتشات :
خبز عربي
لبن
طحينة ( زيت السمسم )
نعنع اخضر
بقدونس مفروم ناعم
مخلل خيار مفروم ناعم
بندورة مفرومة ناعم
خس مفروم ناعم
سماق ( يمكن الاستغناء عنه و هو لاضفاء القليل من الحموضة )

صلصة اللبن بالطحينة :
نقوم بخلط حوالي كوب لبن مع ملعقتين كبيرتين الطحينة و رشة ملح
شطة ( صلصلة الفلفل الاحمر ) لمن يحب المذاق الحار
الطريقة :

ينقع الحمص بعد تنقيته من الشوائب و الاحجار!!! بالماء الساخن حوالي 6 ساعات .
يصفى من ماءه و يفرم بمفرمة اللحم مع البصل المقشر و قطعة الخبز بعد غسلها و ترطيبها قليلا بالماء و الكزبرة الخضراء .
يضاف الى خليط الحمص البهارات المشكلة و بهارات الفلافل والملح و الباكينج باودر و تعجن جيدا .
يحمى الزيت و تقلى الفلافل بتشكيلها اقراص باستخدام القالب الخاص بها ان و جد او قالب الايس كريم ( اكتشاف حديث جدا :D) والا بتشكيلها باليد و الامر لله ,,,
يغمس كل قرص من طرفه بالسمسم ثم يقلى في الزيت .

يمكن رش العجين بقليل من الماء لتسهيل عملية التشكيل خاصة في حالة استخدام القالب ,,,
تترك الاقراص حتى يصبح لونها بنى محمر مو اسود محروق نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

!!!

طبعا نقوم بعمل الساندويتشات بفتح الرغيف الى نصفين توضع كمية الفلافل حسب الرغبة , تهرس بالشوكة و توزع فوق الرغيف و يرش فوقها كمية كافية من البقدونس المفروم والخس و النعنع الاخضر و مخلل الخيار و البندورة ملعقة كبيرة او اثنتين لبن بالطحينة و شطة لمن يرغب ( اكيد مو انا نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

) و رشة سماق ,,, و تؤكل مع كوب شاي ساخن و الف صحة ,,,, نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

البعض يخلط معها بقدونس و ثوم .
في مصر تصنع الفلافل بخلط الفول و الحمص اما في سوريا فهي مكونة من الحمص فقط .

**kaled_rg** · 17-03-2004, 11:09 AM

شــــام

شو قصة الفلافل ورانا ورانا هههههه

مو مشكلة الله يسلم ايداكي و يعطيكي الف الف عافية

**شام** · 18-03-2004, 12:31 AM

اخي خالد ,,,
صدقني بالغربة بتصير سندويش الفلافل حلم امنية غالية
قد ما حاولنا بالغربة نعمل هالاكلات بتبقى الها طعم خاص بالوطن مو لانها اكلة لانها بتعني بالنسبة للمغترب الوطن كلو بكل معانيه و تتفاصيلو ,,,
بتعرف اخر مرة رجعت من الشام جبت معي علبة معسل تفاح !!!!
بتعرف ليش لحتى كل ما غمض عيوني و شمها اتخيل اني بالشام و القهاوي و عين الفيجة و بلودان و الربوة ,,,,

شــــــــــــــــام نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**kaled_rg** · 18-03-2004, 03:11 PM

شـــام

اه .......لو تعرفي شعوري و انا اقر كلمات التي هي اذا ذكرتني تذكرني با المتل الي بيقول الوطن قتال

الله يرجعك على الشــام با الف خير و سلامة و صدقيني راح اكون اسعد الناس عندما اسمع خبر رجوعك بخير و عافية الى ارض الوطـــــن الام ســــــ الخضراءــورية

**Abe** · 13-04-2004, 07:42 PM

شكرا شامو علي الوصفة ......... بتعرفي ان كل شي بالغربة بيوحشك مووووت ...... وان ساندويشة فلافل معتبرة بتسوي كنوز ..... يعطيك الف عافية ...... وينك شامو بدي وصفة صرة الاوزي لو عندك .... جاي علي بالي صرة اوزي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

تحياتي ........ آبي

**شام** · 21-04-2004, 12:42 AM

الغالية ابي ,,,
اعتذر في التاخر بالرد على مشاركتك ,,,,
ان شاء قريبا سوف تجدين طريقة عمل الاوزي لعيونك ,,,
ابعد الله عنك و حشة الغربة و اعادك بالسلامة الى وطنك ,,,

شام

**Razan** · 15-05-2004, 01:55 PM

ياسلاممممم يا شام على هالاكلة اللزيزة
لو تعرفي اديش انا باكل سندويش فلافل بالاسبوع
ابي ما عندو غير سندويش الفلافل كل ما يطلع من البيت بيجبلنا سندويش عن قبيلة لووووول

**شام** · 16-05-2004, 08:20 PM

عزيزتي رزان ,,,
تذكريني كل ما البابا جاب سندويش فلالفل و كلي واحدة عني ,,,
و الف صحة ,,,,

شام

**Razan** · 21-05-2004, 10:11 PM

خلص رح اتزكرك لأن السندويشة رغيف كامل من اللي بيحبو البك بطعمي قبيلة معي لوووول

**الخير** · 26-08-2004, 07:51 PM

.. للفلافل ........طريقة العمل كما يلي:

أحضري حمص يابس(( واحد كغ )) و انقعيه حوالي يوم كامل بالماء ثم افرميه بماكينة الكبة مع قليل من البصل و قليل من الثوم المدقوق و أعيدي الفرم مرتين ثم ضعي فوقهم مايلي:

ملعقة صغيرة بيكمبودر
- ملعقة صغيرة كزبرة يابسة
- ملعقة صغيرة كمون
-رشة ملح و رشة بهار
-بيضة ......و اخلطيهم جيدا ثم اقليهم إما بملعقة ملعقة أو بقالب الفلافل

ملاحظة :يمكن بعد فرم الحمص بالفرامة (اذا كانت الكمية كبيرة ) أن تقسميهم على وجبات على قدر الحاجة ثم تضعيهم بالفريزر و كل مرة تأخذي وجبة و تكملي طريقة العمل

*** سندويش الفلافل:

نأخذ الخبز العربي و نضع فيه الفلافل(( نهرس القرص قليلا ) و نضع فوقها شرائح البندورة و الملح و المخلل و اللبن المخلوط مسبقا مع الطحينة و البقدونس المفروم و حسب الرغبة ممكن وضع شرائح من الخيار و شرائح من الليمون.

بالنسبة للخبز الفرنسي.....يشق من الجنب..يفرغ قليلا من اللب...والباقي مثل السابق..
..........

............اعداد ستي.....تقديم الخير احمد.......وصحتين وعافية..
..

**شام** · 21-10-2004, 03:21 AM

و وصفة جديدة من الاخ الخير ..

لنشوف مين الاشطر !!!

تسلم ايديك ...

شام ...

**الخير** · 21-10-2004, 07:41 AM

وصفات جميلة...
............وقرص مغذي ولذيذ.........

....................صحتين وعافية للجميع..

................

شكرا.. شام

تحياتي وتقديري.
.

..........

الموضوع: فلافل طعمينا... ووصفتين متختلفتين !!!

LinkBack

أدوات الموضوع

عرض

فلافل طعمينا

شكرا شامو علي الوصفة

"فلافل..وسندويش الفلافل"

معلومات الموضوع

الأعضاء الذين يشاهدون هذا الموضوع

ضوابط المشاركة